ਪ੍ਰੈੱਸ ਰੀਵਿਊ: ਅਕਾਲ ਤਖ਼ਤ ਦੇ ਜਥੇਦਾਰ ਦਾ ਫ਼ਰਮਾਨ ਤੇ ਐਪਲ ਦੀ ਮੁਆਫ਼ੀ

Image copyright RAVINDER SINGH ROBIN

ਦ ਟ੍ਰਬਿਊਨ ਨੇ ਚੀਫ਼ ਖ਼ਾਲਸਾ ਦੀਵਾਨ ਦੇ ਸਾਬਕਾ ਮੁਖੀ ਤੇ ਅੰਮ੍ਰਿਤਸਰ ਦੇ ਉੱਘੇ ਹੋਟਲ ਮਾਲਕ ਚਰਨਜੀਤ ਸਿੰਘ ਚੱਢਾ ਖਿਲਾਫ਼ ਇੱਕ ਸਕੂਲ ਦੀ ਮਹਿਲਾ ਪ੍ਰਿੰਸੀਪਲ ਕਥਿਤ ਤੌਰ 'ਤੇ ਧੱਕਾ ਕਰਨ ਦੀ ਕੋਸ਼ਿਸ਼ ਕਰਨ ਦਾ ਕਥਿਤ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਣ ਮਗਰੋਂ ਸ਼ਿਕਾਇਤ ਮਿਲਣ 'ਤੇ ਜਿਲ੍ਹਾ ਪੁਲਿਸ ਵੱਲੋਂ ਕਨੂੰਨੀ ਕਾਰਵਾਈ ਕਰਨ ਦੀ ਖਬਰ ਛਾਪੀ ਹੈ।

ਅਖ਼ਬਾਰ ਨੇ ਸ੍ਰੀ ਅਕਾਲ ਤਖਤ ਸਾਹਿਬ ਦੇ ਜਥੇਦਾਰ ਵੱਲੋਂ ਇਸ ਮਾਮਲੇ ਵਿੱਚ ਚਰਨਜੀਤ ਸਿੰਘ ਚੱਢਾ ਨੂੰ ਸੱਦਣ ਦੀ ਖ਼ਬਰ ਵੀ ਦਿੱਤੀ ਹੈ।

Image copyright Getty Images
ਫੋਟੋ ਕੈਪਸ਼ਨ ਅਸਦੁਦੀਨ ਓਵੈਸੀ - ਰਵੀਸ਼ੰਕਰ ਪ੍ਰਸਾਦ

ਸਾਰੇ ਹੀ ਅਖ਼ਬਾਰਾਂ ਨੇ ਕੱਲ੍ਹ ਲੋਕ ਸਭਾ ਵਿੱਚ ਪਾਸ ਹੋਏ ਤਿੰਨ ਤਲਾਕ ਬਿਲ ਨੂੰ ਆਪਣੇ ਮੁਖ ਪੰਨੇ 'ਤੇ ਥਾਂ ਦਿੱਤੀ ਹੈ।

ਇੰਡੀਅਨ ਐਕਸਪ੍ਰੈਸ ਨੇ ਪੈਰਾਡਾਈਜ਼ ਦਸਤਾਵੇਜਾਂ ਦੇ ਸਾਹਮਣੇ ਆਉਣ ਤੋਂ ਬਾਅਦ ਜਲੰਧਰ ਦੇ ਵਪਾਰੀ ਪਵਿੱਤਰ ਸਿੰਘ ਉੱਪਲ ਦੇ ਦਰਜਨ ਭਰ ਤੋਂ ਵੱਧ ਜਾਇਦਾਦਾਂ 'ਤੇ ਆਮਦਨ ਕਰ ਵਿਭਾਗ ਦੀ ਛਾਪੇਮਾਰੀ ਦੀ ਖਬਰ ਛਾਪੀ ਹੈ।

ਇਹ ਛਾਪੇ ਬੁੱਧਵਾਰ ਰਾਤ ਤੋਂ ਸ਼ੁਰੂ ਹੋ ਕੇ ਵੀਰਵਾਰ ਤੱਕ ਚੱਲੇ ਤੇ ਇਸ ਕਾਰਵਾਈ ਵਿੱਚ 15 ਟੀਮਾਂ ਨੇ ਹਿੱਸਾ ਲਿਆ।

