ਸੋਸ਼ਲ: ਰਜਨੀਕਾਂਤ ਨੂੰ ਭਾਜਪਾ ਨੇ ਦਿੱਤੀ ਵਧਾਈ ਤੇ ਸਵਾਮੀ ਨੇ ਕਿਹਾ 'ਅਨਪੜ੍ਹ'

ਰਜਨੀਕਾਂਤ Image copyright FB/RajiniKanthOfficial

ਦੱਖਣੀ ਭਾਰਤ ਦੇ ਪ੍ਰਸਿੱਧ ਅਦਾਕਾਰ ਰਜਨੀਕਾਂਤ ਨੇ ਰਾਜਨੀਤੀ ਵਿੱਚ ਆਉਣ ਦਾ ਐਲਾਨ ਕੀਤਾ ਹੈ।

ਉਨ੍ਹਾਂ ਕਿਹਾ ਕਿ ਉਹ ਤਮਿਲਨਾਡੂ 'ਚ ਹੋਣ ਵਾਲੀਆਂ ਅਗਲੀਆਂ ਵਿਧਾਨ ਸਭਾ ਚੋਣਾਂ ਲੜਨਗੇ ਅਤੇ ਇਸ ਲਈ ਉਨ੍ਹਾਂ ਨੇ ਆਪਣੀ ਵੱਖਰੀ ਪਾਰਟੀ ਬਣਾਉਣ ਦਾ ਐਲਾਨ ਕੀਤਾ ਹੈ।

ਰਜਨੀਕਾਂਤ ਨੇ ਕਿਹਾ ਕਿ ਉਹ ਬੁਜ਼ਦਿਲ ਨਹੀਂ ਹਨ, ਇਸ ਲਈ ਪਿੱਛੇ ਨਹੀਂ ਹਟਣਗੇ।

ਬੱਸ ਕੰਡਕਟਰ ਤੋਂ ਸਟਾਰ: ਰਜਨੀਕਾਂਤ ਬਾਰੇ 11 ਗੱਲਾਂ

ਰਜਨੀਕਾਂਤ ਬਣਾਉਣਗੇ ਨਵੀਂ ਸਿਆਸੀ ਪਾਰਟੀ

ਦੱਖਣ ਭਾਰਤ ਦੇ ਫ਼ਿਲਮੀ ਸੁਪਰਸਟਾਰ ਰਜਨੀਕਾਂਤ ਦੇ ਸਿਆਸਤ ਵਿੱਚ ਆਉਣ ਅਤੇ ਆਪਣੀ ਪਾਰਟੀ ਬਣਾਉਣ ਦੇ ਫ਼ੈਸਲੇ ਦੇ ਨਾਲ ਹੀ ਸੋਸ਼ਲ ਮੀਡੀਆ 'ਤੇ ਵੀ ਇਸ ਬਾਬਤ ਲਗਾਤਾਰ ਚਰਚਾ ਹੋ ਰਹੀ ਹੈ।

ਉਨ੍ਹਾਂ ਦੇ ਸਿਆਸਤ 'ਚ ਆਉਣ ਬਾਰੇ ਚਰਚਾ ਦੇ ਨਾਲ ਨਾਲ ਵਧਾਈਆਂ ਵੀ ਮਿਲ ਰਹੀਆਂ ਹਨ।

Image copyright Getty Images

ਨਵੀਂ ਪਾਰਟੀ ਦੇ ਐਲਾਨ ਤੋਂ ਬਾਅਦ ਹੀ ਸੋਸ਼ਲ ਮੀਡੀਆ 'ਤੇ ਰਜਨੀਕਾਂਤ ਟਰੈਂਡ ਕਰਨ ਲੱਗੇ।

ਉਨ੍ਹਾਂ ਨੂੰ ਟਵੀਟ ਕਰਕੇ ਬਾਲੀਵੁੱਡ ਸ਼ਹਿਨਸ਼ਾਹ ਅਮਿਤਾਭ ਬੱਚਨ ਨੇ ਵੀ ਵਧਾਈ ਦਿੱਤੀ ਹੈ।

ਉਨ੍ਹਾਂ ਲਿਖਿਆ, ''ਮੇਰੇ ਪਰਮ ਮਿੱਤਰ ਤੇ ਮੇਰੇ ਸਾਥੀ ਰਜਨੀਕਾਂਤ ਨੂੰ ਸ਼ੁਭਇੱਛਾਵਾਂ।''

