ਜੈੱਟ ਏਅਰਵੇਜ਼ ਦੀ ਆਖ਼ਰੀ ਫਲਾਈਟ: ਵੱਡੀ ਕੰਪਨੀ ਦੇ ਬੰਦ ਹੋਣ ਨਾਲ ਦੇਸ ਦੀ ਇਮੇਜ ਹੋਵੇਗੀ ਖ਼ਰਾਬ - ਮੁਸਾਫ਼ਰ
- ਰਵਿੰਦਰ ਸਿੰਘ ਰੌਬਿਨ
- ਬੀਬੀਸੀ ਪੰਜਾਬੀ ਦੇ ਲਈ
ਤਸਵੀਰ ਸਰੋਤ, Reuters
ਜੈੱਟ ਏਅਰਵੇਜ਼ ਨੇ ਆਪਣੀਆਂ ਸਾਰੀਆਂ ਕੌਮਾਂਤਰੀ ਅਤੇ ਘਰੇਲੂ ਉਡਾਣਾਂ ਰੱਦ ਅੱਜ ਰਾਤ ਤੋਂ ਰੱਦ ਕਰ ਦਿੱਤੀਆਂ ਹਨ।
ਜੈੱਟ ਏਅਰਵੇਜ਼ ਕਰਜ਼ ਦੇਣ ਵਾਲਿਆਂ ਤੋਂ ਫੰਡ ਲੈਣ ਵਿੱਚ ਨਾਕਾਮ ਹੋਇਆ ਹੈ। ਇਸ ਦਾ ਮਤਲਬ ਹੈ ਕਿ ਹੁਣ ਏਅਰਲਾਈਂਜ਼ ਬੰਦ ਹੋ ਚੁੱਕੀ ਹੈ।
ਭਾਵੇਂ ਅਜੇ ਨਵੇਂ ਨਿਵੇਸ਼ਕਾਂ ਦੀ ਭਾਲ ਅਜੇ ਜਾਰੀ ਹੈ। ਪਰ ਉਸ ਪ੍ਰਕਿਰਿਆ ਵਿੱਚ ਵੀ ਸਮਾਂ ਲੱਗ ਸਕਦਾ ਹੈ।
ਇਹ ਵੀ ਪੜ੍ਹੋ:
ਤਸਵੀਰ ਸਰੋਤ, RAVINDER SINGH ROBIN/BBC
ਜੈੱਟ ਏਅਰਵੇਜ਼ ਦੇ ਮੁਲਾਜ਼ਮ ਅੰਮ੍ਰਿਤਸਰ ਤੋਂ ਮੁੰਬਈ ਤੱਕ ਦੀ ਆਖਰੀ ਉਡਾਣ ਦੀ ਤਿਆਰੀ ਵਿੱਚ
ਤਸਵੀਰ ਸਰੋਤ, Ravinder singh robin/bbc
ਜੈੱਟ ਏਅਰਵੇਜ਼ ਦੀ ਆਖ਼ਰੀ ਫਲਾਈਟ ਅੰਮ੍ਰਿਤਸਰ ਤੋਂ ਮੁੰਬਈ ਲਈ ਹੈ
ਅੰਮ੍ਰਿਤਸਰ ਦੇ ਹਵਾਈ ਅੱਡੇ ’ਤੇ ਤਾਇਨਾਤ ਜੈੱਟ ਏਅਰਵੇਜ਼ ਦੀ ਗਰਾਊਂਡ ਸਟਾਫ ਦੀ ਹੈੱਡ ਆਰਤੀ ਨੇ ਬੀਬੀਸੀ ਪੰਜਾਬੀ ਲਈ ਰਵਿੰਦਰ ਸਿੰਘ ਰੌਬਿਨ ਨੂੰ ਦੱਸਿਆ, “ਸਾਨੂੰ ਅਜੇ ਹੀ ਇਸ ਬਾਰੇ ਪਤਾ ਲਗਿਆ ਹੈ ਕਿ ਅੰਮ੍ਰਿਤਸਰ ਤੋਂ ਮੁੰਬਈ ਦੀ ਫਲਾਈਟ ਆਖਰੀ ਫਲਾਈਟ ਹੈ। ਸਾਡੇ ਲਈ ਇਹ ਖ਼ਬਰ ਝਟਕਾ ਦੇਣ ਵਾਲੀ ਹੈ। ਪਰ ਅਸੀਂ ਕੰਪਨੀ ਦੇ ਨਾਲ ਖੜ੍ਹੇ ਹਾਂ।”
ਤਸਵੀਰ ਸਰੋਤ, Ravinder singh robin/bbc
