ਇਸ ਗਿਰਜਾਘਰ ਵਿੱਚ ਕਿਉਂ ਪੜ੍ਹੇ ਜਾਂਦੇ ਹਨ ਹਿੰਦੂ ਉਪਨਿਸ਼ਦ?

ਗਿਰਜਾਘਰ Image copyright Rahul Ransubhe/BBC

ਇਸਾਈ ਧਰਮ ਵਿੱਚ ਗੁੱਡ ਫਰਾਈਡੇਅ ਅਤੇ ਈਸਟਰ ਦੇ ਪਾਠ ਅਹਿਮ ਹੁੰਦੇ ਹਨ ਪਰ ਮਹਾਰਾਸ਼ਟਰ ਦੇ ਕੁਝ ਗਿਰਜਾਘਰਾਂ ਵਿੱਚ ਹਿੰਦੂਆਂ ਦੇ ਧਾਰਮਿਕ ਗ੍ਰੰਥ ਉਪਨਿਸ਼ਦ ਪੜ੍ਹੇ ਜਾ ਰਹੇ ਹਨ।

ਪਿਛਲੇ ਕੁਝ ਸਾਲਾਂ ਤੋਂ ਮੁੰਬਈ ਦੇ ਕੁਝ ਗਿਰਜਾਘਰਾਂ ਵਿੱਚ ਗੁੱਡ ਫਰਾਈਡੇਅ ਮੌਕੇ ਨਾਰਾਇਣ ਉਪਨਿਸ਼ਦ ਦਾ ਪਾਠ ਹੋ ਰਿਹਾ ਹੈ।

ਗਿਰਜਾਘਰ ਵਿੱਚ ਹੋਰ ਪਾਠਾਂ ਨਾਲ ਨਾਰਾਇਣ ਉਪਨਿਸ਼ਦ ਵੀ ਪੜ੍ਹਿਆ ਜਾ ਰਿਹਾ ਹੈ।

ਆਪਣੇ ਫੋਨ ਦੀ ਹੋਮ ਸਕਰੀਨ ’ਤੇ ਇੰਝ ਵੇਖੋ ਬੀਬੀਸੀ ਪੰਜਾਬੀ

ਨੇਪਾਲ 'ਚ ਪੈਦਾ ਹੋਇਆ ਭਾਰਤ ਦਾ 'ਪਿਸਟਲ ਕਿੰਗ'

ਇਹ ਕਦਮ 'ਸਵਾਧਿਆਏ' ਪਰਿਵਾਰ ਨੇ ਚੁੱਕਿਆ ਹੈ। ਇਹ ਇੱਕ ਹਿੰਦੂ ਅਧਿਆਤਮਕ ਸੰਸਥਾ ਹੈ।

ਇਸ ਸੰਸਥਾ ਦੇ ਮੈਂਬਰ ਗਿਰਜਾਘਰਾਂ ਵਿੱਚ ਨਾਰਾਇਣ ਉਪਨਿਸ਼ਦ ਦੇ ਪਾਠ ਪੜ੍ਹਦੇ ਹਨ।

ਨਾਰਾਇਣ ਉਪਨਿਸ਼ਦ ਵਿਸ਼ਵ ਸ਼ਾਂਤੀ ਦਾ ਸੁਨੇਹਾ ਦਿੰਦਾ ਹੈ। ਇਹ ਕਦਮ ਧਾਰਮਿਕ ਸਦਭਾਵਨਾ ਦਾ ਪ੍ਰਤੀਕ ਹੈ।

Image copyright RAHUL Ransubhe/BBC

ਅਮੋਦ ਦਾਤਰ ਸਵਾਧਿਆਏ ਪਰਿਵਾਰ ਦੇ ਮੈਂਬਰ ਹਨ।

ਉਨ੍ਹਾਂ ਕਿਹਾ, ''1991 ਵਿੱਚ ਪਾਂਡੂਰੰਗਸ਼ਾਸਤ੍ਰੀ ਅਥਾਵਾਲੇ ਨੇ ਇਸਦੀ ਸ਼ੁਰੂਆਤ ਕੀਤੀ ਸੀ। ਗੁੱਡ ਫਰਾਈਡੇਅ ਇਸਾਈਆਂ ਲਈ ਦੁੱਖ ਦੀ ਘੜੀ ਹੈ। ਉਨ੍ਹਾਂ ਦੇ ਦੁੱਖ ਦੇ ਪਲਾਂ ਵਿੱਚ ਅਸੀਂ ਉਨ੍ਹਾਂ ਦਾ ਸਾਥ ਦਿੰਦੇ ਹਾਂ।''

ਉਨ੍ਹਾਂ ਅੱਗੇ ਕਿਹਾ, ''ਨਾਰਾਇਣ ਉਪਨਿਸ਼ਦ ਵਿਸ਼ਨ ਸ਼ਾਂਤੀ ਦਾ ਸੁਨੇਹਾ ਦਿੰਦਾ ਹੈ। ਤੈਤਿਰਿਯਾ ਆਰਨਯਾਕਾ ਦਾ ਦਸਵਾਂ ਅਧਿਆਏ ਨਾਰਾਇਣ ਉਪਨਿਸ਼ਦ ਤੋਂ ਹੈ ਅਤੇ ਸੰਸਕ੍ਰਿਤ ਵਿੱਚ ਲਿਖਿਆ ਹੋਇਆ ਹੈ। ਇਸਾਈਆਂ ਨੂੰ ਇਸ ਤੋਂ ਕੋਈ ਪ੍ਰੇਸ਼ਾਨੀ ਨਹੀਂ, ਉਲਟਾ ਉਹ ਸਾਨੂੰ ਸਹਿਯੋਗ ਦਿੰਦੇ ਹਨ।''

