ਸੋਸ਼ਲ: ਕੀ ਜੀਐੱਸਟੀ ਗੱਬਰ ਸਿੰਘ ਟੈਕਸ ਹੈ?

ਰਾਹੁਲ ਗਾਂਧੀ Image copyright AFP/Getty Images

ਕਾਂਗਰਸ ਦੇ ਉਪ ਪ੍ਰਧਾਨ, ਰਾਹੁਲ ਗਾਂਧੀ ਵੱਲੋਂ ਜੀਐੱਸਟੀ ਨੂੰ ਗੱਬਰ ਸਿੰਘ ਟੈਕਸ ਕਹਿਣ ਤੋਂ ਬਾਅਦ ਸੋਸ਼ਲ ਮੀਡੀਆ ਤੇ ਲੋਕ ਖੁੱਲ੍ਹ ਕੇ ਪ੍ਰਤੀਕਰਮ ਦੇ ਰਹੇ ਹਨ। ਕੋਈ ਉਨ੍ਹਾਂ ਨੂੰ ਕਾਂਗਰਸ ਵੇਲੇ ਦੇ ਘੋਟਾਲੇ ਯਾਦ ਕਰਵਾ ਰਿਹਾ ਹੈ ਤੇ ਕੋਈ ਉਨ੍ਹਾਂ ਦੇ ਪੱਖ ਵਿਚ ਵੀ ਲਿਖ ਰਿਹਾ ਹੈ।

ਜੰਮੂ ਕਸ਼ਮੀਰ ਦੇ ਸਾਬਕਾ ਮੁੱਖ ਮੰਤਰੀ, ਉਮਰ ਅਬਦੁੱਲਾ ਨੇ ਵੀ ਇਸ ਬਹਿਸ ਵਿਚ ਯੋਗਦਾਨ ਪਾਇਆ ਹੈ। ਆਪਣੇ ਟਵਿੱਟਰ ਹੈੰਡਲ ਤੇ ਉਮਰ ਅਬਦੁੱਲਾ ਨੇ ਲਿਖਿਆ ਹੈ ਕਿ ਸ਼ੋਅਲੇ (ਫ਼ਿਲਮ) ਦੁਬਾਰਾ ਫੇਰ। ਇਸ ਵਾਰ ਗੱਬਰ ਸਿੰਘ ਟੈਕਸ।

Image copyright Twitter

ਇਸੇ ਤਰ੍ਹਾਂ ਨਰਾਇਣ ਸਿੰਘ ਰਾਵਤ ਰਾਹੁਲ ਗਾਂਧੀ ਨੂੰ ਕਾਂਗਰਸ ਵੇਲੇ ਦੇ ਘੁਟਾਲਿਆਂ ਦੀ ਯਾਦ ਕਰਾ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਰਾਹੁਲ ਨੂੰ ਕਾਂਗਰਸ ਵੇਲੇ ਦੇ ਘੁਟਾਲਿਆਂ ਦੇ ਪੈਸੇ ਲੋਕਾਂ ਨੂੰ ਮੋੜਨੇ ਚਾਹੀਦੇ ਹਨ।

Image copyright Twitter

ਸ਼ਹਿਜ਼ਾਦਾ ਪੁਨਾਵਾਲ੍ਹਾ ਨੇ ਟਵੀਟ ਕੀਤਾ ਹੈ ਕਿ ਜੀਐੱਸਟੀ ਗੱਬਰ ਸਿੰਘ ਟੈਕਸ ਨਹੀਂ ਗੋਡਸੇ ਟੈਕਸ ਹੈ।

Image copyright Twitter

ਅਨੁਰਾਗ ਕਟਿਆਰ ਨੇ ਰਾਹੁਲ ਗਾਂਧੀ ਦੇ ਇਸ ਬਿਆਨ ਤਿੱਖਾ ਪ੍ਰਤੀਕਰਮ ਕੀਤਾ ਹੈ। ਉਨ੍ਹਾਂ ਰਾਹੁਲ ਗਾਂਧੀ ਨੂੰ ਬਿਨਾਂ ਦਿਮਾਗ ਵਾਲਾ ਕਿਹਾ ਹੈ।

Image copyright Twitter

(ਬੀਬੀਸੀ ਪੰਜਾਬੀ ਦੇ ਫੇਸਬੁੱਕ ਪੰਨੇ ਉੱਤੇ ਜਾਣ ਲਈ ਇੱਥੇ ਕਲਿੱਕ ਕਰੋ ਇਸੇ ਤਰ੍ਹਾਂ ਲਿੰਕ ਉੱਤੇ ਕਲਿੱਕ ਕਰਕੇ ਇੰਸਟਾਗ੍ਰਾਮ ਪੰਨਾ ਦੇਖੋ।)