Benin vs Nigeria results: Super Eagles beat Squirrels to qualify for Africa Cup of Nations 2021

"Benin vs Nigeria results"

Wia dis foto come from, Super Eagles

Super Eagles of Nigeria beat Squirrels of Benin Republic 1-0 dis evening for dia Africa Cup of Nations qualifiers.

Before di game wey happun for Charles de Gaulle stadium inside Porto Novo, di Super Eagles don already qualify for di 2021 Africa Cup of Nations [AFCON].

Nigeria senior football national team pick di ticket afta Sierra Leone play a goalless draw witLesotho inside Maseru on Saturday afternoon.

Wia dis foto come from, Fatlum Kurtaj Photography

Di result don give di three-time African champions eight points with 4 points ahead of third placed Sierra Leone.

Gernot Rohr boys one nill defeat of di Squirrels end Super Eagles eight-year record of playing wit di Benin national team.

Super Eagles of Nigeria go later play Crocodiles of Lesotho on Tuesday at di Teslim Balogun stadium in Lagos.