ਪਦਮ ਸ੍ਰੀ ਮੋੜਨ ਤੋਂ ਬਾਅਦ ਲੇਖਿਕਾ ਗੀਤਾ ਮਹਿਤਾ ਬਾਰੇ ਸੋਸ਼ਲ ਮੀਡੀਆ 'ਤੇ ਚਰਚਾ

ਗੀਤਾ ਮਹਿਤਾ ਉਨ੍ਹਾਂ ਦੇ ਪਤੀ, ਸਨੀ ਮਹਿਤਾ Image copyright Getty Images
ਫੋਟੋ ਕੈਪਸ਼ਨ ਗੀਤਾ ਮਹਿਤਾ ਉਨ੍ਹਾਂ ਦੇ ਪਤੀ, ਸਨੀ ਮਹਿਤਾ ਅਮਰੀਕਾ ਵਿੱਚ ਰਹਿੰਦੇ ਹਨ।

ਭਾਰਤੀ ਮੂਲ ਦੀ ਅਮਰੀਕੀ ਲੇਖਕ ਗੀਤਾ ਮਹਿਤਾ ਨੇ ਸ਼ਨਿੱਚਰਵਾਰ ਨੂੰ ਪਦਮਾ ਪੁਰਸਕਾਰ ਸਵੀਕਾਰ ਕਰਨ ਤੋਂ ਇਨਕਾਰ ਕਰ ਦਿੱਤਾ।

ਗੀਤਾ ਮਹਿਤਾ ਉਡੀਸ਼ਾ ਦੇ ਮੁੱਖ ਮੰਤਰੀ ਨਵੀਨ ਪਟਨਾਇਕ ਦੀ ਭੈਣ ਹਨ ਅਤੇ ਉਨ੍ਹਾਂ ਦੇ ਪਤੀ, ਸਨੀ ਮਹਿਤਾ ਇੱਕ ਪ੍ਰਕਾਸ਼ਕ ਹਨ।

ਗੀਤਾ ਮਹਿਤਾ ਉਡੀਸ਼ਾ ਦੇ ਲੰਬੇ ਸਮੇਂ ਮੁੱਖ ਮੰਤਰੀ ਰਹੇ ਮਰਹੂਮ ਬੀਜੂ ਪਟਨਾਇਕ ਦੇ ਤਿੰਨ ਬੱਚਿਆਂ ਵਿੱਚੋਂ ਇੱਕ ਹਨ।

ਉਨ੍ਹਾਂ ਨੂੰ ਭਾਰਤ ਦੇ ਇਤਿਹਾਸ ਅਤੇ ਸੱਭਿਆਚਰ ਬਾਰੇ ਕੀਤੇ ਸ਼ਲਾਘਾਯੋਗ ਕੰਮ ਬਦਲੇ ਇਹ ਨਾਗਰਿਕ ਸਨਮਾਨ ਦੇਣ ਲਈ ਚੁਣਿਆ ਗਿਆ ਸੀ।

ਭਾਰਤ ਰਤਨ, ਪਦਮ ਵਿਭੂਸ਼ਨ ਅਤੇ ਪਦਮ ਭੂਸ਼ਮ ਤੋਂ ਬਾਅਦ ਪਦਮ ਸ੍ਰੀ ਭਾਰਤ ਦਾ ਚੌਥਾ ਸਭ ਤੋਂ ਵੱਡਾ ਨਾਗਰਿਕ ਸਨਮਾਨ ਹੈ।

ਇਹ ਵੀ ਪੜ੍ਹੋ:

