Saudi Arabia: Women dey hail as dem comot driving ban
Women and Campaigners for Saudi Arabia don hail di new decree wey King Salman bin Abdul Aziz Al Saud land wey allow women to drive for the first time.
One female activist talk say na "great victory", while another talk say things "no go be di same again".
Campaigner Sahar Nassif tell BBC say she begin jump up and down plus laugh wen she hear di good news.
"I go buy my dream car, wey be convertible Mustang, and e go be black and yellow!"
Fatimah Baeshen, wey be di first woman wey go be Saudi Arabia's spokesperson for di embassy for US, put for twitter say na "di right decision for di right time".
Di country appoint Baeshen a day after King Salman bring out royal decree wey go allow women to drive motor.