ਲੁਧਿਆਣਾ ਹਾਦਸਾ: ਮਲਬੇ ਦੀ ਹਰ ਇੱਟ ਚੁੱਕਦਿਆਂ ਆਹ ਨਿਕਲਦੀ ਹੈ

ਲੁਧਿਆਣਾ Image copyright SARABJIT DHALIWAL

ਲੁਧਿਆਣਾ ਇਮਾਰਤ ਹਾਦਸੇ 'ਚ ਹੁਣ ਤੱਕ ਮ੍ਰਿਤਕਾਂ ਦੀ ਗਿਣਤੀ 13 ਹੋ ਚੁੱਕੀ ਹੈ। ਹਾਦਸੇ ਦਾ ਸ਼ਿਕਾਰ ਜ਼ਿਆਦਾਤਰ ਫਾਇਰ ਬ੍ਰਿਗੇਡ ਮਹਿਕਮੇ ਦੇ ਮੁਲਾਜ਼ਮ ਹੋਏ ਹਨ।

ਹੁਣ ਤੱਕ 6 ਮੁਲਾਜ਼ਮਾਂ ਦੀਆਂ ਲਾਸ਼ਾਂ ਬਰਾਮਦ ਕਰ ਲਈਆਂ ਗਈਆਂ ਹਨ। ਖਦਸ਼ਾ ਜਤਾਇਆ ਜਾ ਰਿਹਾ ਹੈ ਕਿ ਮਨੋਹਰ ਲਾਲ, ਸੁਖਦੇਵ ਸਿੰਘ ਤੇ ਮਨਪ੍ਰੀਤ ਸਿੰਘ ਨਾਮੀ ਮੁਲਾਜ਼ਮ ਮਲਬੇ ਹੇਠ ਦੱਬੇ ਹੋਏ ਹਨ।

ਲੁਧਿਆਣਾ ਪੁਲਿਸ ਦੇ ਕਮਿਸ਼ਨਰ ਆਰ ਐੱਨ ਢੋਕੇ ਮੁਤਾਬਕ ਫੈਕਟਰੀ ਦੇ ਮਾਲਕ ਇੰਦਰਜੀਤ ਸਿੰਘ ਗੋਲਾ ਨੂੰ ਗ੍ਰਿਫ਼ਤਾਰ ਕੀਤਾ ਜਾ ਚੁੱਕਾ ਹੈ।

ਲੁਧਿਆਣਾ 'ਚ ਆਰਐੱਸਐੱਸ ਨੇਤਾ ਦਾ ਕਤਲ

ਲਾਪਤਾ ਮਨੋਹਰ ਲਾਲ ਦੀ ਬੇਟੀ ਤਮੰਨਾ ਹੰਸ ਨੇ ਕਿਹਾ, ''ਮੇਰੇ ਪਿਤਾ ਬੜੇ ਬਹਾਦਰ ਹਨ। ਉਨ੍ਹਾਂ ਨੂੰ ਬਹਾਦਰੀ ਲਈ ਪੁਰਸਕਾਰ ਵੀ ਮਿਲੇ ਹਨ। ਘਟਨਾ ਵਾਲੇ ਦਿਨ 10.25 ਮਿੰਟ ਤੇ ਗੱਲ ਹੋਈ। 10 ਸਕਿੰਟ ਗੱਲ ਕਰਨ ਤੋਂ ਬਾਅਦ ਉਨ੍ਹਾਂ ਫੋਨ ਕੱਟ ਦਿੱਤਾ।''

Image copyright SARABJIT SINGH
ਫੋਟੋ ਕੈਪਸ਼ਨ ਸੁਖਦੇਵ ਸਿੰਘ

9400 ਰੁਪਏ ਮਹੀਨਾ ਤਨਖਾਹ 'ਤੇ ਮਹਿਕਮੇ 'ਚ ਕੱਚੇ ਤੌਰ 'ਤੇ ਤਾਇਨਾਤ ਸੀ ਸੁਖਦੇਵ ਸਿੰਘ।

ਉਨ੍ਹਾਂ ਦੇ ਪਿਤਾ ਪ੍ਰਕਾਸ਼ ਸਿੰਘ ਕਹਿੰਦੇ ਹਨ, ''ਸੁਖਦੇਵ ਦੀਆਂ ਤਿੰਨ ਬੇਟੀਆਂ ਹਨ। ਤੀਜੀ ਦਾ ਜਨਮ ਇੱਕ ਮਹੀਨਾ ਪਹਿਲਾਂ ਹੀ ਹੋਇਆ। ਅਗਲੇ ਮਹੀਨੇ ਸੁਖਦੇਵ ਦੇ ਛੋਟੇ ਭਰਾ ਦਾ ਵਿਆਹ ਵੀ ਹੈ।''

