ਸਾਕਸ਼ੀ ਮਲਿਕ ਦੇ ਸਨਮਾਨ 'ਤੇ ਕਿਸਨੇ ਖ਼ਰਚ ਕੀਤੇ ਪੈਸੇ?

Sakshi Malik Image copyright FB

ਹਮੇਸ਼ਾ ਚਰਚਾ ਵਿੱਚ ਰਹਿਣ ਵਾਲੇ ਹਰਿਆਣਾ ਦੇ ਖੇਡ ਮੰਤਰੀ ਇਸ ਵਾਰ ਮਹਿਲਾ ਪਹਿਲਵਾਨ ਦੀ ਜਿੱਤ 'ਤੇ ਮਨਾਏ ਗਏ ਜਸ਼ਨ ਦੇ ਖ਼ਰਚੇ ਦਾ ਬਿੱਲ ਕਲੀਅਰ ਨਾ ਕਰਨ ਦੇ ਮੁੱਦੇ ਕਰਕੇ ਚਰਚਾ ਵਿੱਚ ਹਨ।

ਭਾਰਤ ਦੀ ਮਹਿਲਾ ਪਹਿਲਵਾਨ ਸਾਕਸ਼ੀ ਮਲਿਕ ਨੇ 2016 ਦੀਆਂ ਓਲੰਪਿਕ ਖੇਡਾਂ 'ਚ 58 ਕਿੱਲੋ ਭਾਰ ਵਰਗ 'ਚ ਕਾਂਸੇ ਦਾ ਤਮਗਾ ਜਿੱਤ ਕੇ ਹਰਿਆਣਾ ਹੀ ਨਹੀਂ ਪੂਰੇ ਮੁਲਕ ਦਾਂ ਨਾਂ ਰੌਸ਼ਨ ਕੀਤਾ ਸੀ।

ਇਸ ਦੇ ਨਾਲ ਹੀ ਉਹ ਉਲੰਪਿਕ ਵਿੱਚ ਮੈਡਲ ਜਿੱਤਣ ਵਾਲੀ ਭਾਰਤ ਦੀ ਪਹਿਲੀ ਮਹਿਲਾ ਪਹਿਲਵਾਨ ਬਣ ਗਏ ਸਨ।

ਦਵਿੰਦਰ ਕੰਗ ਦਾ ਭਵਿੱਖ ਨਾਡਾ ਦੇ ਨੇਜ਼ੇ 'ਤੇ

'ਫਲਾਇੰਗ ਸਿੱਖ' ਮਿਲਖਾ ਸਿੰਘ ਤੋਂ ਸੁਣੋ ਤੰਦਰੁਸਤੀ ਦੇ ਨੁਸਖ਼ੇ

Image copyright Sakshi Malik/ Facebook

ਹਰਿਆਣਾ ਦੇ ਰੋਹਤਕ ਜ਼ਿਲੇ ਦੇ ਪਿੰਡ ਮੋਖੜਾ ਨਾਲ ਸਬੰਧ ਰੱਖਣ ਵਾਲੀ ਸਾਕਸ਼ੀ ਮਲਿਕ ਦੇ ਉਲੰਪਿਕ 'ਚ ਮੈਡਲ ਜਿੱਤਣ ਤੋਂ ਬਾਅਦ ਪੂਰੇ ਮੁਲਕ 'ਚ ਜਸ਼ਨ ਦਾ ਮਾਹੌਲ ਸੀ।

ਪਿਛਲੇ ਸਾਲ 3 ਸੰਤਬਰ ਨੂੰ ਰੋਹਤਕ ਦੇ ਸਰ ਛੋਟੂਰਾਮ ਸਟੇਡੀਅਮ ਵਿੱਚ ਸਾਕਸ਼ੀ ਮਲਿਕ ਦੇ ਜਿੱਤ ਦਾ ਜਸ਼ਨ ਮਨਾਉਣ ਲਈ ਇੱਕ ਸਮਾਗਮ ਹੋਇਆ ਸੀ।