Image copyright Getty Images

ਨਿਊ ਯੌਰਕ ਟਾਈਮਜ਼ ਨੇ ਆਪਣੇ ਕੌਮਾਂਤਰੀ ਐਡੀਸ਼ਨ ਵਿੱਚ ਇੱਕ ਸਥਾਨਕ ਖੋਜ ਦੇ ਹਵਾਲੇ ਨਾਲ ਲਿਖਿਆ ਹੈ ਕਿ ਪਿਛਲੇ ਤਿੰਨ ਦਹਾਕਿਆਂ ਦੌਰਾਨ ਮਲੇਸ਼ੀਆ ਦੇ ਲੋਕ ਏਸ਼ੀਆ ਵਿੱਚੋਂ ਸਭ ਤੋਂ ਮੋਟੇ ਹੋਏ ਹਨ।

ਮੁਲਕ ਦੀ ਲਗਭਗ ਅੱਧੀ ਤੋਂ ਵਧੇਰੇ ਵਸੋਂ ਮੋਟਾਪੇ ਦੀ ਸ਼ਿਕਾਰ ਹੈ। ਇਸ ਖੋਜ ਲਈ ਨੈਸਲੇ ਕੰਪਨੀ ਨੇ ਪੈਸੇ ਮੁਹੱਈਆ ਕਰਵਾਏ। ਖੋਜ ਮੁਤਾਬਕ ਰਵਾਇਤੀ ਖਾਣ ਪਾਣ ਮੋਟਾਪੇ ਦੀ ਮੁੱਖ ਵਜ੍ਹਾ ਹੈ।

Image copyright AFP

ਦੈਨਿਕ ਭਾਸਕਰ ਨੇ ਫੇਸਬੁੱਕ ਦੇ ਹਵਾਲੇ ਨਾਲ ਲਿਖਿਆ ਹੈ ਕਿ ਭਾਰਤ ਵਿੱਚ ਇਸਦੇ ਵਰਤੋਂਕਾਰਾਂ ਤੋਂ ਨਾ ਤਾਂ ਆਧਾਰ ਨੰਬਰ ਮੰਗੇ ਗਏ ਹਨ ਤੇ ਨਾ ਹੀ ਆਧਾਰ ਕਾਰਡ ਤੇ ਲਿਖੇ ਨਾਂ ਮੁਤਾਬਕ ਫ਼ੇਸਬੱਕ ਅਕਾਊਂਟ ਬਣਾਉਣ ਲਈ ਕਿਹਾ ਗਿਆ ਹੈ।

Image copyright Getty Images

ਦ ਗਾਰਡੀਅਨ ਨੇ ਐਪਲ ਕੰਪਨੀ ਵੱਲੋਂ ਪੁਰਾਣੇ ਫ਼ੋਨਾਂ ਦੇ ਸੁਸਤ ਹੋ ਜਾਣ ਦੇ ਇਲਜ਼ਾਮਾਂ ਦੇ ਚਲਦਿਆਂ ਮੁਆਫ਼ੀ ਮੰਗਣ ਦੀ ਖ਼ਬਰ ਛਾਪੀ ਹੈ। ਕੰਪਨੀ ਨੇ ਪੁਰਾਣੇ ਮਾਡਲਾਂ ਦੀਆਂ ਬੈਟਰੀਆਂ ਸਸਤੇ ਮੁੱਲ ਤੇ ਬਦਲਣ ਦੀ ਗੱਲ ਵੀ ਕਹੀ ਹੈ।

ਕੰਪਨੀ ਨੇ ਆਪਣੀ ਵੈਬਸਾਈਟ ਤੇ ਜਾਰੀ ਬਿਆਨ ਵਿੱਚ ਕਿਹਾ ਹੈ ਕਿ ਅਸੀਂ ਨਾ ਤਾਂ ਕਦੇ ਆਪਣੇ ਗਾਹਕਾਂ ਨੂੰ ਨਵੇਂ ਫ਼ੌਨ ਖਰੀਦਣ ਲਈ ਪ੍ਰੇਰਿਤ ਕਰਨ ਵਾਸਤੇ ਫ਼ੋਨ ਸੁਸਤ ਕੀਤੇ ਹਨ ਤੇ ਨਾ ਕਰਾਂਗੇ

ਇਸ ਰੁੱਖ ਨੇ ਵੇਖੇ ਹਨ 39 ਰਾਸ਼ਟਰਪਤੀ

ਜਦੋਂ ਅੰਮ੍ਰਿਤਸਰ ਦਾ ਮੁੰਡਾ ਬੌਂਬੇ 'ਚ ਬਣਿਆ ਸੂਪਰਸਟਾਰ

‘ਜੁੱਤੀਆਂ ਸੁਰੱਖਿਆ ਜਾਂਚ ਵਿੱਚ ਪਾਸ ਨਹੀਂ ਹੋਈਆਂ’

(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTERਅਤੇ YouTube 'ਤੇ ਜੁੜੋ।)