ਗੀਤਾ ਮਹਿਤਾ ਨੇ ਅਮਰੀਕਾ ਦੇ ਨਿਊਯਾਰਕ ਤੋਂ ਜਾਰੀ ਇੱਕ ਪ੍ਰੈੱਸ ਨੋਟ ਵਿੱਚ ਕਿਹਾ ਕਿ ਉਨ੍ਹਾਂ ਨੂੰ ਇਸ ਸਨਮਾਨ ਲਈ ਚੁਣੇ ਜਾਣ 'ਤੇ ਮਾਣ ਮਹਿਸੂਸ ਹੋ ਰਿਹਾ ਹੈ ਪਰ ਇਸ ਦੇ ਸਮੇਂ ਦੇ ਗਲਤ ਅਰਥ ਕੱਢੇ ਜਾ ਸਕਦੇ ਹਨ ਕਿਉਂਕਿ ਉਨ੍ਹਾਂ ਨੂੰ ਇਸ ਸਨਮਾਨ ਲਈ 2019 ਦੀਆਂ ਆਮ ਚੋਣਾਂ ਦੇ ਨਜ਼ਦੀਕ ਚੁਣਿਆ ਜਾ ਰਿਹਾ ਹੈ। ਇਸ ਕਾਰਨ ਸਰਕਾਰ ਅਤੇ ਉਨ੍ਹਾਂ ਨੂੰ ਨਮੋਸ਼ੀ ਝੱਲਣੀ ਪੈ ਸਕਦੀ ਹੈ ਜਿਸ ਦਾ ਉਨ੍ਹਾਂ ਨੂੰ ਪਛਤਾਵਾ ਰਹੇਗਾ।

ਕਰਮਾ ਕੋਲਾ, ਏ ਰਿਵਰ ਸੂਤਰਾ ਅਤੇ ਇਟਰਨਲ ਗਨੇਸ਼ਾ ਉਨ੍ਹਾਂ ਦੀਆਂ ਕੁਝ ਪ੍ਰਸਿੱਧ ਰਚਨਾਵਾਂ ਹਨ।

ਟਵਿੱਟਰ ਟਿੱਪਣੀਆਂ

ਟਵਿੱਟਰ ਉੱਪਰ ਲੋਕ ਉਨ੍ਹਾਂ ਦੇ ਇਸ ਫੈਸਲੇ ਬਾਰੇ ਆਪੋ-ਆਪਣੀਆਂ ਟਿਪਣੀਆਂ ਕਰ ਰਹੇ ਹਨ।

ਬਰਖਾ ਦੱਤ ਨੇ ਲਿਖਿਆ, ਗੀਤਾ ਮਹਿਤਾ ਨੇ ਇੱਕ ਵਾਰ ਮੈਨੂੰ ਆਪਣੇ ਪਤੀ ਅਤੇ ਪ੍ਰਧਾਨ ਮੰਤਰੀ ਮੋਦੀ ਦੀ ਭਾਰਤੀ ਇਤਿਹਾਸ ਬਾਰੇ ਇੱਕ ਘੰਟੇ ਤੋਂ ਵੀ ਵੱਧ ਸਮਾਂ ਚੱਲੀ ਗੱਲਬਾਤ ਬਾਰੇ ਦੱਸਿਆ ਸੀ। ਹੁਣ ਉਹ ਪਦਮ ਸ਼੍ਰੀ ਲੈਣ ਤੋਂ ਇਨਕਾਰ ਕਰ ਰਹੇ ਹਨ ਅਤੇ ਕਹਿ ਰਹੇ ਹਨ ਕਿ ਮੌਸਮ ਚੋਣਾਂ ਦਾ ਹੈ।

ਸਿੰਘਦਾ ਸਮਲ ਨੇ ਲਿਖਿਆ ਕਿ ਜਦੋਂ ਪਹਿਲਾਂ ਉਨ੍ਹਾਂ ਨੇ ਇਹ ਖ਼ਬਰ ਸੁਣੀ ਤਾਂ ਉਨ੍ਹਾਂ ਨੂੰ ਲੱਗਿਆ ਕਿ ਮੋਦੀ ਨਵੀਨ ਪਟਨਾਇਕ ਨੂੰ ਖ਼ੁਸ਼ ਰੱਖਣਾ ਚਾਹੁੰਦੇ ਹਨ। ਪਰ ਅੱਜ ਗੀਤਾ ਲਈ ਉਨ੍ਹਾਂ ਦੀ ਨਜ਼ਰਾਂ ਵਿੱਚ ਇੱਜਤ ਹੋਰ ਵੀ ਵੱਧ ਗਈ ਹੈ।

