ਭਾਰਤ ਵਿੱਚ ਇਸ ਹਫਤੇ ਦੀਆਂ ਸਰਗਰਮੀਆਂ ਤਸਵੀਰਾਂ ਰਾਹੀਂ

Image copyright Kalpit Bhachech

ਅਹਿਮਦਾਬਾਦ, ਗੁਜਰਾਤ ਵਿੱਚ ਉੱਤਰਾਇਣ ਦੇ ਮੌਕੇ ਕੁੜੀਆਂ ਪਤੰਗਬਾਜ਼ੀ ਦਾ ਆਨੰਦ ਲੈਂਦੀਆਂ ਹੋਈਆਂ।

ਗੁਜਰਾਤ ਵਿੱਚ ਉੱਤਰਾਇਣ ਦਾ ਤਿਉਹਾਰ ਸਰਦੀ ਦੇ ਜਾਣ ਤੇ ਬਸੰਤ ਦੇ ਆਉਣ ਦਾ ਤਿਉਹਾਰ ਹੈ।

Image copyright Kalpit Bhachech

ਗੁਜਰਾਤ ਵਿੱਚ ਉੱਤਰਾਇਣ ਮੌਕੇ ਆਤਿਸ਼ਬਾਜੀਆਂ ਤੇ ਚੀਨੀ ਲਾਲਟੈਣਾਂ ਨਾਲ ਰੌਸ਼ਨ ਆਕਾਸ਼ ਦਾ ਦ੍ਰਿਸ਼।

ਜ਼ਿਕਰਯੋਗ ਹੈ ਕਿ ਇਨ੍ਹਾਂ ਲਾਲਟੈਣਾਂ ਉੱਪਰ ਸੂਬਾ ਸਰਕਾਰ ਦੀ ਲਾਈ ਪਾਬੰਦੀ ਦੇ ਬਾਵਜੂਦ ਇਹ ਆਕਾਸ਼ ਵਿੱਚ ਨਜ਼ਰ ਆਈਆਂ।

Image copyright Murugavel

ਚੇਨਈ ਦਾ ਢਾਈ ਸਾਲਾ ਬੱਚਾ ਸਨੁਸ਼ ਸੁਰਿਆਦੇਵ ਦਾ ਨਾਮ ਦੇਸ ਦੇ ਸਭ ਤੋਂ ਘੱਟ ਉਮਰ ਦੇ ਕ੍ਰਿਕੇਟ ਖਿਡਾਰੀ ਵਜੋਂ ਦਰਜ ਹੋਇਆ ਹੈ।

ਤਸਵੀਰ ਵਿੱਚ ਸਨੁਸ਼ ਕ੍ਰਿਕੇਟ ਖਿਡਾਰੀ ਮਹਿੰਦਰ ਸਿੰਘ ਧੋਨੀ ਦੇ ਨਾਲ ਨਜ਼ਰ ਆ ਰਿਹਾ ਹੈ।

ਇਹ ਤਸਵੀਰ ਅਵਾਨੀਪੁਰਮ ਦੇ ਜਲੀਕੱਟੂ ਤਿਉਹਾਰ ਦੇ ਮੌਕੇ ਲਈ ਗਈ। ਜਲੀਕੱਟੂ ਨੂੰ ਤਮਿਲ ਲੋਕਾਂ ਵਿੱਚ ਪੋਂਗਲ ਦੇ ਹਿੱਸੇ ਵਜੋਂ ਮਨਾਇਆ ਜਾਂਦਾ ਹੈ।

ਇਸ ਵਾਰ ਇਹ ਜਸ਼ਨ ਤਾਮਿਲਨਾਡੂ ਵਿੱਚ ਵੱਡੇ ਪੱਧਰ ̓ਤੇ ਮਨਾਇਆ ਗਿਆ। ਇਸ ਸਮਾਗਮ ਵਿੱਚ ਹਜ਼ਾਰਾਂ ਸਾਨ੍ਹਾਂ ਤੇ ਖਿਡਾਰੀਆਂ ਨੇ ਹਿੱਸਾ ਲਿਆ। ਚਾਰ ਖਿਡਾਰੀਆਂ ਦੀ ਮੌਤ ਵੀ ਹੋਈ।

