ਪ੍ਰੈੱਸ ਰੀਵਿਊ: ਹਾਫ਼ਿਜ਼ ਸਈਦ ਨੂੰ ਮਿਲੇ ਸਫ਼ੀਰ ਦੀ ਛੁੱਟੀ ਤੇ ਹੋਰ ਖ਼ਬਰਾਂ

Image copyright TWITTER

ਟਾਈਮਸ ਆਫ਼ ਇੰਡੀਆ ਨੇ ਖ਼ਬਰ ਛਾਪੀ ਹੈ ਕਿ ਮੁੰਬਈ ਹਮਲਿਆਂ ਦੇ ਕਥਿਤ ਮਾਸਟਰਮਾਈਂਡ ਜਮਾਤ ਉਦ ਦਾਵਾ ਦੇ ਮੁਖੀ ਹਾਫ਼ਿਜ਼ ਸਈਦ ਦੇ ਨਾਲ ਰਾਵਲਪਿੰਡੀ ਵਿੱਚ ਮੰਚ ਸਾਂਝਾ ਕਰਨ ਵਾਲੇ ਫ਼ਲਸਤੀਨੀ ਸਫ਼ੀਰ ਨੂੰ ਪਾਕਿਸਤਾਨ ਤੋਂ ਵਾਪਸ ਸੱਦ ਲਿਆ ਗਿਆ।

ਹਾਫ਼ਿਜ਼ ਸਈਦ ਦੀ ਇਸ ਰੈਲੀ ਵਿੱਚ ਯੇਰੋਸ਼ਲਮ ਨੂੰ ਇਜ਼ਰਾਈਲ ਦੀ ਰਾਜਧਾਨੀ ਦੇ ਤੌਰ 'ਤੇ ਮਾਨਤਾ ਦੇਣ ਦੇ ਅਮਰੀਕੀ ਫ਼ੈਸਲੇ ਦੀ ਅਲੋਚਨਾ ਹੋਈ ਸੀ ਜਿਸ ਵਿੱਚ ਪਾਕਿਸਤਾਨ ਵਿੱਚ ਫ਼ਲਸਤੀਨੀ ਰਾਜਦੂਤ ਵਲੀਦ ਅਬੁ ਅਲੀ ਵੀ ਮੌਜੂਦ ਸਨ।

ਫ਼ਲਸਤੀਨੀ ਰਾਜਦੂਤ ਦੀ ਵਾਪਸੀ ਦਾ ਇਹ ਕਦਮ ਭਾਰਤੀ ਦੀ ਕਰੜੇ ਇਤਰਾਜ਼ ਤੋਂ ਬਾਅਦ ਚੁੱਕਿਆ ਗਿਆ।

Image copyright Getty Images
ਫੋਟੋ ਕੈਪਸ਼ਨ ਡਲਹੌਜ਼ੀ ਤੋਂ ਵਿਧਾਇਕ ਆਸ਼ਾ ਕੁਮਾਰੀ ਦੀ ਹਰਮੰਦਿਰ ਸਾਹਿਬ ਮੱਥਾ ਟੇਕਣ ਪਹੁੰਚਣ ਦੀ ਪੁਰਾਣੀ ਤਸਵੀਰ

ਪੰਜਾਬੀ ਟ੍ਰਿਬਿਊਨ ਨੇ ਖ਼ਬਰ ਛਾਪੀ ਹੈ ਕਿ ਕਾਂਗਰਸ ਪ੍ਰਧਾਨ ਰਾਹੁਲ ਗਾਂਧੀ ਦੇ ਸ਼ਿਮਲਾ ਦੌਰੇ ਦੌਰਾਨ ਪਾਰਟੀ ਵਿਧਾਇਕ ਆਸ਼ਾ ਕੁਮਾਰੀ ਵੱਲੋਂ ਮਹਿਲਾ ਸਿਪਾਹੀ ਰਾਜਵੰਤੀ ਨੂੰ ਥੱਪੜ ਮਾਰਨ ਦਾ ਮਾਮਲਾ ਭਖ਼ਦਾ ਜਾ ਰਿਹਾ ਹੈ।

ਪਹਿਲਾਂ ਮਹਿਲਾ ਸਿਪਾਹੀ ਨੇ ਕਾਂਗਰਸ ਵਿਧਾਇਕਾ ਖ਼ਿਲਾਫ਼ ਕੇਸ ਦਰਜ ਕਰਾਇਆ ਸੀ, ਹੁਣ ਆਸ਼ਾ ਕੁਮਾਰੀ ਨੇ ਸ਼ਿਮਲਾ ਦੇ ਥਾਣਾ ਸਦਰ ਵਿੱਚ ਮਹਿਲਾ ਕਾਂਸਟੇਬਲ ਖ਼ਿਲਾਫ਼ ਰਿਪੋਰਟ ਦਰਜ ਕਰਾਈ ਹੈ।

ਲੇਡੀ ਕਾਂਸਟੇਬਲ ਨੇ ਆਸ਼ਾ ਕੁਮਾਰੀ ਨੂੰ ਕਿਉਂ ਮਾਰੀ ਚਪੇੜ?