ਮੀਡੀਆ ਪਲੇਬੈਕ ਤੁਹਾਡੀ ਡਿਵਾਈਸ 'ਤੇ ਸਪੋਰਟ ਨਹੀਂ ਕਰਦਾ
ਭਾਰਤ ਦੀ ਪਹਿਲੀ ਮਹਿਲਾ ਰੈਸਲਰ ਕਵਿਤਾ ਦੇਵੀ ਦੀਆਂ ਸਲਵਾਰ-ਕਮੀਜ਼ ਵਾਲੀਆਂ ਤਸਵੀਰਾਂ ਵਾਇਰਲ ਹੋਈਆਂ।

ਇਸ ਦੌਰਾਨ ਸੂਬੇ ਦੇ ਖੇਡ ਮੰਤਰੀ ਅਨਿਲ ਵਿਜ ਨੇ ਵੀ ਸ਼ਿਰਕਤ ਕੀਤੀ ਸੀ।

ਹੁਣ ਉਸ ਸਮਾਗਮ 'ਤੇ ਆਏ 4 ਲੱਖ ਤੋਂ ਵੀ ਵੱਧ ਦੇ ਬਿੱਲ ਨੂੰ ਕਲੀਅਰ ਕਰਨ ਤੋਂ ਹਰਿਆਣਾ ਦੇ ਖੇਡ ਮੰਤਰੀ ਨੇ ਇਨਕਾਰ ਕੀਤਾ ਹੈ।

Image copyright Anil Vij /Facebook

ਇਸ ਸਬੰਧੀ ਬੀਬੀਸੀ ਨਾਲ ਗੱਲ ਕਰਦਿਆਂ ਅਨਿਲ ਵਿਜ ਨੇ ਕਿਹਾ ਕਿ, ''ਸਾਡੇ ਕੋਲ ਇਸ ਸਮਾਗਮ ਸਬੰਧੀ ਕੋਈ ਮੰਜੂਰੀ ਨਹੀਂ ਲਈ ਗਈ ਸੀ ਅਤੇ ਸਾਨੂੰ ਤਾਂ ਸਾਕਸ਼ੀ ਮਲਿਕ ਦੇ ਪਰਿਵਾਰ ਨੇ ਹੀ ਸੱਦਾ ਦਿੱਤਾ ਸੀ ਕਿ ਤੁਸੀਂ ਆਉਣਾ ਹੈ ਅਤੇ ਸਾਰਾ ਪਿੰਡ ਇਸ ਸਮਾਗਮ ਵਿੱਚ ਸ਼ਾਮਿਲ ਹੋ ਰਿਹਾ ਹੈ। ਇਹ ਉਨ੍ਹਾਂ ਦਾ ਨਿੱਜੀ ਸਮਾਗਮ ਸੀ।''

Image copyright Manoj dhaka

ਉਧਰ ਦੂਜੇ ਪਾਸੇ ਸਾਕਸ਼ੀ ਮਲਿਕ ਦੀ ਮਾਂ ਸੁਦੇਸ਼ ਮਲਿਕ ਨੇ ਬੀਬੀਸੀ ਨਾਲ ਗੱਲ ਕਰਦਿਆਂ ਕਿਹਾ, ''ਉਨ੍ਹਾਂ ਨੂੰ ਪ੍ਰਸ਼ਾਸਨ ਵੱਲੋਂ ਕਿਹਾ ਗਿਆ ਸੀ ਕਿ ਸਾਕਸ਼ੀ ਦੇ ਸਨਮਾਨ ਲਈ ਸਮਾਗਮ ਰੱਖਿਆ ਗਿਆ ਹੈ ਅਤੇ ਮੰਤਰੀ ਜੀ ਅਨਿਲ ਵਿਜ ਵੀ ਆ ਰਹੇ ਹਨ ਤੇ ਤੁਸੀਂ ਵੀ ਆਉਣਾ ਹੈ।''

ਬਿੱਲ ਸਬੰਧੀ ਅਨਿਲ ਵਿਜ ਕਹਿੰਦੇ ਹਨ, ''ਜਾਂਚ ਕਰਵਾਉਣਗੇ ਅਤੇ ਪਤਾ ਕਰਨਗੇ ਕੀ ਇਹ ਸਮਾਗਮ ਕਿਸ ਵੱਲੋਂ ਕਰਵਾਇਆ ਗਿਆ ਸੀ।''

(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTERਅਤੇ YouTube 'ਤੇ ਜੁੜੋ।)

ਸਬੰਧਿਤ ਵਿਸ਼ੇ