Pittsburgh shooting: Police don charge Robert Bowers for murder

Swat officers and police don close di area outside di synagogue attack for Pittsburgh, Pennsylvania, 27 October 2018 Image copyright Reuters
Image example Swat officers and police don close di area outside di synagogue attack

46 year old Robert Bowers wey be suspect for gunman shooting wey kill 11 pipo for one synagouge inside Pittsburg, Pennsylvania, US don collect murder charge.

At least 10 pipo don die, many odas wound afta one gunman attack Tree of Life Congregation Synagogue go shoot pipo on Saturday.

Police dey accuse Bowers say im start to dey shoot gun inside di Tree of Life synagouge as dem dey hold Sabbath service.

Di 46 year old man dey face 29 charges wey include obstruction of religious beliefs wwey lead to death and killing pipo with fire arm.

Six pipo wey include four policemen wound for di attack. Even di shooter sef follow injure as e bin dey follow police shot.

Image copyright Google
Image example Di Tree of Life Congregation Synagogue inside Pittsburgh

Na di Tree of Life Congregation Synagogue di shooting happun around about 10:00 local time (14:00 GMT). according to report.

Officers still dey searching di Tree of Life synagogue.

One service bin dey take place di time wen di shooting happun, according to di synagogue official website.

"We dey work on di situation. At dis point e dey important for di neighbours wey dey live near dis church community wia di Tree of Life Synagogue dey, to stay inside dia domot. No come out of your domot right now. E no dey safe," spokesman Jason Lando tok.

Di synagogue dey for Pittsburgh's Squirrel Hill neighbourhood.

According tori, dis fit be di worst attack against Jews for di United States history.

US President Donald Trump tweet say im dey watch di whole tin wey dey happun.

Dis na as e don promise say e go soon enta Pittsburg as e call di attack "wicked act of mass murder".

We eye still dey dis tori wey just land and we go bring una more as e dey comot. Make una load di page again to see di full tori.

Another thing we de for inside dis tori