ਲੁਧਿਆਣਾ: ਲੋਕਾਂ ਦੀ ਸੁੱਖ ਮੰਗਣ ਵਾਲੇ ਕਿੰਨਰ 'ਤਾੜੀਮਾਰ' ਮੁਜ਼ਾਹਰੇ ਲਈ ਕਿਉਂ ਹੋਏ ਮਜ਼ਬੂਰ?

Ludhiana Kinner Image copyright BBC/Jasbir Singh Shetra

ਲੁਧਿਆਣਾ ਨਗਰ ਨਿਗਮ ਦੀਆਂ 95 ਸੀਟਾਂ ਲਈ ਹੋਣ ਜਾ ਰਹੀ ਚੋਣ ਵਿੱਚ ਕਿੰਨਰਾਂ ਨੇ 15 ਫ਼ੀਸਦ ਰਾਖਵੇਂਕਰਨ ਦੀ ਮੰਗ ਕੀਤੀ ਹੈ। ਇਸ ਮੰਗ ਦੀ ਪੂਰਤੀ ਲਈ ਉਹ ਸੁਪਰੀਮ ਕੋਰਟ ਦੇ ਫ਼ੈਸਲੇ ਦਾ ਹਵਾਲਾ ਦੇ ਰਹੇ ਹਨ।

'ਮਹਾਤੜ ਸਾਥੀ ਜਾਗ੍ਰਿਤੀ ਮੰਚ' ਕਿੰਨਰਾਂ ਦੇ ਹੱਕ ਵਿੱਚ ਨਿੱਤਰ ਆਇਆ ਹੈ।

ਜੱਜ- ਕੀ ਤੁਸੀਂ ਕੁਝ ਕਹਿਣਾ ਹੈ? ਜਗਤਾਰ- ਮੈਂ ਬੇਕਸੂਰ ਹਾਂ

ਲੁਧਿਆਣਾ: ਫ਼ੈਕਟਰੀ ਮਾਲਕ ਇੰਦਰਜੀਤ ਗੋਲਾ ਗ੍ਰਿਫ਼ਤਾਰ

ਲੁਧਿਆਣਾ 'ਚ ਆਰਐੱਸਐੱਸ ਨੇਤਾ ਦਾ ਕਤਲ

ਕਿੰਨਰ ਮੰਚ ਦੇ ਪ੍ਰਧਾਨ ਕੀਮਤੀ ਰਾਵਲ ਅਤੇ ਹੋਰ ਅਹੁਦੇਦਾਰਾਂ ਨੇ ਵਧੀਕ ਡਿਪਟੀ ਕਮਿਸ਼ਨਰ ਦਫ਼ਤਰ ਦੇ ਬਾਹਰ ਰਾਖਵੇਂਕਰਨ ਦੀ ਮੰਗ ਨੂੰ ਲੈ ਕੇ ਪ੍ਰਦਰਸ਼ਨ ਕੀਤਾ ਅਤੇ ਵਧੀਕ ਡਿਪਟੀ ਕਮਿਸ਼ਨਰ ਨੂੰ ਮੰਗ ਪੱਤਰ ਦਿੱਤਾ।

Image copyright BBC/Jasbir Singh Shetra

ਉਨ੍ਹਾਂ ਦਫ਼ਤਰ ਦੇ ਅੰਦਰ ਵੀ ਤਾੜੀਆਂ ਵਜਾਉਂਦੇ ਹੋਏ 'ਸਾਡਾ ਹੱਕ ਇੱਥੇ ਰੱਖ' ਦੇ ਨਾਅਰੇ ਲਾਉਂਦਿਆਂ ਮੁਜ਼ਾਹਰਾ ਕੀਤਾ।

ਕਿੰਨਰਾਂ ਦੀਆਂ ਮੰਗਾਂ

ਇਸ ਦੌਰਾਨ ਉਨ੍ਹਾਂ ਕਿਹਾ ਕਿ ਸੁਪਰੀਮ ਕੋਰਟ ਦੇ ਫ਼ੈਸਲੇ ਮੁਤਾਬਕ ਉਹ ਨਗਰ ਨਿਗਮ ਚੋਣਾਂ ਵਿੱਚ ਸੰਵਿਧਾਨਕ ਹੱਕ ਲਾਗੂ ਕਰਵਾਉਣ ਦੀ ਲੜਾਈ ਲੜ ਰਹੇ ਹਨ।

