ਸੋਸ਼ਲ: ਟਾਇਟਲਰ ਉੱਤੇ ਸੁਖਬੀਰ ਤੇ ਕੈਪਟਨ ਦੀਆਂ ਟਿੱਪਣੀਆਂ ਬਾਬਤ ਕੀ ਕਹਿਦੇ ਨੇ ਲੋਕ

ਸੁਖਬੀਰ ਬਾਦਲ ਜਗਦੀਸ਼ ਟਾਈਟਲਰ ਕੈਪਟਨ ਅਮਰਿੰਦਰ ਸਿੰਘ Image copyright Getty Images

ਜਗਦੀਸ਼ ਟਾਈਟਲਰ ਨੇ ਇੱਕ ਨਿੱਜੀ ਨਿਊਜ਼ ਚੈਨਲ ਨਾਲ ਗੱਲਬਾਤ ਦੌਰਾਨ ਕਿਹਾ ਸੀ ਕਿ ਉਹ 1984 ਦੇ ਸਿੱਖ ਵਿਰੋਧੀ ਦੰਗਿਆਂ ਦੌਰਾਨ ਤਤਕਾਲੀ ਪ੍ਰਧਾਨ ਮੰਤਰੀ ਰਾਜੀਵ ਗਾਂਧੀ ਨਾਲ ਬਚਾਅ ਕਾਰਜਾਂ ਦਾ ਜਾਇਜ਼ਾ ਲੈਣ ਦਿੱਲੀ ਦੇ ਕਈ ਇਲਾਕਿਆਂ ਵਿੱਚ ਗਏ ਸਨ।

ਇਸ ਤੋਂ ਬਾਅਦ ਪੰਜਾਬ ਦੇ ਸਾਬਕਾ ਉਪ ਮੁੱਖ ਮੰਤਰੀ ਸੁਖਬੀਰ ਬਾਦਲ ਨੇ ਟਿੱਪਣੀ ਕੀਤੀ ਕਿ ਤਤਕਾਲੀ ਪ੍ਰਧਾਨ ਮੰਤਰੀ ਤਾਂ ਖ਼ੁਦ ਸਿੱਖ ਵਿਰੋਧੀ ਕਤਲੇਆਮ ਦੀ ਨਜ਼ਰਸਾਨੀ ਕਰ ਰਹੇ ਸਨ। ਇਸ ਬਿਆਨ ਉੱਤੇ ਉਨ੍ਹਾਂ ਸੀਬੀਆਈ ਨੂੰ ਸਖ਼ਤ ਨੋਟਿਸ ਲੈਣ ਅਤੇ ਸਾਬਕਾ ਪ੍ਰਧਾਨ ਮੰਤਰੀ ਮਰਹੂਮ ਰਾਜੀਵ ਗਾਂਧੀ ਦੇ ਰੋਲ ਦੀ ਜਾਂਚ ਕਰਨ ਦੀ ਮੰਗ ਕੀਤੀ।

ਦੂਜੇ ਪਾਸੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਜਦਦੀਸ਼ ਟਾਇਟਲਰ ਦੇ ਬਿਆਨ ਨੂੰ ਰੱਦ ਕਰਦਿਆਂ ਕਿਹਾ ਕਿ ਇਹ ਸਭ ਸੱਚ ਨਹੀਂ ਹੈ।

ਅਸੀਂ ਅਚਾਨਕ ਖਾਨਾਬਦੋਸ਼ ਹੋ ਗਏ: ਅਰਪਣਾ ਕੌਰ

ਗੁਰਦੁਆਰਿਆਂ 'ਚ ਪਾਬੰਦੀ ਕਿੰਨੀ ਸਹੀ, ਕਿੰਨੀ ਗਲਤ?

ਸਿੱਖਾਂ ਦੀ ਵੱਖਰੀ ਪਛਾਣ ਵਾਲੀ ਸੁਖਬੀਰ ਦੀ ਮੰਗ ਦਾ ਸੱਚ

ਟਾਈਮਜ਼ ਆਫ਼ ਇੰਡੀਆ ਨੇ ਇਹ ਖ਼ਬਰ ਪ੍ਰਕਾਸ਼ਿਤ ਕੀਤੀ ਜੋ ਗੂਗਲ 'ਤੇ ਟਰੈਂਡ ਕਰ ਰਹੀ ਹੈ।

ਇਸ ਖ਼ਬਰ 'ਤੇ ਲੋਕਾਂ ਨੇ ਬਹੁਤ ਸਾਰੀਆਂ ਦਿਲਚਸਪ ਟਿੱਪਣੀਆਂ ਕੀਤੀਆ ਹਨ। ਉਨ੍ਹਾਂ ਟਿੱਪਣੀਆਂ ਵਿੱਚੋਂ ਕੁੱਝ ਅਸੀਂ ਇੱਥੇ ਪੇਸ਼ ਕਰ ਰਹੇ ਹਾਂ:

