Albert Einstein 'happiness' notes don sell for $1.5m

Di two notes wey dem sell for $1.56m and $240,000 - dey higher than dia estimate Image copyright AFP
Image example Di two notes wey dem sell for $1.56m and $240,000 - dey higher than dia estimate

E don tey wey plenty people don dey search for happiness, but e be like say two people wey get money don buy am.

One note wey scientist Albert Einstein write many years ago don sell for one auction house inside Jerusalem for $1.56m (£1.19m).

Einstein been give di notes where im describe im theory for happy living to one man wey go message for am, wen e dey one Hotel inside Tokyo for 1922, as e no get money to give am as tip.

During dat time, Einstein wey be scientist just hear say im win di Nobel prize for physics, wen im been dey Japan for tour.

Wen di Japanese courier come di Imperial Hotel for Tokyo to deliver message to am, Einstein tell di messenger say, if e dey lucky, di notes go become big value wey pass di tip.

Einstein suggest for di notes say to achieve di goal wen person don dey dream of to get for long time, no be guarantee to happiness.

Person buy bowl for 38 million dollars

Dis bag fit be your own for just $3.8m

Image copyright Getty Images
Image example Einstein (wey you see here for 1950) write di hotel notes just after im win di 1921 Nobel Prize in Physics

Wetin Albert Einstein write inside di two notes?

Albert Einstein use di stationery from di Imperial Hotel Tokyo wey im lodge take write di note for Germany Language. E write say:

"A calm and humble life go bring more happiness than di pursuit of success and di constant restlessness wey dey come with am."

Second note wey im write for di same time be:

"Where will dey, way go dey."

Dis second one sell for $240,000, according to wetin di Winner auction house talk.

Image copyright Getty Images
Image example Owner and manager for Winner auction house inside Jerusalem, display di two notes wey Albert Einstein write.

How di auction be

According to di people wey sell di note, di winning bids for di two notes dey far higher than di price wey dem first been feel say dey go sell am.

Dem say di person wey buy one of di notes na European wey no want people to know say na im buy am.

Di person wey be di seller, tori say na nephew of di messenger.

Topics Wey Dem Resemble

Another thing we de for inside dis tori