ਕੀ ਸੋਚਦੇ ਹਨ ਨੌਜਵਾਨ ਰੂਸੀ ਇਨਕਲਾਬ ਬਾਰੇ

ਸ਼ਰਾਬ ਦੇ ਠੇਕੇ ਅੱਗੇ 'ਠੇਕਾ ਕਿਤਾਬ'

ਉਨ੍ਹਾਂ ਇਲਜ਼ਾਮ ਲਾਇਆ ਕਿ ਰਾਹਤ ਕਾਰਜ ਢਿੱਲਾ ਹੈ। ਤੇਜੀ ਦਿਖਾਈ ਜਾਂਦੀ ਤਾਂ ਸ਼ਾਇਦ ਇੰਨੀਆਂ ਜਾਨਾਂ ਨਾ ਜਾਂਦੀਆਂ।

Image copyright SARABJIT DHALIWAL
ਫੋਟੋ ਕੈਪਸ਼ਨ ਸੁਖਦੇਵ ਦੇ ਪਿਤਾ ਪ੍ਰਕਾਸ਼ ਸਿੰਘ

ਸੋਮਵਾਰ ਨੂੰ ਇਮਾਰਤ 'ਚ ਦਾਖਲ ਹੋਣ ਤੋਂ ਬਾਅਦ ਇਹ ਤਿੰਨੋ ਲਾਪਤਾ ਹਨ।

ਇਸ ਵਿਚਾਲੇ ਬਚਾਅ ਕਾਰਜ ਹੁਣ ਵੀ ਜਾਰੀ ਹੈ। ਐੱਨਡੀਆਰਐੱਫ ਤੇ ਸਥਾਨਕ ਪ੍ਰਸ਼ਾਸਨ ਬਚਾਅ ਕਾਰਜ 'ਚ ਜੁਟਿਆ ਹੋਇਆ ਹੈ। ਫੌਜ਼ ਨੂੰ ਹੁਣ ਹਟਾ ਦਿੱਤਾ ਗਿਆ ਹੈ।

ਮੰਗਲਵਾਰ ਨੂੰ ਘਟਨਾ ਵਾਲੀ ਥਾਂ ਦਾ ਦੌਰਾ ਕਰਨ ਪਹੁੰਚੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੂੰ ਨਾ ਮਿਲ ਸਕਣ ਕਾਰਨ ਕਈ ਲੋਕ ਗੁੱਸੇ ਵਿੱਚ ਨਜ਼ਰ ਆਏ।

Image copyright SARABJIT SINGH
ਫੋਟੋ ਕੈਪਸ਼ਨ ਲੁਧਿਆਣਾ 'ਚ ਜਾਰੀ ਬਚਾਅ ਕਾਰਜ

ਸੀਐੱਮ ਕੈਪਟਨ ਅਮਰਿੰਦਰ ਸਿੰਘ ਨੇ ਮ੍ਰਿਤਕ ਮੁਲਾਜ਼ਮਾਂ ਦੇ ਪਰਿਵਾਰ ਵਾਲਿਆਂ ਨੂੰ 10 ਲੱਖ ਤੇ ਆਮ ਨਾਗਰਿਕਾਂ ਦੇ ਪਰਿਵਾਰਾਂ ਨੂੰ 2-2 ਲੱਖ ਰੁਪਏ ਮੁਆਵਜ਼ੇ ਦਾ ਐਲਾਨ ਕੀਤਾ ਹੈ।

(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTERਅਤੇ YouTube 'ਤੇ ਜੁੜੋ।)

ਸਬੰਧਿਤ ਵਿਸ਼ੇ