ਸੰਗਰੂਰ: ਸਿੰਗਾਪੁਰ ਦੀ ਟੀਮ ਨੇ ਕਿਵੇਂ ਬਦਲੀ ਸਰਕਾਰੀ ਸਕੂਲ ਦੀ ਨੁਹਾਰ?

ਸਰਕਾਰੀ ਸਕੂਲ Image copyright bbc/Sukhcharan preet

ਪੰਜਾਬ ਦੇ ਜ਼ਿਲ੍ਹਾ ਸੰਗਰੂਰ ਦੇ ਪਿੰਡ ਰੱਤੋਕੇ 'ਚ ਸਮਾਜ ਸੇਵੀ ਸੰਸਥਾ ਦੀ ਸਿੰਗਾਪੁਰ ਤੋਂ ਆਈ 21 ਮੈਂਬਰੀ ਟੀਮ ਨੇ ਇੱਥੋਂ ਦੇ ਸਰਕਾਰੀ ਸਕੂਲ ਦੀ ਨੁਹਾਰ ਬਦਲ ਦਿੱਤੀ ਹੈ।

ਇਸ ਸਮਾਜ ਸੇਵੀ ਸੰਸਥਾ ਨੇ 15 ਲੱਖ ਰੁਪਏ ਖ਼ਰਚ ਕਰਕੇ ਦਫਤਰ,ਲਾਇਬਰੇਰੀ,ਸਟਾਫ ਅਤੇ ਬੱਚਿਆਂ ਲਈ ਵੱਖਰੇ ਪਖਾਨੇ ਬਣਵਾਏ ਅਤੇ ਇੰਟਰਲੌਕ ਟਾਇਲਾਂ ਵੀ ਲਗਵਾਈਆਂ ਹਨ।

ਸਿੰਗਾਪੁਰ ਦੇ ਵਿਦਿਆਰਥੀਆਂ ਦੀ ਕਾਰਸੇਵਾ !

ਸੋਸ਼ਲ: ਅਦਾਕਾਰਾ ਨੀਰੂ ਬਾਜਵਾ ਦੇ ਪਿੱਛੇ ਕਿਉਂ ਪਏ ਕੁਝ ਲੋਕ?

ਨੀਰਜਾ ਭਨੋਟ ਦੇ ਕਾਤਲਾਂ ਦੇ ਤਾਜ਼ਾ ਸਕੈਚ ਜਾਰੀ

Image copyright bbc/Sukhcharan preet

ਟੀਮ ਨੇ ਇਸ ਸਕੂਲ ਨੂੰ ਆਪਣੇ ਹੱਥੀਂ ਪੇਂਟ ਕੀਤਾ ਹੈ ਅਤੇ ਸਕੂਲ ਦੀਆਂ ਕੰਧਾਂ 'ਤੇ ਖੁਬਸੂਰਤ ਚਿੱਤਰ ਵੀ ਬਣਾਏ ਹਨ।

21 ਨੌਜਵਾਨਾਂ ਦੀ ਇਸ ਟੀਮ ਵਿੱਚ ਸਿੰਗਾਪੁਰ ਦੇ ਵੱਖ ਵੱਖ ਕਾਲਜਾਂ ਅਤੇ ਯੂਨੀਵਰਸਿਟੀਆਂ ਦੇ ਵਿਦਿਆਰਥੀ ਹਨ।

Image copyright bbc/Sukhcharan preet

ਜਿੰਨ੍ਹਾਂ ਨੇ ਲਗਾਤਾਰ ਤਿੰਨ ਹਫ਼ਤੇ ਸਖ਼ਤ ਮਿਹਨਤ ਕਰਕੇ ਇਸ ਸਕੂਲ ਨੂੰ ਨਵੀਂ ਦਿੱਖ ਦਿੱਤੀ ਹੈ।

ਸੰਸਥਾ ਦੇ ਸੰਸਥਾਪਕ ਸਤਵੰਤ ਸਿੰਘ ਮੁਤਾਬਕ ਉਹ ਹਰ ਸਾਲ ਦਸੰਬਰ ਵਿੱਚ ਨਵੇਂ ਸਵੈ-ਸੇਵਕਾਂ ਨਾਲ ਪੰਜਾਬ ਆਉਂਦੇ ਹਨ ਅਤੇ 'ਖਵਾਹਿਸ਼ ਪ੍ਰੋਜੈਕਟ' ਦੇ ਤਹਿਤ ਇੱਕ ਸਰਕਾਰੀ ਸਕੂਲ ਦੀ ਚੋਣ ਕਰਦੇ ਹਨ।