ਉਧਰ ਅਦਾਕਾਰ ਕਬੀਰ ਬੇਦੀ ਨੇ ਟਵੀਟ ਕਰਦਿਆਂ ਲਿਖਿਆ, ''ਤਾਮਿਲਨਾਡੂ ਦੀ ਵੱਡੀ ਉਮੀਦ ਰਜਨੀਕਾਂਤ ਨੂੰ ਸਿਆਸੀ ਸਿਸਟਮ ਦੀ ਬਿਹਤਰੀ ਲਈ ਸ਼ੁਭਕਾਮਨਾਵਾਂ''

ਭਾਜਪਾ ਦੀ ਤਾਮਿਲਨਾਡੂ ਇਕਾਈ ਨੇ ਟਵੀਟ ਰਾਹੀਂ ਰਜਨੀਕਾਂਤ ਦੇ ਸਿਆਸਤ 'ਚ ਆਉਣ ਨੂੰ ਲੈ ਕੇ ਸ਼ੁਭਕਾਮਨਾਵਾਂ ਦਿੱਤੀਆਂ ਹਨ।

ਅਦਾਕਾਰ ਅਨੁਪਮ ਖੇਰ ਨੇ ਵੀ ਟਵੀਟ ਕਰਦਿਆਂ ਰਜਨੀਕਾਂਤ ਦੇ ਸਿਆਸਤ 'ਚ ਆਉਣ ਬਾਰੇ ਲਿਖਿਆ ਕਿ 2017 ਦੇ ਆਖਰੀ ਦਿਨ ਸਾਲ ਦੇ ਸਭ ਤੋਂ ਵੱਡੇ ਨਿਉਜ਼ ਮੇਕਰ ਰਜਨੀਕਾਂਤ ਸਿਆਸਤ 'ਚ ਆ ਗਏ ਹਨ। ਜੈ ਹੋ।

ਉਧਰ ਰਜਨੀਕਾਂਤ ਨੇ ਅਮਿਤਾਭ, ਕਮਲ ਹਾਸਨ ਤੇ ਅਦਾਕਾਰ ਮੋਹਨ ਬਾਬੂ ਵੱਲੋਂ ਮਿਲੀਆਂ ਵਧਾਈਆਂ ਤੇ ਧੰਨਵਾਦ ਕਰਦਿਆਂ ਮੁੜ੍ਹ ਟਵੀਟ ਕੀਤਾ ਹੈ।

Image copyright Twitter

ਖ਼ਬਰ ਏਜੰਸੀ ਏ ਐੱਨ ਆਈ ਨਾਲ ਗੱਲ ਕਰਦਿਆਂ ਭਾਜਪਾ ਨੇਤਾ ਸੁਬਰਮਨੀਅਮ ਸਵਾਮੀ ਨੇ ਰਜਨੀਕਾਂਤ ਨੂੰ ਅਨਪੜ੍ਹ ਕਿਹਾ।

Image copyright Getty Images

ਰਜਨੀਕਾਂਤ ਨੇ ਸਾਲ 2017 ਦੇ ਅਖ਼ੀਰਲੇ ਦਿਨ ਸਿਆਸਤ 'ਚ ਆਉਣ ਬਾਬਤ ਐਲਾਨ ਕੀਤਾ।

ਸੂਬੇ ਦੀ ਮਨਪਸੰਦ ਮੁੱਖ ਮੰਤਰੀ ਜੈਲਲਿਤਾ ਦੇ ਦੇਹਾਂਤ ਤੋਂ ਬਾਅਦ ਤੋਂ ਹੀ ਰਜਨੀਕਾਂਤ ਦੇ ਸਿਆਸਤ ਵਿੱਚ ਉਤਰਨ ਦੇ ਕਿਆਸ ਲੱਗ ਰਹੇ ਸਨ।

(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTERਅਤੇ YouTube 'ਤੇ ਜੁੜੋ।)