ਲੰਬੇ ਡੈਪੂਟੇਸ਼ਨ: ਕੇਂਦਰ ਕਿਹੜੇ ਅਫ਼ਸਰਾਂ ਤੋਂ ਹੈ ਪਰੇਸ਼ਾਨ

kjs cheema Image copyright dpr punjab
ਫੋਟੋ ਕੈਪਸ਼ਨ ਸਾਬਕਾ ਮੁੱਖ ਮੰਤਰੀ ਦੇ ਨਾਲ ਬੈਠੇ ਹਨ ਕੇਜੇਐਸ ਚੀਮਾ

ਸੂਬੇ ਵਿੱਚ ਕਾਂਗਰਸ ਸਰਕਾਰ ਆਉਂਦਿਆਂ ਹੀ ਬਾਦਲ ਦੇ ਕਰੀਬੀ ਆਈਏਐਸ ਅਧਿਕਾਰੀ ਕੇਜੇਐਸ ਚੀਮਾ ਦੀ ਵਾਪਸੀ ਹੋ ਗਈ ਹੈ।

ਅਕਾਲੀ ਸਰਕਾਰ ਵੇਲੇ ਪ੍ਰਕਾਸ਼ ਸਿੰਘ ਬਾਦਲ ਦੇ ਕਰੀਬੀ ਰਹੇ ਕੇਜੇਐਸ ਚੀਮਾ ਨੂੰ ਕੈਪਟਨ ਨੇ ਪੱਛਮੀ ਬੰਗਾਲ ਵਾਪਸ ਭੇਜ ਦਿੱਤਾ ਹੈ।

ਸਾਬਕਾ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਦੇ ਇਸ ਖ਼ਾਸ ਅਧਿਕਾਰੀ ਨੇ ਕੇਂਦਰ ਸਰਕਾਰ ਨੂੰ ਮਜਬੂਰ ਕਰ ਦਿੱਤਾ ਹੈ ਕਿ ਉਹ ਅਜਿਹੇ ਅਫ਼ਸਰਾਂ ਦੇ ਖਿਲਾਫ਼ ਸਖ਼ਤ ਕਾਨੂੰਨ ਬਣਾ ਕੇ ਕਾਰਵਾਈ ਕਰਨ ਜੋ ਬਿਨਾਂ ਕੇਂਦਰ ਸਰਕਾਰ ਦੀ ਇਜਾਜ਼ਤ ਦੇ ਦੂਜੇ ਸੂਬਿਆਂ ਵਿੱਚ ਡੈਪੂਟੇਸ਼ਨ 'ਤੇ ਚਲੇ ਜਾਂਦੇ ਹਨ ਤੇ ਕਾਰਜਕਾਲ ਪੂਰਾ ਹੋਣ ਤੇ ਵਾਪਸ ਨਹੀਂ ਆਉਂਦੇ।

ਐਸਜੀਪੀਸੀ ਨੇ ਨਈਅਰ ਤੋਂ ਵਾਪਸ ਲਿਆ ਸਨਮਾਨ

ਸੁੱਚਾ ਸਿੰਘ ਲੰਗਾਹ ਨੂੰ ਸਿੱਖ ਪੰਥ 'ਚੋਂ ਛੇਕਿਆ

ਬੀਬੀਸੀ ਕੋਲ ਇਸ ਬਾਰੇ ਦਿੱਤੇ ਗਏ ਨਿਰਦੇਸ਼ਾਂ ਦੀ ਕਾਪੀ ਹੈ।

ਕੀ ਹੈ ਪੂਰਾ ਮਾਮਲਾ

ਪੱਛਮੀ ਬੰਗਾਲ ਦੇ ਸਾਲ 1997 ਬੈਚ ਦੇ ਅਧਿਕਾਰੀ ਕੇਜੇਐਸ ਚੀਮਾ ਬਾਦਲ ਦੇ ਮੁੱਖ ਮੰਤਰੀ ਬਣਨ 'ਤੇ 2007 ਵਿੱਚ ਪੰਜਾਬ ਆਏ ਸਨ। ਜਿੱਥੇ ਉਨ੍ਹਾਂ ਨੇ ਬਾਦਲ ਦੇ ਸਪੈਸ਼ਲ ਨਿੱਜੀ ਸਕੱਤਰ ਦਾ ਅਹੁਦਾ ਸੰਭਾਲਿਆ।

ਦੂਜੇ ਸੂਬਿਆਂ ਵਿੱਚ ਡੈਪੂਟੇਸ਼ਨ 'ਤੇ ਜਾਣ ਲਈ ਕੇਂਦਰ ਸਰਕਾਰ ਤੋਂ ਇਜਾਜ਼ਤ ਲੈਣੀ ਪੈਂਦੀ ਹੈ। ਪਰ ਉਨ੍ਹਾਂ ਨੇ ਅਜਿਹਾ ਨਹੀਂ ਕੀਤਾ।

ਕੇਂਦਰ ਸਰਕਾਰ ਨੇ ਕੇਜੇਐਸ ਚੀਮਾ ਨੂੰ ਇੱਕ ਮਹੀਨੇ ਦੇ ਅੰਦਰ ਬੰਗਾਲ ਵਾਪਸ ਭੇਜਣ ਦੇ ਨਿਰਦੇਸ਼ ਦਿੱਤੇ ਸਨ।

ਪਰ ਨਿਰਦੇਸ਼ਾਂ 'ਤੇ ਗੌਰ ਨਾ ਕਰਦੇ ਹੋਏ ਕੇਜੇਐਸ ਚੀਮਾ ਵਾਪਸ ਨਹੀਂ ਗਏ ਤੇ ਬਾਦਲ ਦੇ ਦੂਜੀ ਵਾਰ ਦੇ ਕਾਰਜਕਾਲ ਵਿੱਚ ਵੀ ਪੰਜਾਬ ਹੀ ਰਹੇ। ਯਾਨਿ ਕਿ 2007 ਤੋਂ 2017 ਤੱਕ।

