ਗੁਜਰਾਤ: ਉਹ ਸੀਟਾਂ ਜਿੱਥੋਂ ਦਿੱਗਜ ਹਾਰੇ ਅਤੇ ਜਿੱਤੇ

GUJRAT ELECTION Image copyright Getty Images

18 ਦਸੰਬਰ ਨੂੰ ਪੂਰੇ ਭਾਰਤ ਦੀ ਨਜ਼ਰ ਦੋ ਸੂਬਿਆਂ ਗੁਜਰਾਤ ਤੇ ਹਿਮਾਚਲ ਪ੍ਰਦੇਸ਼ 'ਤੇ ਟਿਕੀਆਂ ਰਹੀਆਂ ਕਿਉਂਕਿ ਇਹ ਦਿਨ ਸੀ ਚੋਣ ਨਤੀਜਿਆਂ ਦਾ।

ਗੁਜਰਾਤ ਵਿਧਾਨਸਭਾ ਚੋਣਾਂ ਦੇ ਕੁਝ ਅਹਿਮ ਆਗੂਆਂ ਅਤੇ ਅਹਿਮ ਸੀਟਾਂ ਦੇ ਨਤੀਜੇ ਕਿਹੋ ਜਿਹੇ ਰਹੇ ਇੱਕ ਨਜ਼ਰ ਮਾਰਦੇ ਹਾਂ।

ਜਿਗਨੇਸ਼ ਮੇਵਾਣੀ

ਬੀਜੇਪੀ ਨੂੰ ਚੁਣੌਤੀ ਦੇਣ ਵਾਲੇ ਤਿੰਨ ਨੌਜਵਾਨ ਆਗੂਆਂ ਵਿੱਚੋਂ ਜਿਗਨੇਸ਼ ਮੇਵਾਣੀ ਵੀ ਸਨ। ਉਨ੍ਹਾਂ ਨੇ ਗੁਜਰਾਤ ਦੀ ਵਡਗਾਮ ਸੀਟ ਤੋਂ ਜਿੱਤ ਦਰਜ ਕੀਤੀ।

Image copyright Getty Images

ਦਲਿਤ ਆਗੂ ਜਿਗਨੇਸ਼ ਮੇਵਾਣੀ ਨੇ ਵਡਗਾਮ 'ਚ ਭਾਜਪਾ ਉਮੀਦਵਾਰ ਵਿਜੇ ਚਕਰਾਵਰਤੀ ਨੂੰ 19,696 ਵੋਟਾਂ ਨਾਲ ਹਰਾਇਆ।

ਅਜ਼ਾਦ ਤੌਰ 'ਤੇ ਕਾਂਗਰਸ ਦੇ ਸਮਰਥਨ ਨਾਲ ਚੋਣ ਲੜਨ ਵਾਲੇ ਮੇਵਾਣੀ ਨੂੰ ਰਾਖਵੀਂ ਸੀਟ ਤੋਂ 95,497 ਵੋਟਾਂ ਹਾਸਿਲ ਹੋਈਆਂ। ਜਦਕਿ ਚਕਰਾਵਰਤੀ ਨੂੰ 75,801 ਵੋਟਾਂ ਮਿਲੀਆਂ।

Image copyright @jigneshmevani80/Twitter

ਜਿਗਨੇਸ਼ ਮੇਵਾਣੀ ਨੇ ਜਿੱਤ ਤੋਂ ਬਾਅਦ ਟਵੀਟ ਕਰਕੇ ਲੋਕਾਂ ਦਾ ਧੰਨਵਾਦ ਕਰਦਿਆਂ ਕਿਹਾ, ''ਮੈਂ ਨਫ਼ਰਤ ਨਹੀਂ ਮੁਹੱਬਤ ਲੁਟਾਉਣ ਆਇਆ ਹਾਂ।''

