ਕੋਲਕਾਤਾ: ਕਿਵੇਂ ਬਦਲ ਰਹੀ ਹੈ ਏਸ਼ੀਆ ਦੇ ਸਭ ਤੋਂ ਵੱਡੇ ਰੈਡ ਲਾਈਟ ਇਲਾਕੇ ਦੀ ਨੁਹਾਰ?

ਕੋਲਕਾਤਾ Image copyright EPA/PIYAL ADHIKARY

ਪੱਛਮੀ ਬੰਗਾਲ ਦੇ ਕੋਲਕਾਤਾ ਸ਼ਹਿਰ ਵਿੱਚ ਮੌਜੂਦ ਏਸ਼ੀਆ ਦੇ ਸਭ ਤੋਂ ਵੱਡੇ ਰੈਡ ਲਾਈਟ ਇਲਾਕੇ ਸੋਨਾਗਾਛੀ ਨੂੰ ਟ੍ਰਾਂਸਜੈਂਡਰ ਕਲਾਕਾਰ ਰੰਗੀਨ ਬਣਾ ਰਹੇ ਹਨ।

ਉਪਰ ਦਿਖ ਰਹੀ ਤਸਵੀਰ ਉਸ ਇਮਾਰਤ ਦੀ ਹੈ, ਜਿਸ ਵਿੱਚ ਸੈਕਸ ਵਰਕਰਾਂ ਦਾ ਕਾਪਰੈਟਿਵ ਚਲਾਇਆ ਜਾਂਦਾ ਹੈ।

ਇਸ ਇਮਾਰਤ ਦੀਆਂ ਕੰਧਾਂ 'ਤੇ ਰੰਗੀਨ ਪੇਂਟਿੰਗ ਬਣਾਈ ਗਈ ਹੈ।

Image copyright EPA/PIYAL ADHIKARY

ਕੋਲਕਾਤਾ (ਪਹਿਲਾਂ ਇਸ ਸ਼ਹਿਰ ਨੂੰ ਕਲਕੱਤਾ ਕਿਹਾ ਜਾਂਦਾ ਸੀ) ਸ਼ਹਿਰ ਦੇ ਵਿਚਕਾਰ ਮੌਜੂਦ ਤੰਗ ਗਲੀਆਂ ਨਾਲ ਭਰੇ ਸੋਨਾਗਾਛੀ ਨੂੰ ਵੇਸਵਾ ਗਮਨੀ ਦਾ ਸਭ ਤੋਂ ਵੱਡਾ ਇਲਾਕਾ ਕਿਹਾ ਜਾਂਦਾ ਹੈ।

ਇਥੇ ਕਰੀਬ 11 ਹਜ਼ਾਰ ਸੈਕਸ ਕਰਮੀਆਂ ਦਾ ਘਰ ਹੈ।

Image copyright EPA/PIYAL ADHIKARY

ਟ੍ਰਾਂਸਜੈਂਡਰ ਕਲਾਕਾਰਾਂ ਨੇ ਬੰਗਲੁਰੂ ਸਥਿਤ ਆਰਟ ਸਮੂਹ ਨਾਲ ਮਿਲ ਕੇ ਸੈਕਸ ਕਰਮੀਆਂ ਦੇ ਹੱਕਾਂ ਅਤੇ ਔਰਤਾਂ ਖ਼ਿਲਾਫ਼ ਹਿੰਸਾ ਰੋਕਣ ਲਈ ਚਲਾਈ ਗਈ ਜਾਗਰੂਕਤਾ ਮੁਹਿੰਮ ਦੇ ਤਹਿਤ ਇਮਾਰਤਾਂ ਨੂੰ ਨਵੀਂ ਦਿੱਖ ਦੇਣਾ ਸ਼ੁਰੂ ਕੀਤਾ।

ਇਮਾਰਤਾਂ 'ਤੇ ਤਸਵੀਰਾਂ ਬਣਾਉਣ ਲਈ ਕਰੀਬ ਇੱਕ ਹਫਤੇ ਦਾ ਸਮਾਂ ਲੱਗਾ।

Image copyright EPA/PIYAL ADHIKARY

ਇੱਥੇ ਮੌਜੂਦ ਜ਼ਿਆਦਾਤਰ ਇਮਾਰਤਾਂ ਦੀ ਹਾਲਤ ਖ਼ਰਾਬ ਹੈ ਅਤੇ ਕਿਤੇ ਕਿਤੇ ਇਨ੍ਹਾਂ ਦੀਆਂ ਕੰਧਾਂ ਨੇੜਲੇ ਘਰਾਂ ਨਾਲ ਜੁੜੀਆਂ ਹੋਈਆਂ ਵੀ ਹਨ।

ਇਨ੍ਹਾਂ ਦੇ ਨਾਲ ਲਗਦੇ ਘਰਾਂ ਦੀਆਂ ਕੰਧਾਂ 'ਤੇ ਵੀ ਤਸਵੀਰਾਂ ਬਣਾਈਆਂ ਗਈਆਂ ਹਨ।

ਮੁਹਿੰਮ ਤਹਿਤ ਅਜੇ ਇਲਾਕੇ ਦੀਆਂ ਹੋਰ ਕੰਧਾਂ 'ਤੇ ਵੀ ਰੰਗੀਨ ਤਸਵੀਰਾਂ ਬਣਾਈਆਂ ਜਾਣਗੀਆਂ।

Image copyright EPA/PIYAL ADHIKARY

ਭਾਰਤ 'ਚ ਵੇਸਵਾ ਗਮਨੀ ਅਜੇ ਵੀ ਵੱਡੀ ਸਮੱਸਿਆ ਬਣੀ ਹੋਈ ਹੈ।

ਇੱਕ ਅੰਦਾਜ਼ੇ ਤਹਿਤ ਭਾਰਤ 'ਚ ਕਰੀਬ 30 ਲੱਖ ਔਰਤਾਂ ਸੈਕਸ ਵਰਕਰ ਵਜੋਂ ਕੰਮ ਕਰਦੀਆਂ ਹਨ।

(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTERਅਤੇ YouTube 'ਤੇ ਜੁੜੋ।)