Tonto Dikeh, Olakunle Churchill, Rosaline Meurer 'marriage' mata and wetin we know
Tonto Dikeh, Nollywood actress ex-husband Olakunle Churchill don surprise social media community afta e wish anoda Nollywood actress Rosaline Meurer happy birthday.
For di birthday wishes wey Churchill post for im Instagram handle togeda with dat of Roseline Meurer, e address her as Mrs Churchill.
"A special sunrise, on dis precious day, a great woman was born. During my hard times wen depression for don take di beta part of me, you be my bedrock. Wen e dey like di whole world dey against me, you stand by me, even take some missiles because of me."
Wen I think say I don lost everything, you encourage me to hope on God dat e go give me back all l don lost."
"Happy birthday Mrs Churchill. Age with grace, l get your back 247 by di special grace of God," Churchill write.
End of Recommended articles
Rosaline Meurer reply back for under di post say she appreciate Churchill always and no ever for once doubt am;
"Aww , thank you so much. I appreciate you always. We thank God and l Neva doubt you."
Dis recent post don make pipo dey shock as e be say before now, Tonke Dike don bin point accusing finger give Rosaline Meurer during one interview say she dey run tins with her husband but Rosy deny di accuse.
Tonke bin tok for di Interview with Media Room Hub say she dey aware say her then husband dey take care of rosy and she be di reason why Churchill abandon im son and her.
Even with dis recent post from Churchill, Rosaline Meurer neva tok anything concerning dia status.
Churchill still continue to pour more praises Rosaline Meurer as e share anoda photo of her with write up and #twoyearsandstronger;
"May God bless you today on your birthday and every day afta. May you be comforted by His presence for your life. You don bring so much happiness, laughter, and wisdom into our life. Raising a glass in celebration of you, and sending many best wishes for your birthday.