ਅਲਪੇਸ਼ ਠਾਕੋਰ

ਕਾਂਗਰਸ ਉਮੀਦਵਾਰ ਅਲਪੇਸ਼ ਠਾਕੋਰ ਨੇ ਰਾਧਨਪੁਰ ਸੀਟ ਤੋਂ 62 ਸਾਲਾ ਬੀਜੇਪੀ ਉਮੀਦਵਾਰ ਲਵਿੰਗ ਜੀ ਠਾਕੋਰ ਨੂੰ 18,000 ਵੋਟਾਂ ਨਾਲ ਹਰਾਇਆ। ਹਾਲਾਂਕਿ ਸ਼ੁਰੂਆਤ ਵਿੱਚ ਅਲਪੇਸ਼ ਪਿੱਛੇ ਚੱਲ ਰਹੇ ਸਨ।

ਹਾਰਦਿਕ ਪਟੇਲ

ਮੋਦੀ ਨੂੰ ਖੁੱਲ੍ਹੇ ਤੌਰ 'ਤੇ ਚੁਣੌਤੀ ਦੇਣ ਵਾਲੇ ਪਾਟੀਦਾਰ ਆਗੂ ਹਾਰਦਿਕ ਪਟੇਲ ਚੋਣਾਂ ਨਹੀਂ ਲੜੇ ਕਿਉਂਕਿ ਸਿਰਫ਼ 24 ਸਾਲ ਦੇ ਹੋਣ ਕਾਰਨ ਉਮਰ ਯੋਗਤਾ ਨਹੀਂ ਪੂਰੀ ਕਰਦੇ। ਉਨ੍ਹਾਂ ਨੇ ਈਵੀਐੱਮ ਨਾਲ ਛੇੜਛਾੜ ਕਰਨ ਦੇ ਇਲਜ਼ਾਮ ਲਾਏ।

ਹਾਰਦਿਕ ਪਟੇਲ ਨੇ ਕਿਹਾ, "ਬੀਜੇਪੀ ਨੂੰ ਕਿਸੇ ਚਾਣਕਿਆ ਨੇ ਨਹੀਂ ਜਿਤਾਇਆ। ਈਵੀਐੱਮ ਤੇ ਪੈਸੇ ਦੇ ਦਮ 'ਤੇ ਭਾਜਪਾ ਜਿੱਤੀ ਹੈ।"

Image copyright Getty Images
ਫੋਟੋ ਕੈਪਸ਼ਨ ਹਾਰਦਿਕ ਪਟੇਲ

ਉਨ੍ਹਾਂ ਅੱਗੇ ਕਿਹਾ, "ਅਹਿਮਦਾਬਾਦ, ਸੂਰਤ ਤੇ ਰਾਜਕੋਟ ਦੀਆਂ ਜਿੰਨ੍ਹਾਂ 12 ਤੋਂ 15 ਸੀਟਾਂ ਤੇ ਹਾਰ-ਜਿੱਤ ਦਾ ਫਰਕ 200, 400, 800 ਵੋਟਾਂ ਦਾ ਰਿਹਾ ਹੈ, ਉੱਥੇ ਈਵੀਐੱਮ ਟੈਂਪਰਿੰਗ ਵੱਡਾ ਮੁੱਦਾ ਹੈ।

ਮੈਂ ਖੁਦ ਦੇਖਿਆ ਕਿ ਜਿਸ ਵੀ ਈਵੀਐੱਮ ਵਿੱਚ ਰੀਕਾਊਂਟਿੰਗ ਹੋਈ ਹੈ, ਉੱਥੇ ਬਦਲਾਅ ਹੋਇਆ ਹੈ। ਇਹ ਗੱਲਾਂ ਈਵੀਐੱਮ ਨੂੰ ਲੈ ਕੇ ਸੋਚਣ ਲਈ ਮਜਬੂਰ ਕਰਦੀਆਂ ਹਨ।"

ਇਨ੍ਹਾਂ ਸਿੱਖਾਂ ਨੂੰ ਇਸਲਾਮ ਕਬੂਲਣ ਲਈ ਕਿਉਂ ਕਿਹਾ?