ਕਰੂ ਮੈਂਬਰ ਨੇ ਬੀਬੀਸੀ ਨੂੰ ਗੱਲਬਾਤ ਦੌਰਾਨ ਕਿਹਾ ਕਿ ਜੈੱਟ ਏਅਰਵੇਜ਼ ਬਹੁਤ ਵੱਡੀ ਕੰਪਨੀ ਹੈ ਅਤੇ ਉਨ੍ਹਾਂ ਨੂੰ ਉਮੀਦ ਹੈ ਕਿ ਇਹ ਕੰਪਨੀ ਵੱਲੋਂ ਇਹ ਮਾਮਲਾ ਸੁਲਝਾ ਲਿਆ ਜਾਵੇਗਾ।
ਤਸਵੀਰ ਸਰੋਤ, Ravinder singh robin/bbc
ਜੈੱਟ ਏਅਰਵੇਜ਼ ਆਖ਼ਰੀ ਫਲਾਈਟ ਵਿੱਚ ਸਫਰ ਕਰਨ ਲਈ ਸਵਾਰ ਹੋ ਰਹੇ ਲੋਕ
ਅੰਮ੍ਰਿਤਸਰ ਇੱਕ ਵਿਆਹ ਦੇਖਣ ਆਈ ਸੁਰਿੰਦਰ ਨੇ ਆਪਣੀ ਪ੍ਰਤਿਕਿਰਿਆ ਦਿੰਦੇ ਹੋਏ ਕਿਹਾ ਕਿ ਮੈਨੂੰ ਇਹ ਸੁਣ ਕੇ ਬਹੁਤ ਹੈਰਾਨ ਹੋਈ ਕਿ ਇਹ ਇੱਕ ਚੰਗੀ ਫਲਾਈਟ ਸੀ, ਇਹ ਸੁਣ ਕੇ ਸਾਨੂੰ ਚੰਗਾ ਨਹੀਂ ਲੱਗਿਆ ਕਿ ਇਹ ਬੰਦ ਹੋ ਰਹੀ ਹੈ। ਜੈੱਟ ਏਅਰਵੇਜ਼ ਐਨਾ ਵੱਡਾ ਨਾਮ ਹੈ ਇਸਦੇ ਬੰਦ ਹੋਣ ਨਾਲ ਲੋਕਾਂ ਨੂੰ ਦਿੱਕਤ ਹੋਵੇਗੀ ਅਤੇ ਦੇਸ ਦੀ ਈਮੇਜ਼ 'ਤੇ ਵੀ ਫਰਕ ਪੇਵਗਾ।
ਤਸਵੀਰ ਸਰੋਤ, Ravinder singh robin/bbc
ਇਸ ਫਲਾਈਟ ਵਿੱਚ ਸਫ਼ਰ ਕਰ ਰਹੇ ਸੁਰੇਸ਼ ਨੇ ਕਿਹਾ ਕਿ ਮੈਨੂੰ ਇਸ ਬਾਰੇ ਸੁਣ ਕੇ ਬਹੁਤ ਹੈਰਾਨੀ ਹੋਈ। ''ਮੈਂ ਦੇਖਿਆ ਕਿ ਮੁਲਾਜ਼ਮਾਂ ਦੇ ਮੂੰਹ ਉਤਰੇ ਹੋਏ ਸਨ। ਜੈੱਟ ਏਅਰਵੇਜ਼ ਐਨੀ ਵੱਡੀ ਕੰਪਨੀ ਹੈ ਇਸਦੇ ਬੰਦ ਹੋਣ ਨਾਲ ਮੁਲਾਜ਼ਮਾਂ ਨੂੰ ਵੀ ਕੰਮ ਲੱਭਣ ਵਿੱਚ ਮੁਸ਼ਕਿਲ ਹੋਵੇਗੀ।''
ਤਸਵੀਰ ਸਰੋਤ, Ravinder singh robin/bbc
ਜੈੱਟ ਏਅਰਵੇਜ਼ ਦੀ ਅੰਮ੍ਰਿਤਸਰ ਤੋਂ ਮੁੰਬਈ ਜਾ ਰਹੀ ਆਖ਼ਰੀ ਫਲਾਈਟ ਵਿੱਚ ਸਫ਼ਰ ਕਰਨ ਵਾਲੇ ਮੁਸਾਫ਼ਰ
ਆਖ਼ਰੀ ਫਲਾਈਟ ਵਿੱਚ ਸਫ਼ਰ ਕਰਨ ਵਾਲੇ ਸਰਦੂਲ ਸਿੰਘ ਨੇ ਕਿਹਾ ਕਿ ਕੰਪਨੀਆਂ ਬੰਦ ਕਿਉਂ ਹੁੰਦੀਆਂ ਹਨ ਜਾਂ ਘਾਟੇ ਵਿੱਚ ਜਾਂਦੀਆਂ ਹਨ ਇਸ ਬਾਰੇ ਲੋਕਾਂ ਨੂੰ ਦੱਸਣਾ ਚਾਹੀਦਾ ਹੈ।