Image copyright dpr punjab
ਫੋਟੋ ਕੈਪਸ਼ਨ ਸਾਬਕਾ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਦੇ ਨਾਲ ਬੈਠੇ ਹਨ ਕੇਜੇਐਸ ਚੀਮਾ

ਪਰ ਕੈਪਟਨ ਅਮਰਿੰਦਰ ਸਿੰਘ ਨੇ ਸਰਕਾਰ ਬਣਨ ਦੇ ਅਗਲੇ ਮਹੀਨੇ ਹੀ ਕੇਜੇਐਸ ਚੀਮਾ ਨੂੰ ਵਾਪਸ ਪੱਛਮੀ ਬੰਗਾਲ ਭੇਜ ਦਿੱਤਾ। ਇਸ ਬਾਰੇ ਰਾਜਪਾਲ ਦੇ ਦਫ਼ਤਰ ਤੋਂ ਨਿਰੇਦਸ਼ ਅਪ੍ਰੈਲ ਮਹੀਨੇ ਜਾਰੀ ਹੋਏ।

ਬਿਨਾਂ ਇਜਾਜ਼ਤ ਦੂਜੇ ਸੂਬੇ ਵਿੱਚ ਡੈਪੂਟੇਸ਼ਨ 'ਤੇ ਜਾਣ ਕਾਰਨ ਕੇਂਦਰ ਨੇ ਬੰਗਾਲ ਸਰਕਾਰ ਨੂੰ ਪੁੱਛਿਆ ਇਸ ਅਧਿਕਾਰੀ ਖ਼ਿਲਾਫ਼ ਕੀ ਕਾਰਵਾਈ ਕੀਤੀ ਗਈ ਹੈ। ਬੰਗਾਲ ਸਰਕਾਰ ਨੇ ਇਸ ਬਾਰੇ ਕੇਂਦਰ ਨੂੰ ਕੋਈ ਜਵਾਬ ਨਹੀਂ ਦਿੱਤਾ।

ਕੇਂਦਰ ਸਰਕਾਰ ਮਜਬੂਰ!

ਹਾਲ ਹੀ ਵਿੱਚ ਇਸ ਮੁੱਦੇ 'ਤੇ ਕੇਂਦਰ ਸਰਕਾਰ ਦੇ ਅਧਿਕਾਰੀਆਂ ਵਿਚਾਲੇ ਚਰਚਾ ਹੋਈ ਕਿ ਅਜਿਹੇ ਅਧਿਕਾਰੀਆਂ ਖਿਲਾਫ਼ ਕੀ ਕਾਰਵਾਈ ਹੋਣੀ ਚਾਹੀਦੀ ਹੈ। ਉਪ ਸਕੱਤਰ ਅਸ਼ੀਸ਼ ਮੋਰੇ ਨੇ ਲਿਖਿਆ ਕਿ ਕਾਰਵਾਈ ਕਰਨ ਦਾ ਅਧਿਕਾਰ ਸੂਬੇ ਦੀ ਸਰਕਾਰ ਕੋਲ ਹੈ।

ਜੇਕਰ ਸੂਬੇ ਦੇ ਸਰਕਾਰ ਆਪਣੇ ਖ਼ਾਸ ਅਧਿਕਾਰੀਆਂ ਖ਼ਿਲਾਫ਼ ਕਾਰਵਾਈ ਨਹੀਂ ਕਰਦੀ, ਤਾਂ ਅਜਿਹਾ ਕਾਨੂੰਨ ਬਣਨਾ ਚਾਹੀਦਾ ਹੈ ਜਿਸ ਨਾਲ ਅਜਿਹੇ ਬੇਪਰਵਾਹ ਅਧਿਕਾਰੀਆਂ ਖ਼ਿਲਾਫ਼ ਕੇਂਦਰ ਸਰਕਾਰ ਕਾਰਵਾਈ ਕਰ ਸਕੇ।

ਇਸ ਬਾਰੇ ਬੀਬੀਸੀ ਨਾਲ ਗੱਲਬਾਤ ਕਰਦਿਆਂ ਕੇਜੇਐਸ ਚੀਮਾ ਨੇ ਦੱਸਿਆ ਕਿ ਉਨ੍ਹਾਂ ਨੇ ਹਮੇਸ਼ਾ ਉਹੀ ਕੀਤਾ ਜੋ ਉਨ੍ਹਾਂ ਦੇ ਉੱਚ ਅਧਿਕਾਰੀਆਂ ਨੇ ਕਿਹਾ। ਮੈਂ ਕਦੀ ਉਨ੍ਹਾਂ ਦੇ ਕਹਿਣੇ ਤੋਂ ਬਾਹਰ ਨਹੀਂ ਗਿਆ।

(ਬੀਬੀਸੀ ਪੰਜਾਬੀ ਦੇ ਫੇਸਬੁੱਕ ਪੰਨੇ ਉੱਤੇ ਜਾਣ ਲਈ ਇੱਥੇ ਕਲਿੱਕ ਕਰੋ ਇਸੇ ਤਰ੍ਹਾਂ ਲਿੰਕ ਉੱਤੇ ਕਲਿੱਕ ਕਰਕੇ ਇੰਸਟਾਗਰਾਮ ਪੰਨਾ ਦੇਖੋ।)

ਸਬੰਧਿਤ ਵਿਸ਼ੇ