ਪ੍ਰਕਾਸ਼ ਨਾਮ ਵਰਤਣ ਵਾਲੇ ਨੇ ਲਿਖਿਆ ਕਿ ਅਮਰਿੰਦਰ ਤਾਂ ਇਹ ਸਭ ਨੂੰ ਨਕਾਰਨਗੇ ਹੀ, ਉਹ ਭਲਾ ਕਿਉਂ ਨਹੀਂ ਨਕਾਰਨਗੇ? ਪਰ ਸੁਖਬੀਰ ਬਾਦਲ ਹੁਣ ਕਿਉਂ ਬੋਲ ਰਹੇ ਹਨ? ਦਸ ਸਾਲ ਸਰਕਾਰ ਵਿੱਚ ਰਹਿੰਦਿਆਂ ਉਨ੍ਹਾਂ ਨੇ ਇਸ ਦੀ ਜਾਂਚ ਕਿਉਂ ਨਹੀਂ ਕਰਵਾਈ ਜਾਂ ਉਨ੍ਹਾਂ ਨੇ ਕੋਸ਼ਿਸ਼ ਕੀਤੀ ਸੀ ਪਰ ਮਨਮੋਹਨ ਸਰਕਾਰ ਨੇ ਨਹੀਂ ਹੋਣ ਦਿੱਤੀ?

Image copyright TOI Web Site

ਪਿਅੰਕੀ ਬੈਨਰਜੀ ਨੇ ਲਿਖਿਆ ਹੈ ਕਿ ਉਨ੍ਹਾਂ ਨੂੰ ਖੁਸ਼ੀ ਹੈ ਕਿ ਸਿੱਖਾਂ ਨਾਲ ਵਾਪਰੀਆਂ 1984 ਦੀਆਂ ਮੰਦਭਾਗੀਆਂ ਘਟਨਾਵਾਂ ਨਾਲ ਸਮਝੌਤਾ ਕਰ ਕੇ ਅੱਗੇ ਵਧ ਰਹੇ ਹਨ ਪਰ ਮੈਨੂੰ ਇਹ ਗੱਲ ਤਕਲੀਫ਼ ਦਿੰਦੀ ਹੈ ਕਿ ਸੁਖਬੀਰ ਵਰਗੇ ਆਗੂ ਸਿਆਸੀ ਲਾਭ ਲਈ ਧਾਰਮਿਕ ਭਾਵਨਾਵਾਂ ਭੜਕਾਉਂਦੇ ਹਨ ਤੇ ਅਮਰਿੰਦਰ ਵਰਗੇ ਅਜਿਹੇ ਬਿਆਨਾਂ ਨੂੰ ਨਕਾਰ ਦਿੰਦੇ ਹਨ।

ਅਸੀਂ ਇੱਕ ਵਾਰ ਸਹਿਮਤ ਕਿਉਂ ਨਹੀਂ ਹੋ ਜਾਂਦੇ ਕਿ ਇਹ ਦੰਗੇ ਕਾਂਗਰਸ ਨੇ ਕਰਵਾਏ ਇਸ ਦੇ ਆਗੂਆਂ ਨੇ ਇਨ੍ਹਾਂ ਦੀ ਨਿਗਰਾਨੀ ਕੀਤੀ। ਹੁਣ, ਇਸ ਗੱਲ ਨਾਲ ਕੀ ਫ਼ਰਕ ਪੈਂਦਾ ਕਿ ਰਾਜੀਵ ਗਾਂਧੀ ਉੱਤਰੀ ਕਿ ਦੱਖਣੀ ਦਿੱਲੀ ਵਿੱਚ ਘੁੰਮ ਕੇ ਇਹ ਕੰਮ ਕਰਵਾਇਆ ਜਾਂ ਘਰ ਬੈਠ ਕੇ ਅਪਡੇਟ ਲਈ।

Image copyright TOI Web Site

ਕੇ ਨਾਮ ਦੇ ਵਾਲੇ ਇੱਕ ਸ਼ਖਸ਼ ਨੇ ਲਿਖਿਆ ਕਿ ਇਸ ਗੱਲ ਦੀ ਸੀਬੀਆਈ ਨੂੰ ਜਾਂਚ ਕਰਨੀ ਚਾਹੀਦੀ ਹੈ ਕਿ ਬਾਦਲਾਂ ਦੀ ਪੰਜਾਬ ਨੂੰ ਨਸ਼ੇੜੀ ਸੂਬਾ ਬਣਾਉਣ ਵਿੱਚ ਕੀ ਭੂਮਿਕਾ ਹੈ ... ਕੋਲ ਐਨਾ ਪੈਸਾ, ਵਪਾਰ ਕਿੱਥੋਂ ਆਇਆ ਤੇ ਪੰਜਾਬ ਵਿੱਚ ਜੁਰਮ ਨੂੰ ਉਤਸ਼ਾਹਿਤ ਕਿਵੇਂ ਕੀਤਾ।

