Black Panther: How people see di world premiere

Black Panther poster Image copyright Getty Images

E be like say critics wey watch new Marvel superhero film, Black Panther, like wetin dem see.

Marvel Cinematic Universe do world premiere for dia first black superhero film for Los Angeles.

Image copyright Getty Images
Image example Chadwick Boseman na Black Panther, a.k.a. T'Challa

Na Chadwick Boseman be di actor Black Panther and Michael B Jordan be boss Eric Killmonger.

Other stars wey dey inside di film na Lupita Nyong'o, Martin Freeman and Daniel Kaluuya.

Image copyright Getty Images

Na 13 February dem go release di film for cinema but people wey dia work na to dey chook eye for film mata gather to watch am on Monday night.

Some of dem don already dey talk dia mind as per how dem see dis new Marvel film.

Image copyright Getty Images

Trevell Anderson for LA Times' talk say "na love letter about blackness".

Freelance film writer Rebecca Theodore-Vachon say Black Panther "be everything wey I want and more sef".

Image copyright Marvel

Di film scatter di head of Mashable film writer Angie J Han.

And Business Insider reporter, Jason Guerrasio, say di film "na di most spiritual film Marvel don do yet!"

Image copyright Marvel

Na for di film Captain America: Civil War wey Marvel first show di Black Panther character, wey im other name na T'Challa.

For di Black Panther film, T'Challa go back im country Wakanda to become king after im father die.

Topics Wey Dem Resemble

Another thing we de for inside dis tori