ਸੋਸ਼ਲ: ਵਿੱਕੀ ਗੌਂਡਰ ਦੇ ਪੁਲਿਸ ਮੁਕਾਬਲੇ 'ਤੇ ਕੀ ਨੇ ਉਸਦੇ ਮਿੱਤਰਾਂ ਅਤੇ ਦੁਸ਼ਮਣਾਂ ਦੇ ਪ੍ਰਤੀਕਰਮ

Police firing Image copyright Getty Images
ਫੋਟੋ ਕੈਪਸ਼ਨ ਸੰਕੇਤਕ ਤਸਵੀਰ

ਪੁਲਿਸ ਮੁਕਾਬਲੇ ਵਿੱਚ ਮਾਰੇ ਗਏ ਗੈਂਗਸਟਰ ਵਿੱਕੀ ਗੌਂਡਰ ਦੀ ਖ਼ਬਰ ਜਿਵੇਂ ਹੀ ਆਈ ਸੋਸ਼ਲ ਮੀਡੀਆ ਉੱਤੇ ਵੀ ਪ੍ਰਤੀਕਰਮ ਆਉਣੇ ਸ਼ੁਰੂ ਹੋ ਗਏ। ਖੁਦ ਵਿੱਕੀ ਗੌਂਡਰ ਦੇ ਅਕਾਉਂਟ ਤੋਂ ਇੱਕ ਪੋਸਟ ਪਾਈ ਗਈ ਹੈ।

ਹਾਲਾਂਕਿ ਵਿਕੀ ਗੌਂਡਰ ਦੇ ਨਾਂ ਤੋਂ ਕਈ ਫੇਸਬੁੱਕ ਅਕਾਊਂਟ ਬਣੇ ਹੋਏ ਹਨ।

ਕੌਣ ਸੀ ਖ਼ਤਰਨਾਕ ਗੈਂਗਸਟਰ ਵਿੱਕੀ ਗੌਂਡਰ?

ਕਿਵੇਂ ਗੈਂਗਸਟਰ ਬਣਦੇ ਹਨ ਇਹ ਪੰਜਾਬੀ ਮੁੰਡੇ?

ਇਨ੍ਹਾਂ 'ਚੋਂ ਵਿੱਕੀ ਗੌਂਡਰ ਸਰਾਂਵਾ ਬੋਦਲਾ ਦੇ ਅਕਾਉਂਟ ਤੋਂ ਪੋਸਟ ਕੀਤਾ ਗਿਆ, "ਸਾਡੇ ਸ਼ੇਰਾ ਖੁੰਬਣ ਗਰੁੱਪ ਦਾ ਵੱਡਾ ਵੀਰ ਵਿੱਕੀ ਗੌਂਡਰ ਸਾਡੇ ਵਿੱਚ ਨਹੀਂ ਰਿਹਾ। ਬਹੁਤ ਹੀ ਦੁੱਖ ਦੀ ਗੱਲ ਹੈ। ਸਾਡੇ ਗਰੁੱਪ ਦਾ ਇਹ ਘਾਟਾ ਕਦੇ ਪੂਰਾ ਨਹੀਂ ਹੋ ਸਕਦਾ। ਮੇਰਾ ਭਰਾ ਪ੍ਰੇਮਾ ਲਾਹੌਰੀਆ ਵੀ ਨਹੀਂ ਰਿਹਾ।"

Image copyright Facebook/BBC/Vicky Gounder Sarawn Bodla

ਜਸਪਾਲ ਮਹਿਤਾ ਨਾਂ ਦੇ ਫੇਸਬੁੱਕ ਅਕਾਉਂਟ ਤੋਂ ਪੋਸਟ ਕੀਤਾ ਗਿਆ, "ਆਪਣਾ ਵੀਰ ਵਿੱਕੀ ਗੌਂਡਰ ਜੋ ਕਿ ਇਸ ਦੁਨੀਆਂ ਵਿੱਚ ਨਹੀਂ ਰਿਹਾ ਉਸ ਦੀ ਆਤਮਾ ਦੀ ਸ਼ਾਂਤੀ ਲਈ ਵਾਹਿਗੁਰੂ ਜ਼ਰੂਰ ਲਿਖੋ।"

Image copyright Facebook/BBC/Jaspal Mehta

ਇੱਕ ਹੋਰ ਗੈਂਗਸਟਰ ਸੁੱਖਾ ਕਾਹਲੋਂ ਸ਼ਾਰਪ ਸ਼ੂਟਰ, ਜਿਸ ਨੂੰ ਕਤਲ ਕਰਨ ਦਾ ਦੋਸ਼ ਵਿੱਕੀ ਗੌਡਰ ਉੱਤੇ ਲੱਗਿਆ ਸੀ , ਦੇ ਫੇਸਬੁੱਕ ਅਕਾਉਂਟ ਤੋਂ ਵੀ ਇੱਕ ਪੋਸਟ ਪਾਈ ਗਈ। ਇਸ ਪੋਸਟ ਵਿੱਚ ਖੁਸ਼ੀ ਜ਼ਾਹਿਰ ਕੀਤੀ ਗਈ ਕਿ ਵਿੱਕੀ ਗੌਂਡਰ ਪੁਲਿਸ ਹੱਥੋਂ ਮਾਰਿਆ ਗਿਆ ਹੈ। ਪੋਸਟ ਵਿੱਚ ਉਸ ਲਈ ਬਹੁਤ ਹੀ ਭੱਦੀ ਸ਼ਬਦਾਵਲੀ ਵਰਤੀ ਗਈ ਹੈ। ਜਿਸ ਨੂੰ ਰਿਪੋਰਟ ਵਿੱਚੋਂ ਕੱਢ ਦਿੱਤਾ ਗਿਆ ਹੈ।