Image copyright NOAH SEELAM/AFP/Getty Images

ਤੇਲੰਗਾਨਾ ਸਰਕਾਰ ਵੱਲੋਂ ਮਾਂ ਬਣਨ ਵਾਲੀਆਂ ਔਰਤਾਂ ਨੂੰ ਹਸਪਤਾਲ ਲਿਜਾਣ ਤੇ ਲਿਆਉਣ ਲਈ ਵਿਸ਼ੇਸ਼ ਗੱਡੀਆਂ ਚਲਾਈਆਂ ਗਈਆਂ ਹਨ।

ਇਸ ਦਾ ਮਕਸਦ ਪੇਂਡੂ ਖੇਤਰਾਂ ਵਿੱਚ ਜਣੇਪਾ ਸੇਵਾਵਾਂ ਵਿੱਚ ਸੁਧਾਰ ਕਰਨਾ ਹੈ। ਇਸ ਸੇਵਾ ਦੇ ਉਦਘਾਟਨ ਮੌਕੇ ਸੂਬੇ ਦੀਆਂ ਸਿਹਤ ਕਰਮੀ ਗੱਡੀ ਵਿੱਚ ਬੈਠੀਆਂ ਹੋਈਆਂ।

ਹਾਲਾਂਕਿ ਮੁਰਗਿਆਂ ਦੀ ਲੜਾਈ 'ਤੇ ਪਾਬੰਦੀ ਹੈ ਪਰ ਆਂਧਰਾ ਪ੍ਰਦੇਸ਼ ਦੇ ਤੱਟੀ ਜ਼ਿਲ੍ਹਿਆਂ ਵਿੱਚ ਇਹ ਲੜਾਈਆਂ ਕਰਵਾਈਆਂ ਗਈਆਂ।

ਉਤਸਵ ਮੌਕੇ ਕਰੋੜਾਂ ਰੁਪਏ ਦੀਆਂ ਸ਼ਰਤਾਂ ਵੀ ਲਾਈਆਂ ਗਈਆਂ।

Image copyright NARINDER NANU/AFP/Getty Images

ਪੰਜਾਬ ਪੁਲਿਸ (ਭਾਰਤੀ) ਦੇ ਜਵਾਨ ਗਣਤੰਤਰ ਦਿਵਸ ਦੇ ਅਭਿਆਸ ਮੌਕੇ ਅੰਮ੍ਰਿਤਸਰ ਵਿੱਚ ਪਰੇਡ ਕਰਦੇ ਹੋਏ। ਇਹ ਤਸਵੀਰ 19 ਜਨਵਰੀ ਨੂੰ ਲਈ ਗਈ।

Image copyright Khushal Lali/BBC

ਪੰਜਾਬ ਦਾ ਰਵਾਇਤੀ ਚੁੱਲ੍ਹਾ ਜੋ ਕਿ ਹਾਲੇ ਵੀ ਕਈ ਥਾਵਾਂ ̓ਤੇ ਵਰਤਿਆ ਜਾਂਦਾ ਹੈ।

Image copyright HRISHI SATHAVANE

44 ਸਾਲਾ ਹਰਿਸ਼ੀ ਨੇ ਆਪਣੇ ਵਿਆਤਨਾਮੀ ਦੋਸਤ ਵਿਨੇ ਨਾਲ ਹਮ ਜਿਨਸੀ ਵਿਆਹ ਕਰਵਾਇਆ ਹੈ।

ਇਹ ਭਾਰਤ ਦਾ ਪਹਿਲਾ ਅਜਿਹਾ ਵਿਆਹ ਹੈ। ਇਸ ਵਿਆਹ ਯਵਤਮਾਲ ਵਿੱਚ ਮਹਾਰਾਸ਼ਟਰੀ ਰੀਤੀ-ਰਿਵਾਜਾਂ ਨਾਲ ਨੇਪਰੇ ਚੜ੍ਹਿਆ।

Image copyright Chabad.org

ਮੁੰਬਈ ਦੇ 26/11 ਹਮਲੇ ਵਿੱਚ ਆਪਣੇ ਮਾਪੇ ਖੋਣ ਵਾਲਾ ਮੋਸ਼ੇ ਹੋਲਸਟਬਰਗ। ਮੋਸ਼ੇ ਮੰਗਲਵਾਰ ਨੂੰ ਪਹਿਲੀ ਵਾਰ ਨਰਿਮਨ ਹਾਊਸ ਗਿਆ।ਹਾਦਸੇ ਸਮੇਂ ਮੋਸ਼ੇ ਦੋ ਸਾਲ ਦਾ ਸੀ।

(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTERਅਤੇ YouTube 'ਤੇ ਜੁੜੋ।)