Woman wey dye hair to fit 'belong'

Dis na how Carey look before she change her look. Image copyright EILEEN CAREY
Image example Carey bin get blond hair and dey wear contact lenses before she come decide to change her looks.

When Akon and India Arie sing, "I am not my hair", e be like say Eileen Carey no hear.

She dye her blonde hair to brown and stop to dey wear her heels, tight clothes and contact lenses to take dey on top for business.

Carey na one chief executive officer (CEO) for Silicon Valley wey dey successful and she dey for her early 30s.

"Di first time I dye my hair na because of di advice one woman for Venture Capital give me."

Dem tell Carey say di investor wen she dey struggle to get go dey more comfortable to deal with woman wen get brown hair (brunette) than one with blonde.

Di way she look now, no be di way she bin dey before.

"Dem tell me say for dis raise [of funds], e go benefit me if I dye my hair brown, because some people dey feel free with women CEOs wen get brown hair and dem dey call dat kain theory Pattern Recognition."

Pattern Recognition na theory wen suggest say people dey look for familiar experience - or people - wen fit make dem feel more comfortable with di risk wen dem feel say dey wan take.

Image copyright EILEEN CAREY
Image example Carey bin get blond hair and dey wear contact lenses before she come decide to change her looks.

According to Carey, many other blonde women wey she don see during wen she dey do interviews also don dye dia hair to brown.

"I want make people dey see me as a business leader and no be as sexual object. People dey always cross dis lines for dis space," she talk.

Informate on Top Harrasment for Silicon Valley.

  • According to 2016 survey of Silicon Valley, 60% of women wen dey work for tech industry dey experience sexual advance wen dem no want.
  • Out of di 91,503 case of complain on top workplace discrimination wen dey bring out last year, sexual harassment dey like 30%.
  • One 2013 poll suggest say 75% of those wen experience sexual harassment for work no report am, so plenty more case fit dey.

Topics Wey Dem Resemble