2017 'ਚ ਗੂਗਲ 'ਤੇ ਸਭ ਤੋਂ ਵੱਧ ਕੀ ਸਰਚ ਹੋਇਆ?

ਸਰਹੱਦ ਪਾਰੋਂ ਨਸ਼ਾ ਤਸਕਰਾਂ ਲਈ 'ਬੀਮਾ' ਸਕੀਮ !

ਆਸ਼ਾ ਕੁਮਾਰੀ ਨੇ ਆਪਣੀ ਸ਼ਿਕਾਇਤ ਵਿੱਚ ਮਹਿਲਾ ਸਿਪਾਹੀ 'ਤੇ ਉਸ ਨੂੰ ਜਾਣ-ਬੁੱਝ ਕੇ ਪਾਰਟੀ 'ਚ ਨਾ ਬੈਠਣ ਦੇਣ, ਧੱਕਾ-ਮੁੱਕੀ ਕਰਨ ਅਤੇ ਥੱਪੜ ਮਾਰਨ ਦਾ ਦੋਸ਼ ਲਾਇਆ ਹੈ।

ਮੁੱਖ ਮੰਤਰੀ ਜੈ ਰਾਮ ਠਾਕੁਰ ਨੇ ਕਿਹਾ ਹੈ ਕਿ ਕਾਂਗਰਸ ਵਿਧਾਇਕ ਆਸ਼ਾ ਕੁਮਾਰੀ ਵੱਲੋਂ ਡਿਊਟੀ ਕਰ ਰਹੀ ਮਹਿਲਾ ਸਿਪਾਹੀ ਨੂੰ ਥੱਪੜ ਮਾਰਨ ਦੀ ਘਟਨਾ ਦੀ ਉਹ ਜਲਦ ਹੀ ਰਿਪੋਰਟ ਲੈਣਗੇ।

Image copyright NARINDER NANU/AFP/Getty Images
ਫੋਟੋ ਕੈਪਸ਼ਨ ਪੰਜਾਬ ਦੇ ਬਿਜਲੀ ਤੇ ਸਿੰਜਾਈ ਮੰਤਰੀ ਹਨ ਰਾਣਾ ਗੁਰਜੀਤ

ਇੰਡੀਅਨ ਐਕਸਪ੍ਰੈਸ ਨੇ ਖ਼ਬਰ ਛਾਪੀ ਹੈ ਕਿ ਇੱਕ ਹਜ਼ਾਰ ਕਰੋੜ ਰੁਪਏ ਦੇ ਸਿੰਜਾਈ ਘੁਟਾਲੇ 'ਚ ਗ੍ਰਿਫ਼ਤਾਰ ਠੇਕੇਦਾਰ ਗੁਰਿੰਦਰ ਸਿੰਘ ਦੇ ਸ਼ੱਕ ਹੇਠ ਹੋਣ ਦੇ ਬਾਵਜੂਦ ਅਪਰੈਲ ਤੇ ਜੁਲਾਈ ਮਹੀਨੇ ਵਿਚਾਲੇ ਵਿਭਾਗ ਵੱਲੋਂ ਗੁਰਿੰਦਰ ਨੂੰ 4 ਕਰੋੜ ਦੀ ਰਕਮ ਮੁਹੱਈਆ ਕਰਵਾਈ ਗਈ। ਅਖ਼ਬਾਰ ਨੇ ਸਿੰਜਾਈ ਵਿਭਾਗ ਤੋਂ ਮਿਲੇ ਕੁਝ ਦਸਤਾਵੇਜ਼ਾ ਦੇ ਅਧਾਰ 'ਤੇ ਦਾਅਵਾ ਕੀਤਾ ਹੈ।

ਗੁਰਿੰਦਰ ਸਿੰਘ ਨੇ ਕਥਿਤ ਤੌਰ 'ਤੇ ਰੇਤੇ ਦੀਆਂ ਖੱਡਾਂ ਦੀ ਬੋਲੀ 'ਚ ਪੈਸਾ ਲਾਇਆ ਸੀ ਜਿਸ 'ਚ ਸਿੰਜਾਈ ਮੰਤਰੀ ਰਾਣਾ ਗੁਰਜੀਤ ਸਿੰਘ ਦੇ ਕਥਿਤ ਚਾਰ ਮੁਲਾਜ਼ਮਾਂ ਨੂੰ ਰੇਤ ਖੱਡਾਂ ਦੇ ਠੇਕੇ ਮਿਲੇ ਸਨ।

19 ਸਾਲ ਦੀ ਕੁੜੀ ਨੇ ਕਿਉਂ ਬਣਾਈ 'ਰੇਪ ਪਰੂਫ਼ ਪੈਂਟੀ'?