Image copyright Facebook/BBC/Sukha khalon sharp shooter

ਇਸ ਤੋਂ ਬਾਅਦ ਇਸੇ ਪੋਸਟ ਉੱਤੇ ਕਈ ਪ੍ਰਤੀਕਰਮ ਆਏ। ਕਈ ਪ੍ਰਤੀਕਰਮ ਖੁਸ਼ੀ ਜ਼ਾਹਿਰ ਕਰਨ ਵਾਲੇ ਹਨ ਕਿ ਵਿੱਕੀ ਗੌਂਡਰ ਮਾਰਿਆ ਗਿਆ ਹੈ। ਸੁਖਵਿੰਦਰ ਸਿੰਘ ਸੇਖੋਂ ਨੇ ਲਿਖਿਆ, "ਗੈਂਗਸਟਰਾਂ ਨੂੰ ਪੈਦਾ ਕਰਨ ਲਈ ਕੌਣ ਜ਼ਿੰਮੇਵਾਰ-ਖੁਦ ਫੁੱਕਰਾਪਣਾ, ਸਿਆਸਤਦਾਨ, ਸਾਡੇ ਸਮਾਜ ਲੋਕ।"

Image copyright Inderjeet Kaur

ਜਿੱਪੀ ਸਿੱਧੂ ਫੇਸਬੁੱਕ ਅਕਾਊਂਟ ਤੋਂ ਇੱਕ ਪੋਸਟ ਪਾਈ ਗਈ ਜਿਸ ਵਿੱਚ ਉਨ੍ਹਾਂ ਸਪਸ਼ਟ ਕੀਤਾ ਕਿ ਕੋਈ ਵੀ ਇਹ ਨਾ ਸੋਚੇ ਕਿ ਉਹ ਵਿੱਕੀ ਗੌਂਡਰ ਤੇ ਉਸ ਦੇ ਸਾਥੀਆਂ ਦੀ ਹਮਾਇਤ ਕਰ ਰਿਹਾ ਹੈ, ਪਰ ਉਹ ਇਨ੍ਹਾਂ ਤਿੰਨਾਂ ਗੈਂਗਸਟਰਾਂ ਦੀਆਂ ਮਾਵਾਂ ਤੇ ਰਿਸ਼ਤੇਦਾਰਾਂ ਬਾਰੇ ਫਿਕਰ ਕਰ ਰਿਹਾ ਹੈ, ਜੋ ਇਸ ਵੇਲੇ ਬਜ਼ੁਰਗ ਹੋ ਗਏ ਹੋਣਗੇ। ਜੋ ਵੀ ਹੋਇਆ ਮਾੜਾ ਹੀ ਹੋਇਆ ਹੈ।

Image copyright Facebook/BBC/Jippy Sidhu

ਮੁਸਕਾਨ ਗਰੇਵਾਲ ਨੇ ਫੇਸਬੁੱਕ ਪੋਸਟ ਪਾਈ, "ਹੁਣ ਪੰਜਾਬ ਦੇ ਮੁੰਡਿਆਂ ਨੂੰ ਇਨ੍ਹਾਂ ਸਰਕਾਰਾਂ ਤੋਂ ਬਚ ਜਾਣਾ ਚਾਹੀਦਾ ਹੈ ਕਿਉਂ ਚਾਰ ਦਿਨ ਦੀ ਫੋਕੀ ਚੌਧਰ ਪਿੱਛੇ ਆਪਣੇ ਮਾਂ-ਪਿਓ ਦੇ ਬੁਢਾਪੇ ਦਾ ਖਿਆਲ ਨਹੀਂ ਕਰਦੇ।"

Image copyright Facebook/BBC/Muskan Grewal

ਮੀਡੀਆ ਵਿੱਚ ਵਿੱਕੀ ਗੌਂਡਰ ਤੇ ਉਸ ਦੇ ਉਸ ਦੇ ਸਾਥੀ ਪ੍ਰੇਮਾ ਲਾਹੌਲਰੀਆ ਦੀ ਮੌਤ ਦੀਆਂ ਖ਼ਬਰਾਂ ਆਈਆਂ ਤਾਂ ਕਈ ਲੋਕਾਂ ਦੇ ਕਮੈਂਟ ਆਏ।

ਹਰਪ੍ਰੀਤ ਸਿੰਘ ਨੇ ਕਮੈਂਟ ਕੀਤਾ, "ਕੁਝ ਲੋਕ ਕਹਿ ਰਹੇ ਹਨ ਕਿਸੇ ਦਾ ਪੁੱਤ ਸੀ, ਜਿਹੜੇ ਵਿੱਕੀ ਨੇ ਮਾਰੇ ਉਹ ਵੀ ਕਿਸੇ ਦੇ ਪੁੱਤ ਸੀ।"

Image copyright BBC/Facebook

ਪ੍ਰੀਤ ਪ੍ਰੀਤ ਨਾਂ ਦੇ ਇੱਕ ਫੇਸਬੁੱਕ ਅਕਾਉਂਟ ਤੋਂ ਕਮੈਂਟ ਕੀਤਾ ਗਿਆ, "ਦੁੱਖ ਦੀ ਗੱਲ।"

(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTERਅਤੇ YouTube 'ਤੇ ਜੁੜੋ।)