ਮਾਮਲੇ ਬਾਰੇ ਕੁਝ ਅਹਿਮ ਗੱਲਾਂ:
ਜੈੱਟ ਏਅਰਵੇਜ਼ ਦੇ ਘਾਟੇ ਵਿੱਚ ਜਾਣ ਕਾਰਨ ਜਨਵਰੀ ਮਹੀਨੇ ਤੋਂ ਲੈ ਕੇ ਹੁਣ ਤੱਕ ਮੁਲਾਜ਼ਮਾਂ ਨੂੰ ਤਨਖ਼ਾਹ ਨਹੀਂ ਮਿਲੀ,ਜਿਸ ਤੋਂ ਬਾਅਦ ਉਨ੍ਹਾਂ ਨੇ ਕੰਮ ਨਾ ਕਰਨ ਦਾ ਫੈਸਲਾ ਕੀਤਾ ਸੀ।
ਤਸਵੀਰ ਸਰੋਤ, Getty Images
ਇਸਦੇ ਵਿਰੋਧ ਵਿੱਚ ਮੁਲਾਜ਼ਮਾ ਵੱਲੋਂ ਸ਼ਨੀਵਾਰ ਨੂੰ ਦਿੱਲੀ ਵਿੱਚ ਇੰਦਰਾ ਗਾਂਧੀ ਇੰਟਰਨੈਸ਼ਨਲ ਏਅਰਪੋਰਟ ਦੇ ਬਾਹਰ ਖੜ੍ਹੇ ਹੋ ਕੇ ਧਰਨਾ ਵੀ ਦਿੱਤਾ ਸੀ।
ਜੈੱਟ ਏਅਰਵੇਜ਼ ਉੱਤੇ ਬੈਂਕ ਦਾ 1.2 ਬਿਲੀਅਨ ਡਾਲਰ ਕਰਜ਼ਾ ਹੈ।
ਇਹ ਵੀ ਪੜ੍ਹੋ:
ਭਾਰਤੀ ਹਵਾਬਾਜ਼ੀ ਬਜ਼ਾਰ ਦਾ ਵਿਸ਼ਲੇਸ਼ਣ
ਇਸਦੇ ਨਤੀਜੇ ਵਜੋਂ ਉਡਾਣਾਂ ਰੱਦ ਹੋਣ ਨਾਲ ਸਤੰਬਰ 2018 ਤੋਂ ਮਾਰਚ 2019 ਤੱਕ ਹਵਾਈ ਕਿਰਾਏ ਵਿੱਚ ਲਗਭਗ 30-40 ਫ਼ੀਸਦ ਦਾ ਵਾਧਾ ਹੋਇਆ ਹੈ।
ਹਾਲਾਂਕਿ ਭਾਰਤ ਇੱਕ ਉੱਚ-ਕੀਮਤ ਸੰਵੇਦਨਸ਼ੀਲ ਬਾਜ਼ਾਰ ਹੈ, ਇਸ ਨੇ Q3 FY2019 ਦੇ ਨਾਲ ਅਕਤੂਬਰ 2018 ਤੋਂ ਘਰੇਲੂ ਯਾਤਰੀ ਆਵਾਜਾਈ ਨੂੰ ਪ੍ਰਭਾਵਿਤ ਕੀਤਾ ਹੈ। ਜੋ ਸਾਲ-ਦਰ-ਸਾਲ ਘੱਟ ਕੇ 12.4 ਫ਼ੀਸਦ ਤੱਕ ਪਹੁੰਚ ਗਿਆ ਹੈ।
ਅਸਲ ਵਿੱਚ ਜਨਵਰੀ 2019 ਵਿੱਚ ਘਰੇਲੂ ਯਾਤਰੀ ਆਵਾਜਾਈ ਦੀ ਵਿਕਾਸ ਦਰ 53 ਮਹੀਨਿਆਂ ਵਿੱਚ 8.9 ਫ਼ੀਸਦ 'ਤੇ ਪਹੁੰਚ ਗਈ ਹੈ ਅਤੇ ਫਰਵਰੀ 2019 ਵਿੱਚ ਇਹ ਦਰ 5.6 ਫ਼ੀਸਦ ਨਾਲ ਹੇਠਲੇ ਪੱਧਰ 'ਤੇ ਪਹੁੰਚ ਗਈ।
ਇਹ ਵੀਡੀਓਜ਼ ਵੀ ਤੁਹਾਨੂੰ ਪਸੰਦ ਆਉਣਗੇ
