Benin vs Nigeria highlights: Super Eagles Paul Onuachu last minute goal against Squirrels redeem Nigeria Afcon qualifiers live scores

Nigeria vs Benin Republic highlights:

Wia dis foto come from, Twitter

Nigeria Super Eagles don beat di Squirrels of Benin Republic Saturday night during dia Afcon 2021 qualifiers.

Gernot Rohr boys bin don qualify for di Africa Cup of Nations afta Sierra Leone play goalless draw wit Lesotho earlier in di afternoon.

Super Eagles Paul Onuachu last minute goal against Squirrels redeem Nigeria Afcon qualifiers live scores.

Di match wey dem play for Stade Charles de Gaulle in Porto Novo, Benin Republic end 1-0.

Na di 93rd minute goal of di man for number 19 jersey wey come in as substitute na im change di game wey Benin national football team bin drag goalless for more than 90 minutes.

Wia dis foto come from, NFF

Wetin we call dis foto,

Paul Onuachu

"We just gatz to go dia and collect di gold." Onuachu tell tori pipo wey tok to am afta di match as Nigeria don qualify for Afcon 2021.

Nigeria bin just need one point to book dia place for next year cup of Nations wey Cameroon dey host.

Wit dis win Super Eagles dey extend di lead ontop group L wit 11 points followed by Benin wey get seven points.

Dem bin just need one point to book dia place for di continental tournament wey Cameroon dey host.

Di team dey expected to return to Cotonou afta di game and travel back to Lagos on Sunday morning.