Image copyright bbc/Sukhcharan preet

ਜਿੱਥੇ ਉਹ ਲਾਇਬਰੇਰੀ,ਅਧਿਆਪਕਾਂ ਲਈ ਕਮਰੇ ਅਤੇ ਬਾਥਰੂਮਾਂ ਬਣਾਉਂਦੇ ਹਨ।

ਇਸ ਕੰਮ ਲਈ ਉਨ੍ਹਾਂ ਦਾ ਬਜਟ 10 ਤੋਂ 15 ਲੱਖ ਦਾ ਹੁੰਦਾ ਹੈ। ਇਸ ਤੋਂ ਇਲਾਵਾ ਉਹ ਸਕੂਲ ਨੂੰ ਪੇਂਟ ਵੀ ਕਰਦੇ ਹਨ।

Image copyright bbc/Sukhcharan preet

ਸਰਕਾਰੀ ਪ੍ਰਾਈਮਰੀ ਸਕੂਲ, ਰੱਤੋਕੇ ਇਸ ਸੰਸਥਾ ਵੱਲੋਂ ਅਪਣਾਇਆ ਗਿਆ ਪੰਜਾਬ ਦਾ 17ਵਾਂ ਸਕੂਲ ਹੈ।

ਸਕੂਲ ਇੰਚਾਰਜ ਸੁਰਿੰਦਰ ਸਿੰਘ ਅਤੇ ਉਨ੍ਹਾਂ ਦੀ ਅਧਿਆਪਕ ਪਤਨੀ ਰੇਨੂੰ ਸਿੰਗਲਾ ਨੂੰ ਇਸ ਸਕੂਲ ਦੀਆਂ ਵਿਲੱਖਣ ਪ੍ਰਾਪਤੀਆਂ ਕਰਕੇ ਪੰਜਾਬ ਸਰਕਾਰ ਵੱਲੋਂ ਸਟੇਟ ਅਵਾਰਡ ਵੀ ਮਿਲ ਚੁੱਕਾ ਹੈ।

Image copyright bbc/Sukhcharan preet

ਪੜ੍ਹਾਈ ਵਿੱਚ ਪ੍ਰਾਈਵੇਟ ਸਕੂਲਾਂ ਦਾ ਮੁਕਾਬਲਾ ਕਰਨ ਤੋਂ ਇਲਾਵਾ ਇਸ ਸਕੂਲ ਦੇ ਬੱਚੇ ਖੋ-ਖੋ, ਕਬੱਡੀ, ਅਥਲੈਟਿਕਸ, ਸੁੰਦਰ ਲਿਖਾਈ, ਭਾਸ਼ਨ ਮੁਕਾਬਲਾ ਅਤੇ ਕਲੇਅ ਮੌਡਲਿੰਗ ਵਿੱਚ ਹਰ ਸਾਲ ਸੂਬਾ ਪੱਧਰ 'ਤੇ ਇਨਾਮ ਹਾਸਲ ਕਰਦੇ ਹਨ।

ਕੈਨੇਡਾ: ਹਿਜਾਬ ਪਾਉਣ ਵਾਲੀ ਕੁੜੀ 'ਤੇ ਕੈਂਚੀ ਨਾਲ ਹਮਲਾ

ਗੁੜ ਨਾਲੋਂ ਹਿੰਦੂ-ਮੁਸਲਿਮ ਭਾਈਚਾਰੇ ਦਾ ਰਿਸ਼ਤਾ ਮਿੱਠਾ

ਸਰਦਾਰ ਜੋ ਬਣਿਆ ਕਨੇਡਾ ਦਾ ਵੱਡਾ ਸਿਆਸੀ ਚਿਹਰਾ

(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTERਅਤੇ YouTube 'ਤੇ ਜੁੜੋ।)

ਸਬੰਧਿਤ ਵਿਸ਼ੇ