Australia: 'Athletes, no overstay una visa'

Commonwealth Games signboard for beach. Image copyright iStock
Image example Australia bin host di 2000 Sydney Olympics and 2006 Commonwealth Games.

Australia don nack serious warning give athletes wey dey plan come di country for April for di Commonwealth Games say make dem no try overstay dia visa.

Di country Home Affairs Minister Peter Dutton say dem go deal with anybodi wey no respect dia law come begin disobey di condition of dia visa, after di Commonwealth Games.

Wetin cause dis warning na because di country notice say plenty athletes dey like apply for asylum, after any sports events for Australia.

Australia: Solar competition don start

Nigeria don clear for Commonwealth games

Authorities say athletes from Cameroon, Ghana, Nigeria, Sierra Leone and Bangladesh follow for some of di participants wey break dia visa agreement after di Melbourne Commonwealth Games for 2006.

Dutton add say di country go do everything wey dem fit to make sure say di athletes enjoy dia stay for di country, but make everybodi respect di law.

Topics Wey Dem Resemble

Another thing we de for inside dis tori