ਉਪਨਿਸ਼ਦ ਦਾ ਸਾਰ

ਦਾਤਰ ਦੇ ਨਾਰਾਇਣ ਉਪਨਿਸ਼ਦ ਦੇ ਪਹਿਲੇ ਮੰਤਰ ਦਾ ਸਾਰ ਦੱਸਿਆ।

''ਨਾਰਾਇਣ ਦੇ ਹਜ਼ਾਰਾਂ ਸਿਰ ਅਤੇ ਬੇਅੰਤ ਅੱਖਾਂ ਹਨ ਜੋ ਦੁਨੀਆਂ ਦੀ ਭਲਾਈ ਲਈ ਕੇਂਦਰਿਤ ਹਨ, ਜੋ ਦੁਨੀਆਂ ਨੂੰ ਸਮੇਟੇ ਹੈ। ਇਸ ਲਈ ਉਸਦੀ ਪੂਜਾ ਹੋਣੀ ਚਾਹੀਦੀ ਹੈ। ਨਾਰਾਇਣ ਪਾਪ ਧੋਂਦਾ ਹੈ। ਉਹ ਰੱਬ ਹੈ ਪਰ ਸੰਸਾਰੀ ਚੀਜ਼ਾਂ ਨਾਲ ਵੀ ਜੁੜਿਆ ਹੈ। ਇਸ ਲਈ ਉਸਦੀ ਪੂਜਾ ਹੋਣੀ ਚਾਹੀਦੀ ਹੈ।''

ਇਸ ਮੰਤਰ ਨਾਲ ਪਾਠ ਸ਼ੁਰੂ ਹੁੰਦਾ ਹੈ।

Image copyright Rahul Ransubhe/BBC

ਗਿਰਜਾਘਰ ਦੇ ਪਾਦਰੀ ਫਰਾਂਸਿਸ ਡੀ ਬ੍ਰਿਟੋ ਨੇ ਬੀਬੀਸੀ ਮਰਾਠੀ ਨੂੰ ਦੱਸਿਆ, ''ਭਾਰਤ ਕਈ ਵਿਰਾਸਤਾਂ, ਭਾਸ਼ਾਵਾਂ ਅਤੇ ਧਰਮਾਂ ਦਾ ਦੇਸ਼ ਹੈ। ਹਰ ਕਿਸੇ ਦਾ ਪੂਜਾ ਕਰਨ ਦਾ ਤਰੀਕਾ ਵੱਖ ਹੈ। ਇਹੀ ਇਸ ਦੇਸ਼ ਦੀ ਸੁੰਦਰਤਾ ਹੈ ਪਰ ਇਸ ਨਾਲ ਦੋ ਧਰਮਾਂ ਵਿਚਾਲੇ ਦੁਸ਼ਮਨੀ ਨਹੀਂ ਹੋਣੀ ਚਾਹੀਦੀ।''

ਉਨ੍ਹਾਂ ਅੱਗੇ ਕਿਹਾ, ''ਇਸਦੇ ਲਈ ਇੱਕ ਦੂਜੇ ਨਾਲ ਮਿਲਕੇ ਖੁਸ਼ੀਆਂ ਸਾਂਝੀਆਂ ਕਰਨਾ ਜ਼ਰੂਰੀ ਹੈ। ਸਾਨੂੰ ਸਵਾਧਿਆਏ ਪਰਿਵਾਰ ਦੇ ਇਸ ਕਦਮ ਤੋਂ ਕੋਈ ਪ੍ਰੇਸ਼ਾਨੀ ਨਹੀਂ।''

''ਉਹ ਗੁੱਡ ਫਰਾਈਡੇਅ 'ਤੇ ਸਾਡੇ ਕੋਲ ਆਂਦੇ ਹਨ ਅਤੇ ਅਸੀਂ ਦਿਵਾਲੀ 'ਤੇ ਉਨ੍ਹਾਂ ਕੋਲ ਚਲੇ ਜਾਂਦੇ ਹਾਂ।''

ਗਾਂਧੀ ਦੇ ਧਰਮ ਬਾਰੇ ਤੁਸੀਂ ਜਾਣਦੇ ਹੋ?

ਕੀ ਭਾਰਤ ਵਿੱਚ ਇੱਕ ਹੋਰ ਧਰਮ ਦਾ ਜਨਮ ਹੋਵੇਗਾ?

ਅਮੋਦ ਦਾਤਰ ਵੱਲੋਂ ਦਿੱਤੀ ਗਈ ਜਾਣਕਾਰੀ ਮੁਤਾਬਕ 2016 ਵਿੱਚ 98 ਗਿਰਜਾਘਰ ਅਤੇ 2017 ਵਿੱਚ 114 ਗਿਰਜਾਘਰ ਇਹ ਪ੍ਰੋਗਰਾਮ ਕਰਦੇ ਹਨ।

ਮੁੰਬਈ, ਪੂਣੇ, ਠਾਣੇ, ਨਾਸ਼ਿਕ, ਔਰੰਗਾਬਾਦ, ਅਹਿਮਦਾਬਾਦ, ਰਾਜਕੋਟ ਅਤੇ ਵਡੋਡਰਾ ਵਿੱਚ ਇਹ ਰੀਤ ਨਿਭਾਈ ਜਾਂਦੀ ਹੈ।

(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTERਅਤੇ YouTube 'ਤੇ ਜੁੜੋ।)