ਦੁਨੀਆਂ ਦੀ ਸਭ ਤੋਂ ਤਿੱਖੀ ਚੜ੍ਹਾਈ ਵਾਲੀ ਰੇਲਵੇ ਲਾਈਨ

ਮਣੀਨਗਰ ਸੀਟ

ਅਹਿਮਦਾਬਾਦ ਦੀ ਮਣੀਨਗਰ ਸੀਟ, ਜੋ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਪੁਰਾਣੀ ਸੀਟ ਰਹੀ ਹੈ, ਭਾਜਪਾ ਨੇ ਝੰਡਾ ਲਹਿਰਾ ਦਿੱਤਾ ਹੈ।

ਭਾਜਪਾ ਉਮੀਦਵਾਰ ਸੁਰੇਸ਼ ਪਟੇਲ ਨੂੰ 1,16,113 ਵੋਟਾਂ ਮਿਲੀਆਂ ਜਦਕਿ ਕਾਂਗਰਸ ਦੀ ਸ਼ਵੇਤਾ ਬ੍ਰਹਮਭੱਟ ਨੇ 40, 914 ਵੋਟਾਂ ਹਾਸਿਲ ਕੀਤੀਆਂ।

Image copyright Getty Images

ਵਿਜੇ ਰੁਪਾਣੀ ਦੀ ਰਾਜਕੋਟ ਸੀਟ

ਰਾਜਕੋਟ ਪੱਛਮੀ ਤੋਂ ਮੌਜੂਦਾ ਮੁੱਖ ਮੰਤਰੀ ਵਿਜੇ ਰੁਪਾਣੀ 1,31,586 ਵੋਟਾਂ ਹਾਸਿਲ ਕਰਕੇ ਜਿੱਤ ਗਏ ਹਨ। ਜਦਕਿ ਕਾਂਗਰਸ ਉਮੀਦਵਾਰ ਇੰਦਰਨੀਲ ਰਾਜਗੁਰੂ ਨੂੰ 77, 831 ਵੋਟਾਂ ਪਈਆਂ।

Image copyright Getty Images
ਫੋਟੋ ਕੈਪਸ਼ਨ ਗੁਜਰਾਤ ਦੇ ਮੁੱਖ ਮੰਤਰੀ ਵਿਜੇ ਰੂਪਾਣੀ ਰਾਜਕੋਟ ਪੱਛਮੀ ਤੋਂ ਜਿੱਤੇ ਹਨ।

ਵਿਰਮਗਾਮ ਸੀਟ

ਵਿਰਮਗਾਮ ਤੋਂ ਕਾਂਗਰਸ ਆਗੂ ਲਾਖਾਭਾਈ ਬਰਵਾਡ ਨੇ 76,178 ਵੋਟਾਂ ਹਾਸਿਲ ਕਰਕੇ ਜਿੱਤ ਦਰਜ ਕੀਤੀ ਹੈ। ਬੀਜੇਪੀ ਵੱਲੋਂ ਇੱਥੇ ਡਾ. ਤੇਜਸ਼੍ਰੀ ਪਟੇਲ ਨੂੰ 69, 630 ਵੋਟਾਂ ਪਈਆਂ ਹਨ।

Image copyright FACEBOOK.COM/TEJASHREE.PATEL.39

ਇਹ ਕਾਫ਼ੀ ਅਹਿਮ ਸੀਟ ਹੈ ਕਿਉਂਕਿ ਪਾਟੀਦਾਰ ਨੇਤਾ ਹਾਰਦਿਕ ਪਟੇਲ ਅਤੇ ਓਬੀਸੀ ਆਗੂ ਅਲਪੇਸ਼ ਠਾਕੋਰ ਦੇ ਜੱਦੀ ਇਲਾਕੇ ਅਹਿਮਦਾਬਾਦ ਜ਼ਿਲ੍ਹੇ ਦਾ ਇਹ ਛੋਟਾ ਜਿਹਾ ਕਸਬਾ ਹੈ।

(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTERਅਤੇ YouTube 'ਤੇ ਜੁੜੋ।)