ਪਾਰਥ ਬੈਨਰਜੀ ਨੇ ਲਿਖਿਆ ਕਿ ਇਸ ਨਾਲ 2019 ਦੀਆਂ ਚੋਣਾਂ ਅਤੇ ਗਣਤੰਤਰ ਦਿਵਸ ਦੇ ਜਸ਼ਨ ਮੱਠੇ ਨਹੀਂ ਪੈਣਗੇ। ਜੇ ਗੀਤਾ ਮਹਿਤਾ ਆਪਣੇ-ਆਪ ਨੂੰ ਸਭ ਤੋਂ ਉੱਪਰ ਸਮਝਦੇ ਹਨ ਤਾਂ ਇਹ ਉਨ੍ਹਾਂ ਦੀ ਨਿੱਜੀ ਸਮੱਸਿਆ ਹੈ। ਸਿਆਸਤ ਨੂੰ ਨਿੱਜੀ ਲਾਭ ਲਈ ਨਹੀਂ ਵਰਤਣਾ ਚਾਹੀਦਾ। ਆਸਵੰਦ ਰਹੋ...ਕਿਸੇ ਸਰਕਾਰ ਦੇ ਸਾਢੇ ਚਾਰ ਸਾਲ ਹਰ ਕੰਮ ਨੂੰ ਸਹੀ ਠਹਿਰਾਉਣ ਲਈ ਕਾਫ਼ੀ ਨਹੀਂ ਹੁੰਦੇ।

ਤਮਲ ਦਾਸ ਨੇ ਲਿਖਿਆ ਕਿ ਆਮ ਚੋਣਾਂ ਤੋਂ ਪਹਿਲਾਂ ਪਦਮਸ਼੍ਰੀ ਠੁਕਰਾ ਕੇ ਗੀਤਾ ਮਹਿਤਾ ਨੇ ਨਾ ਸਮਝੀ ਦਿਖਾਈ ਹੈ।

ਸਾਲ 2014 ਵਿੱਚ ਕਾਂਗਰਸ ਸਰਕਾਰ ਨੇ ਆਮ ਚੋਣਾਂ ਤੋਂ ਪਹਿਲਾਂ ਉਡੀਸ਼ਾ ਦੇ ਸੈਂਡ ਆਰਟਿਸਟ ਸੁਦਰਸ਼ਨ ਪਟਨਾਇਕ, ਅਭਿਨੇਤਾ ਕਮਲ ਹਸਨ ਅਤੇ ਪਰੇਸ਼ ਰਾਵਲ ਨੂੰ ਪਦਮਸ਼੍ਰੀ ਦਿੱਤੇ ਸਨ ਪਰ ਕਿਸੇ ਨੇ ਵੀ ਗੀਤਾ ਮਹਿਤਾ ਵਾਂਗ ਨਹੀਂ ਕੀਤਾ।

ਮਾਧਵਨ ਨਾਰਾਇਣ ਨੇ ਲਿਖਿਆ ਗੀਤਾ ਮਹਿਤਾ ਨੇ ਦਿਲਚਸਪ ਕਿਤਾਬ ਕਰਮਾ ਕੋਲਾ ਲਿਖੀ ਸੀ ਕਿ ਕਿਵੇਂ ਪੱਛਮ ਵਿੱਚ ਭਾਰਤੀ ਅਧਿਆਤਮਿਕਤਾ ਨੂੰ ਇੱਕ ਕਨਜ਼ਿਊਮਰ ਬ੍ਰੈਂਡ ਵਜੋਂ ਵੇਚਿਆ ਜਾਂਦਾ ਹੈ। ਓਸ਼ੋ ਤੋਂ ਸ਼੍ਰੀ ਸ਼੍ਰੀ ਨੇ ਉਨ੍ਹਾਂ ਦਾ ਸਿਧਾਂਤ ਸਹੀ ਸਾਬਤ ਕੀਤਾ ਹੈ। ਉਨ੍ਹਾਂ ਵੱਲੋਂ ਪਦਮਾ ਪੁਰਸਕਾਰ ਸਵੀਕਾਰ ਨਾ ਕਰਨਾ ਇੱਕ ਸਨਮਾਨ ਵਾਲਾ ਕੰਮ ਹੈ।

ਇਹ ਵੀ ਪੜ੍ਹੋ:

ਤੁਹਾਨੂੰ ਇਹ ਵੀਡੀਓ ਵੀ ਪਸੰਦ ਆ ਸਕਦੇ ਹਨ:

(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTERਅਤੇ YouTube 'ਤੇ ਜੁੜੋ।)