EFCC Mompha: Economic and Financial Crimes Commission re-arrest Ismaila Mustapha - see why

EFCC arrest Mompha

Wia dis foto come from, Instagram/mompha

Wetin we call dis foto,


EFCC arrest Mompha again on top fresh investigation wey link to suspected Yahoo-Yahoo alais internet fraud.

EFCC wey be Nigeria anti-corruption police tell BBC say dis fresh case wey dem use take arrest Mompha dey different from di one wey dem bin sama against am.

Economic and Financial Crimes Commission Head of Media & Publicity, Dele Oyewale say:

"You know we already dey court with am before, we get fresh information now and we go give further development about am later."

Wia dis foto come from, Instagram/mompha

Wetin we call dis foto,


Nigerian local media bin report say EFCC on Friday re-arrest Mompha wen Mompha wen im bin go dia office for Ikoyi, Lagos to reclaim im five wristwatches, one Apple Air pod, one iPhone 8 mobile phone and one pair of sunglasses, wey EFCC seize from am.

But oga Dele Oyewale no mention di circumstances wey surround di way wey dem use take re-arrest am.

"Wen and wia we take arrest Mompha no dey important wetin dey important be say we don re-arrest am."

Di arrest get to do with fresh information, fresh investigation wey link am with fresh cases of suspected internet fraud".

Wia dis foto come from, Efcc

Before now, Mompha bin dey face money laundering charges for Federal High Court afta Nigeria anti-corruption police arrest am last year and drag am go court.

Dem accuse am say im launder moni through one company, Ismalob Global Investment Limited between 2015 and 2018.

EFCC claim say im move di moni wey dey inside Fidelity Bank in batches of N18,059,353,413 billion and N14,946,773,393.00 billion.