Simon Cowell bike accident: The X Factor star speak afta e break im back for im Los Angeles house
Simon Cowell don speak afta e break im back as e fall from im new electric bike for im Los Angeles home.
Di music boss and talent show judge tok "big thank you to all di nurses and doctors", e call dem some of di nicest pipo I don ever meet.
Dem carry di 60-year-old music boss go hospital afta e fall for im Malibu home. E say e suppose to don "read di manual" before e ride di bike. for operation, im spokeswoman tok.
"Some good advice... If you buy electric trail bike, read di manual before you ride am for di first time, e tweet.
He also thank everybody wey send am message.
Cowell, wey pipo sabi well-well for di hit shows The X Factor and Britain's Got Talent, dey spend di lockdown for US, wia e dey live now.
Piers Morgan dey among those wey wish Cowell "full and speedy recovery" on social media.
Cowell, wey get six-year-old son Eric with im partner Lauren Silverman, bin dey test im new bike according to report wen di accident happun.
E bin also fall for 2017, wen e fall down di stairs for im London home.
"Sometimes we get dis reminder say we no dey invincible and dis na certainly my own," e tell the Sun newspaper at dat time. "It was a huge shock."
"Dem think say I faint because I get low blood pressure and so I get to really take good care of myself to sort dat one out," e tok.
"After all I be dad and I get more responsibility dan ever."
Cowell bin dey expected to appear as judge for di live shows of di latest series of America Got Talent, wey dey scheduled to begin in the US next week.
Last month, di tycoon sign deal with Sony Music Entertainment, dis wan give im company, Syco Entertainment, ownership of all di international versions of The X Factor and Got Talent programmes.
The Got Talent format dey air for 76 markets, while The X Factor dey broadcast in more dan 130 territories.