Image copyright BBC/Jasbir Singh Shetra

ਕਿੰਨਰ ਮੰਚ ਦੇ ਪ੍ਰਧਾਨ ਕੀਮਤੀ ਰਾਵਲ ਨੇ ਦੱਸਿਆ, "ਮਹੰਤ ਚਾਂਦਨੀ ਨੇ ਪਿਛਲੇ ਸਾਲ ਦਸੰਬਰ ਵਿੱਚ ਕਿੰਨਰਾਂ ਨੂੰ ਨਗਰ ਨਿਗਮ ਚੋਣਾਂ ਵਿੱਚ ਰਾਖਵਾਂਕਰਨ ਦੇਣ ਲਈ ਸਰਵਉੱਚ ਅਦਾਲਤ ਤੱਕ ਪਹੁੰਚ ਕੀਤੀ ਸੀ।

ਸੁਪਰੀਮ ਕੋਰਟ ਦੇ ਇਕ ਬੈਂਚ ਦੇ ਫ਼ੈਸਲੇ ਮੁਤਾਬਕ ਕਿੰਨਰਾਂ ਨੂੰ ਥਰਡ ਜੈਂਡਰ ਦਾ ਸਟੇਟਸ ਹਾਸਿਲ ਹੈ। ਉਨ੍ਹਾਂ ਨੂੰ ਮਹਿਲਾ ਜਾਂ ਪੁਰਸ਼ ਲਿਖਣ ਲਈ ਮਜਬੂਰ ਨਹੀਂ ਕੀਤਾ ਜਾ ਸਕਦਾ।"

Image copyright BBC/Jasbir Singh Shetra

ਉਨ੍ਹਾਂ ਅੱਗੇ ਕਿਹਾ, "ਜਿਸ ਤਰ੍ਹਾਂ ਸਿੱਖਿਆ, ਨੌਕਰੀਆਂ ਅਤੇ ਓ.ਬੀ.ਸੀ. ਸ਼੍ਰੇਣੀ ਵਿੱਚ ਥਰਡ ਜੈਂਡਰ ਨੂੰ ਮਾਨਤਾ ਦਿੱਤੀ ਗਈ ਹੈ, ਉਸੇ ਤਰ੍ਹਾਂ ਚੋਣਾਂ ਵਿੱਚ ਵਿਸ਼ੇਸ਼ ਰਾਖਵਾਂਕਰਨ ਮਿਲਣਾ ਚਾਹੀਦਾ ਹੈ।"

Image copyright BBC/Jasbir Singh Shetra

ਸੁਪਰੀਮ ਕੋਰਟ ਨੇ ਹੋਰਨਾਂ ਸਹੂਲਤਾਂ ਤੋਂ ਇਲਾਵਾ ਕਿੰਨਰਾਂ ਲਈ ਵੱਖਰੇ ਪਿਸ਼ਾਬ-ਘਰਾਂ ਦੀ ਸਹੂਲਤ ਦੇਣ 'ਤੇ ਗੌਰ ਕਰਨ ਲਈ ਵੀ ਕਿਹਾ ਹੈ। ਕਿੰਨਰਾਂ ਦਾ ਕਹਿਣਾ ਹੈ ਇਸ ਦੇ ਬਾਵਜੂਦ ਕਿੰਨਰ ਵਰਗ ਇਨ੍ਹਾਂ ਸਹੂਲਤਾਂ ਤੋਂ ਵਾਂਝਾ ਹੈ।

Image copyright BBC/Jasbir Singh Shetra

ਉਨ੍ਹਾਂ ਮੰਗ ਕੀਤੀ ਕਿ ਜਿਵੇਂ ਕਈ ਥਾਵਾਂ 'ਤੇ ਨੌਕਰੀਆਂ ਸਮੇਂ ਕਿੰਨਰਾ ਲਈ 'ਟੀ' ਜੈਂਡਰ ਲਿਖਿਆ ਜਾਂਦਾ ਹੈ, ਚੋਣਾਂ ਵਿੱਚ ਵੀ ਰਾਖਵਾਂਕਰਨ ਦੇ ਕੇ ਇਸੇ ਤਰ੍ਹਾਂ ਦਾ ਨਿਯਮ ਲਾਗੂ ਕੀਤਾ ਜਾਵੇ।

(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTERਅਤੇ YouTube 'ਤੇ ਜੁੜੋ।)

ਸਬੰਧਿਤ ਵਿਸ਼ੇ