Donald Trump goodbye speech in Joint Base Andrews afta e comot White House for last time as US president

Donald and Melania Trump board Air Force One

Wia dis foto come from, Reuters

Donald Trump don comot di White House for di final time of im presidency, ahead of di inauguration of Joe Biden.

Mr Trump bin take helicopter to Andrews base, wia e make some last remarks as president before e board di Air Force One plane for Florida.

E be di first president to snub im successor inauguration since 1869.

Mr Biden go take di oath of office by noon (17:00 GMT) for Washington, wey dem don secure afta di deadly riot for di Capitol dis month.

Wetin Trump tok?

"I hope say dem no go raise your taxes, but if dem do - I tell you so!" Trump tok.

Also for im farewell address for di Joint Base Andrews, wey im do to cheers from supporters, di president say pipo "no get idea how hard" im family work during im four years in office.

"Wetin we done do be amazing tin by any standard," e tok, before e point to changes e make to di US military.

Trump also invited im wife Melania to say a few words.

"To be your first lady be honour," she tok.

"God bless you all, God bless your families and God bless dis beautiful nation," she add.

"We love di American pipo and dis don be something very special," e add.

Prescient Donald Trump conclude im speech, say e don be di "greatest honour" to be president. Im address im supporters, say e go "always fight for you" and will be "watching and listening" and promise to come back in some oda capacity..

Trump also wish di new administration "great success" for di future - but e no address Joe Biden or Kamala Harris by name.

"We do something wey be medical miracle and dat na di vaccine," e tok.

E say di virus na "horrible thing" and once again call am di "China virus" but pay "great love" to families wey don suffer greatly.

America Covid death toll now don pass 400,000, and di loss of life continue to dey increase.

"We go come back in some form," e promise, before im depart with Melania as YMCA dey play for background.

See di pictures of im last moments

Wia dis foto come from, Getty Images

Wia dis foto come from, Getty Images

Wetin we call dis foto,

Donald Trump dey wave White House bye-bye

Wia dis foto come from, EPA

Wetin we call dis foto,

Donald and Melania Trump dey go towards di Marine One helicopter ontop di White House South lawn

Wia dis foto come from, Reuters

Wia dis foto come from, Reuters

Wia dis foto come from, Reuters

Wia dis foto come from, Reuters

Wetin we call dis foto,

Melania Trump tell Donald say e don be her honor to serve as First Lady

Wia dis foto come from, ALEX EDELMAN

Wetin we call dis foto,

Donald and Melania Trump enta Air Force One for di last time comot Joint Base Andrews

Wia dis foto come from, Getty Images

Wia dis foto come from, Getty Images

Wetin we call dis foto,

Di Trumps cari Air Force One to go Florida

Wia dis foto come from, Getty Images