Canada election: Trudeau Liberal party win but lose majority

Justin and Sophie Trudeau Image copyright Reuters

Justin Trudeau Liberal Party don win di Canada general elections for am to come back to second term as prime minister.

Na minority goment Trudeau go lead sake of say im lose most of di seat for parliament.

Dis one mean say im goment go dey rely on oda parties to pass law.

Di Liberals go get 156 seats and di Conservative party dey head for 122 seats.

Dis election na direct vote on oga Trudeau wey bin get plenti challenges and scandal for im first term.

"Una do am my padis. Congratulations!" im tell im supporters for Montreal.

Trudeau thank kontri pipo wey vote for am, say dem get faith to move di kontri for di right direction.

Im promise di pipo wey no vote for am say im party go govern evribodi.

Why Trudeau popularity don drop?

Image copyright Getty Images
Image example Critics feel say Trudeau no do fulfil im campaign promise

Oga Trudeau bin enta power for 2015, come dey promise "real change".

Now, afta im don dey power for four years, Trudeau don face plenti yabis say im no do wetin im promise.

For example, im environment record drop sake of im support for di Trans Mountain oil pipeline expansion project.

Im election chances bin take serious hit wen foto of di president wia im do blackface make-up spread evriwia.

Di foto bin affect Trudeau political image well-well.

Topics Wey Dem Resemble

Another thing we de for inside dis tori