Image copyright TOI Web Site

ਬਰਿਜ ਵਾਈ ਨੇ ਲਿਖਿਆ ਕਿ ਇੱਕ ਦਹਾਕੇ ਤੱਕ ਗੁਜਰਾਤ ਦੰਗੇ ਵਰਤੇ। ਉਸੇ ਤਰ੍ਹਾਂ ਐਨਡੀਏ 1984 ਨੂੰ ਮਰਨ ਦੇਵੇਗਾ ਤੇ ਐਮਰਜੈਂਸੀ ਦਾ ਸਮਾਂ ਯਾਦ ਕਰਵਾਉਂਦਾ ਰਹੇਗਾ। ਇਹ ਤਾਂ ਪ੍ਰਤੱਖ ਹੈ ਕਿ 1984 ਕਿਤੇ ਵੱਡਾ ਸੀ ਤੇ ਦੇਸ ਵਿਆਪੀ ਕਤਲੇਆਮ ਸੀ।

Image copyright TOI Web Site

ਅਭਿਸ਼ੇਕ ਨੇ ਲਿਖਿਆ ਕਿ ਕੀ ਸੁਖਬੀਰ ਨੂੰ ਸ਼ਰਮ ਨਹੀਂ ਆਉਂਦੀ? ਇੱਕ ਸਿੱਖ ਨੇ ਉਸੇ ਦੀ ਜਾਨ ਲਈ ਜਿਸ ਦੀ ਰਾਖੀ ਲਈ ਉਹ ਜ਼ਿੰਮੇਵਾਰ ਸੀ। ਇੰਦਰਾ ਗਾਂਧੀ ਨੂੰ ਸਲਾਹ ਦਿੱਤੀ ਗਈ ਸੀ ਕਿ ਉਹ ਆਪਣੇ ਦਸਤੇ ਵਿੱਚੋਂ ਸਿੱਖ ਹਟਾ ਦੇਵੇ ਪਰ ਉਨ੍ਹਾਂ ਨੂੰ ਭਰੋਸਾ ਸੀ ਕਿ ਕੋਈ ਸਿੱਖ ਉਸ ਵਿਅਕਤੀ ਦੀ ਜਾਨ ਬਚਾਉਣ ਲਈ ਆਪਣੀ ਜਾਨ ਵੀ ਵਾਰ ਦੇਵੇਗਾ।

Image copyright TOI Web Site

ਅਸ਼ੋਕ ਮਹਿਤਾ ਨੇ ਕਿਹਾ ਕਿ ਕੋਈ ਖ਼ਾਲਿਸਤਾਨ ਲਹਿਰ ਦੌਰਾਨ ਮਾਰੇ ਗਏ ਬੇਕਸੂਰ ਹਿੰਦੂਆਂ ਦੀ ਗੱਲ ਕਿਉਂ ਨਹੀਂ ਕਰਦਾ।

Image copyright TOI Web Site

ਸਤੀਸ਼ ਸ਼ਰਮਾ ਨੇ ਲਿਖਿਆ ਕਿ 1984 ਦੇ ਹਿੰਦੂ-ਸਿੱਖ ਦੰਗੇ ਪਾਕਿਸਤਾਨ ਦੇ ਸਹਿਯੋਗ ਨਾਲ ਪੰਜਾਬ ਵਿੱਚ ਖਾਲਿਸਤਾਨੀ ਅੱਤਵਾਦ ਜੋ ਇੰਦਰਾ ਗਾਂਧੀ ਨੂੰ ਮਾਰ ਕੇ ਭਾਰਤ ਨੂੰ ਵੰਡਣ ਤੇ 1971 ਦੀ ਬੰਗਲਾਦੇਸ਼ ਲੜਾਈ ਦੀ ਹਾਰ ਦਾ ਬਦਲਾ ਲੈਣ ਦੀ ਨੀਤੀ ਦਾ ਨਤੀਜਾ ਸਨ। ਇਹ ਪਾਕਿਸਤਾਨ ਦੀ ਭਾਰਤ ਨੂੰ ਅਸਥਿਰ ਕਰਨ ਦੀ ਯੋਜਨਾ ਸੀ।

Image copyright TOI Web Site

ਸ਼ਿਵ ਮਿਸ਼ਰਾ ਨੇ ਲਿਖਿਆ ਕਿ ਜਦੋਂ ਦੰਗੇ ਹੋ ਰਹੇ ਸਨ ਉਸ ਸਮੇਂ ਬਾਦਲ ਕਿੱਥੇ ਸੀ?

Image copyright TOI Web Site

ਸੁਖਬੀਰ ਨੇ ਕੀਤੀ ਕੇਂਦਰ ਸਰਕਾਰ ਦੀ ਨਿਖੇਧੀ

ਜਗਮੀਤ ਖ਼ਿਲਾਫ਼ ਕਾਂਗਰਸ ਤੇ ਭਾਜਪਾ ਹੋਏ ਇੱਕਸੁਰ

(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTERਅਤੇ YouTube 'ਤੇ ਜੁੜੋ।)