Prince Malik Ado Ibrahim: Adama Indimi, Nigeria billionaire daughter wedding to Kogi prince - see fotos and videos wey go totori you

Prince Malik Ado Ibrahim and Adama Indimi

Wia dis foto come from, InSTAGRAM

Wetin we call dis foto,

Prince Malik Ado Ibrahim and Adama Indimi

Di tori of marriage between Adama Indimi and Prince Malik Ado Ibrahim don dey go upandan for local news and social media since Saturday.

BBC Pidgin gather from local reports say Adama Indimi, di daughter of Nigeria billionaire oil magnate Mohammadu Indimi marry Prince Malik Ado-Ibrahim wey be di first son of His Royal Highness Dr Ado Ibrahim di Ohinoyi (King) of Ebiraland for Kogi State north central Nigeria on Friday night.

One dedicated Instagram page for di wedding reveal pictures and videos of di event.

Di marriage ceremony start wit Henan night for Maiduguri Borno State for Friday night 7 August and di Nikkai hold on Saturday 8 August.

Wia dis foto come from, InSTAGRAM

Wetin we call dis foto,

Adama Indimi brother Ahmed Indimi na im marry President Muhammudu Buhari daughter Zarah Buhari

Adama Indimi, wey many pipo sabi as presido mama, na Chadian. She be humanitarian and beauty entrepreneur. Dem appoint her as di Director for Grassroots Mobilizer for President Buhari re-election for 2019.

According to reports she bin date popular Nigerian musician Dbanj before.

Her papa, Muhammadu Indimi na Nigerian businessman. Na him be di founder, and chairman of Oriental Energy. Him don be former in-law of former Nigerian president and retired Nigerian Army general Ibrahim Babangida.

Oga Indimi wey be billionaire (one of Nigeria richest men) na also a current in-law to Nigerian president Muhammadu Buhari and Ex-minister of di Abacha regime Bashir Dalhatu. (im son [Adama Indimi brother] Ahmed Indimi na im marry President Muhammudu Buhari daughter Zarah Buhari).

Wia dis foto come from, TWITTER/INSTAGRAM

Prince Malik Ado Ibrahim be di son of di Ohinoyi of Ebiraland. Dem born am for Nigeria but he go school for UK and US.

Di groom na di CEO and Chairman of Nigus Enfinity, one company wey collabo wit BYD of China. He dey popular for im role for di FI design.

Di Nigerian born prince get 'mad love' for automobiles and im don dey deal wit cars since 1990. He work wit Proton and Lotus and e epp dem develop di position of Lotus for di Malaysian government for 1999. Na im be di first black man to wok for Formula 1. He like to dey do personal car race.

Wia dis foto come from, InSTAGRAM

Wetin we call dis foto,

Di groom bride father and di bride

For di late 2000s, di Nigerian Prince, Malik Ado Ibrahim become di United Nations Under Secretary for renewable energy. Na den e begin focus on renewable solar, hybrid, and start to dey find ways on how to develop non-hydro carbons based global economy.

Wia dis foto come from, Instagram/ shesaidiado

Wetin we call dis foto,

Adama Indimi wedding

Afta dem don do di traditional Nikkah, Adama and Prince Malik say dem go choose later date for di white wedding.

See videos from di wedding