ਇਨ੍ਹਾਂ 4 ਬਦਲਾਵਾਂ ਨਾਲ 'ਪਦਮਾਵਤੀ' ਹੋਏਗੀ ਰਿਲੀਜ਼

ਇਨ੍ਹਾਂ ਇਲਜ਼ਾਮਾਂ ਤੋਂ ਕੈਬਨਿਟ ਮੰਤਰੀ ਰਾਣਾ ਗੁਰਜੀਤ ਨੇ ਕਿਹਾ ਹੈ ਕਿ ਇਲਜ਼ਾਮ ਪੂਰੀ ਤਰ੍ਹਾਂ ਅਧਾਰਹੀਨ ਹਨ। ਵਿਰੋਧੀ ਧਿਰ ਦੇ ਨੇਤਾ ਸੁਖਪਾਲ ਸਿੰਘ ਖਹਿਰਾ ਨੇ ਰਾਣਾ ਗੁਰਜੀਤ ਸਿੰਘ ਨੂੰ ਬਰਖਾਸਤ ਕਰਨ ਦੀ ਮੰਗ ਕੀਤੀ ਹੈ।

ਦੈਨਿਕ ਭਾਸਕਰ ਨੇ ਖ਼ਬਰ ਛਾਪੀ ਹੈ ਕਿ ਚੀਫ਼ ਖ਼ਾਲਸਾ ਦੀਵਾਨ ਦਾ ਸਾਬਕਾ ਪ੍ਰਧਾਨ ਚਰਨਜੀਤ ਸਿੰਘ ਚੱਢਾ ਕੇਸ ਦਰਜ ਹੁੰਦਿਆਂ ਹੀ ਮਸਕਟ ਭੱਜ ਗਿਆ ਹੈ।

26 ਦਸਬੰਰ ਨੂੰ ਚੱਢਾ ਦਾ ਅਸ਼ਲੀਲ ਵੀਡੀਓ ਵਾਇਰਲ ਹੋਇਆ ਸੀ ਜਿਸ ਵਿੱਚ ਕਥਿਤ ਤੌਰ 'ਤੇ ਉਹ ਮਹਿਲਾ ਪ੍ਰਿੰਸੀਪਲ ਨਾਲ ਜ਼ਬਰਦਸਤੀ ਕਰ ਰਿਹਾ ਹੈ। ਮਹਿਲਾ ਦੀ ਸ਼ਿਕਾਇਤ ਤੋਂ ਬਾਅਦ ਕੇਸ ਦਰਜ ਹੋਇਆ।

Image copyright STR/AFP/Getty Images
ਫੋਟੋ ਕੈਪਸ਼ਨ 27 ਨਵੰਬਰ 2016 ਨੂੰ ਟੁੱਟੀ ਸੀ ਹਾਈ ਸਿਕਿਉਰਿਟੀ ਨਾਭਾ ਜੇਲ੍ਹ

ਹਿੰਦੁਸਤਾਨ ਟਾਈਮਜ਼ ਨੇ ਖ਼ਬਰ ਛਾਪੀ ਹੈ ਕਿ ਪੁਲੀਸ ਪਟਿਆਲਾ ਨੇ ਨਾਭਾ ਜੇਲ੍ਹ ਬ੍ਰੇਕ ਕਾਂਡ 'ਚ ਲੋੜੀਂਦੇ ਮਨਜਿੰਦਰ ਸਿੰਘ ਨਾਂ ਦੇ ਪੰਜਾਬ ਪੁਲੀਸ ਦੇ ਬਰਖ਼ਾਸਤ ਸਿਪਾਹੀ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ।

ਮਨਜਿੰਦਰ ਨੇ ਜੇਲ੍ਹ 'ਚੋਂ ਕੈਦੀਆਂ ਨੂੰ ਭਜਾਉਣ ਮੌਕੇ ਹੌਲਦਾਰ ਬਣੇ ਦੋ ਗੈਂਗਸਟਰਾਂ ਦੇ ਝਾਲਰ ਵਾਲੀਆਂ ਪੱਗਾਂ ਬੰਨ੍ਹੀਆਂ ਸਨ। ਪੁਲੀਸ ਮੁਲਾਜ਼ਮਾਂ ਦੀ ਝਾਲਰ ਵਾਲੀ ਪੱਗ ਆਮ ਬੰਦਾ ਨਹੀਂ ਬੰਨ੍ਹ ਸਕਦਾ, ਜਿਸ ਕਰਕੇ ਇਹ ਮਾਮਲਾ ਹੁਣ ਤਕ ਬੁਝਾਰਤ ਬਣਿਆ ਹੋਇਆ ਸੀ।

(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTERਅਤੇ YouTube 'ਤੇ ਜੁੜੋ।)