ਤਸਵੀਰਾਂ: ਬੇਮੌਸਮੀ ਮੀਂਹ-ਝੱਖੜ ਕਾਰਨ ਹੋਏ ਨੁਕਸਾਨ ਦੀ ਕਹਾਣੀ

ਮੰਡੀਆਂ 'ਚ ਭਿੱਜੀ ਕਣਕ Image copyright Sarbjit gill/bbc

ਬੇਮੌਸਮੀ ਮੀਂਹ-ਝੱਖੜ ਕਾਰਨ ਮੰਡੀਆਂ ਵਿੱਚ ਪਈ ਕਣਕ ਨੂੰ ਭਾਰੀ ਨੁਕਸਾਨ ਹੋਇਆ ਹੈ। ਮੰਡੀਆਂ ਵਿੱਚ ਕਿਸਾਨਾਂ ਦੇ ਲਗਾਏ ਬੋਹਲ ਭਿੱਜ ਗਏ ਹਨ।

ਕਈ ਮੰਡੀਆਂ ਵਿੱਚ ਵਿਕ ਚੁੱਕੀ ਬੋਰੀਆਂ 'ਚ ਪਈ ਕਣਕ ਗੋਦਾਮਾਂ ਵਿੱਚ ਜਾਣ ਦੀ ਉਡੀਕ ਕਰ ਰਹੀ ਸੀ। ਮੀਂਹ ਦੇ ਪਾਣੀ ਨਾਲ ਇਹ ਬੋਰੀਆਂ ਪੂਰੀ ਤਰ੍ਹਾਂ ਭਿੱਜ ਚੁੱਕੀਆਂ ਹਨ।

Image copyright Sarbjit gill/bbc

ਇਹ ਹਾਲ ਫਗਵਾੜਾ ਦੀ ਮੰਡੀ ਦਾ ਹੈ। ਜਿੱਥੇ ਖੁੱਲ੍ਹੇ 'ਚ ਪਈਆਂ ਕਣਕ ਦੀਆਂ ਬੋਰੀਆਂ ਮੀਂਹ ਦੀ ਮਾਰ ਝੱਲ ਰਹੀਆਂ ਹਨ।

Image copyright jasbir shetra/bbc

ਇਹ ਹਾਲ ਜ਼ਿਲ੍ਹਾ ਲੁਧਿਆਣਾ 'ਚ ਪੈਂਦੇ ਜਗਰਾਓਂ ਦਾ ਹੈ ਜਿੱਥੇ ਮੰਡੀ 'ਚ ਪਈਆਂ ਕਣਕ ਦੀਆਂ ਬੋਰੀਆਂ ਦੇ ਆਲੇ-ਦੁਆਲੇ ਮੀਂਹ ਦਾ ਪਾਣੀ ਇਕੱਠਾ ਹੋਇਆ ਹੈ। ਇਸ ਜ਼ੋਰਦਾਰ ਮੀਂਹ ਕਾਰਨ ਬੋਰੀਆਂ 'ਚੋਂ ਕਣਕ ਵੀ ਬਾਹਰ ਨਿਕਲ ਰਹੀ ਹੈ।

Image copyright jasbir/shetra/bbc

ਮੰਡੀਆਂ ਵਿੱਚ ਪਾਣੀ ਭਰਨ ਨਾਲ ਕਣਕ ਦੀਆਂ ਬੋਰੀਆਂ ਅਤੇ ਬੋਹਲਾਂ ਵਿੱਚ ਪਾਣੀ ਆ ਗਿਆ ਜਿਸ ਕਾਰਨ ਇਸ ਕਣਕ ਦੇ ਪੁੰਗਰਣ ਦਾ ਖ਼ਦਸ਼ਾ ਬਣ ਗਿਆ ਹੈ।

Image copyright sukhcharan/bbc

ਇਹ ਦ੍ਰਿਸ਼ ਹੈ ਬਰਨਾਲਾ ਦੀ ਮੰਡੀ ਦਾ ਜਿੱਥੇ ਮੀਂਹ ਤੋਂ ਬਾਅਦ ਕਈ ਦੇਰ ਤੱਕ ਖੜ੍ਹੇ ਪਾਣੀ ਨੇ ਕਣਕ ਨੂੰ ਨੁਕਸਾਨ ਪਹੁੰਚਾਇਆ ਹੈ।

Image copyright Sukhcharan/bbc

ਬਰਨਾਲਾ ਦੀ ਕਣਕ ਮੰਡੀ ਵਿੱਚ ਕਣਕਾਂ ਦੀਆਂ ਬੋਰੀਆਂ ਨੇੜੇ ਖੜ੍ਹਿਆ ਮੀਂਹ ਦਾ ਪਾਣੀ।

(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTERਅਤੇ YouTube 'ਤੇ ਜੁੜੋ।)