June 12 public holiday: President Buhari mark goment Democracy Day in Nigeria wit special broadcast on Friday

  • Daniel Semeniworima
  • Senior Broadcast Journalist
President Buhari nationwide live broadcast to mark Democracy Day, 12 June, 2020 at 7am

Wia dis foto come from, Screenshot/Youtube

Wetin we call dis foto,

President Buhari nationwide live broadcast to mark Democracy Day, 12 June, 2020 at 7am

President Muhammadu Buhari on Friday order goment to review & implement di whitepaper to reduce goment agencies and parastatals as Nigeria oil money dey reduce.

Di Nigerian leader also order say make dem wake di Ajaokuta Steel plant as im address Nigerians, on Friday, to mark di June 12 Democracy Day jolliment.

Oga Buhari 35 minutes broadcast to di nation touch on many national issues.

Goment don alreadi declare Friday as public holiday throughout di kontri. BBC Pidgin show di Presido broadcast as e dey happun live.

Nigeria Democracy Daybefore now na May 29 dem dey celebrate am sake of say na di day for 1999 wen one elected president swear oath enta office for Aso rock afta years of military dictatorship.

Wia dis foto come from, Screenshot/Youtube

But President Buhari, on June 6, 2018, change di Democracy Day to June 12 in honour of Moshood Abiola, di winner June 12, 1993, presidential election wey die for prison.

Buhari also cari award give di late Chief Moshood Kashimawo Olawale Abiola as di Grand Commander of di Federal Republic. E also cari award give Abiola running mate dat time, Babagina Kingibe, wit national honours.

Many till today still believe say June 12, 1993 election na im be di freest and fairest election for Nigeria ever.