ਹਿਮਾਚਲ ਦੇ ਕੁੱਲੂ ਜ਼ਿਲ੍ਹੇ 'ਚ ਬੱਸ ਪਹਾੜ ਤੋਂ ਡਿੱਗੀ, 43 ਮੌਤਾਂ

ਹਾਦਸੇ ਤੋਂ ਅਗਲੀ ਸਵੇਰੇ ਬੱਸ ਇਸ ਹਾਲਤ ਵਿੱਚ ਨਜ਼ਰ ਆਈ। Image copyright Jai Kumar
ਫੋਟੋ ਕੈਪਸ਼ਨ ਹਾਦਸੇ ਤੋਂ ਅਗਲੀ ਸਵੇਰੇ ਬੱਸ ਇਸ ਹਾਲਤ ਵਿੱਚ ਨਜ਼ਰ ਆਈ।

ਵੀਰਵਾਰ, 20 ਜੂਨ ਨੂੰ ਹਿਮਾਚਲ ਪ੍ਰਦੇਸ਼ ਦੇ ਕੁੱਲੂ ਵਿੱਚ ਵੱਡਾ ਹਾਦਸਾ ਵਾਪਰਿਆ ਹੈ। ਪਹਾੜ ਤੋਂ ਬੱਸ ਦੇ ਹੇਠਾਂ ਡਿੱਗਣ ਕਾਰਨ 43 ਮੁਸਾਫਰਾਂ ਦੀ ਮੌਤ ਹੋ ਗਈ ਅਤੇ ਕੁਝ ਜ਼ਖਮੀ ਹਨ।

ਇਹ ਬੱਸ ਬੰਜਾਰ ਤੋਂ ਘਾਰਾ ਘੁਸ਼ਾਨੀ ਜਾ ਰਹੀ ਸੀ ਜਿਸ ਵਿੱਚ 50 ਲੋਕ ਸਫ਼ਰ ਕਰ ਰਹੇ ਸਨ। ਲਗਭਗ ਸਾਰੀਆਂ ਹੀ ਸਵਾਰੀਆਂ ਸਥਾਨਕ ਇਲਾਕਿਆਂ ਦੀਆਂ ਰਹਿਣ ਵਾਲੀਆਂ ਸਨ।

ਕੁਝ ਚਸ਼ਮਦੀਦਾਂ ਦਾ ਕਹਿਣਾ ਹੈ ਕਿ ਬੱਸ ਦਾ ਡਰਾਈਵਰ ਅੱਗੇ ਆਉਣ ਵਾਲੇ ਤਿੱਖੇ ਮੋੜ ਦਾ ਅੰਦਾਜ਼ਾ ਨਹੀਂ ਲਗਾ ਸਕਿਆ। ਇਸ ਕਾਰਨ ਬੱਸ ਪਿੱਛੇ ਵੱਲ ਨੂੰ ਧੱਕੀ ਗਈ ਅਤੇ ਡੂੰਘੀ ਖੱਡ ਵਿੱਚ ਡਿੱਗ ਗਈ।

ਮੀਡੀਆ ਪਲੇਬੈਕ ਤੁਹਾਡੀ ਡਿਵਾਈਸ 'ਤੇ ਸਪੋਰਟ ਨਹੀਂ ਕਰਦਾ
ਕੁੱਲੂ ਬੱਸ ਹਾਦਸਾ: ਜ਼ਖ਼ਮੀਆਂ ਦਾ ਇਲਾਜ ਜਾਰੀ

ਇਹ ਵੀ ਪੜ੍ਹੋ:

Image copyright ANI
ਫੋਟੋ ਕੈਪਸ਼ਨ ਬੱਸ ਵਿੱਚ 50 ਲੋਕ ਸਫ਼ਰ ਕਰ ਰਹੇ ਸਨ
Image copyright Jai Kumar

ਮੁੱਖ ਮੰਤਰੀ ਜੈ ਰਾਮ ਠਾਕੁਰ ਨੇ ਮੀਡੀਆ ਨਾਲ ਗੱਲਬਾਤ 'ਚ ਦੱਸਿਆ, "ਉਹ ਜਿਹੜਾ ਰਸਤਾ ਹੈ ਉੱਥੇ ਬਹੁਤੀਆਂ ਬੱਸਾਂ ਨਹੀਂ ਜਾਂਦੀਆਂ। ਲੋਕ ਬੰਜਾਰ ਕੰਮ ਕਰਨ ਜਾਂਦੇ ਹਨ ਅਤੇ ਸ਼ਾਮ ਨੂੰ ਵਾਪਸ ਘਰ ਜਾਂਦੇ ਹਨ। ਜਾਣਕਾਰੀ ਮਿਲੀ ਹੈ ਕਿ ਬੱਸ ਵਿੱਚ ਸਮਰੱਥਾ ਤੋਂ ਜ਼ਿਆਦਾ ਸਵਾਰੀਆਂ ਸਨ ਪਰ ਬਾਕੀ ਗੱਲ ਦਾ ਜਾਂਚ ਤੋਂ ਬਾਅਦ ਪਤਾ ਲੱਗੇਗਾ। ਬਚਾਅ ਕਾਰਜ ਜਿੰਨੇ ਚੰਗੇ ਹੋ ਸਕਣਗੇ ਕੀਤੇ ਜਾ ਰਹੇ ਹਨ।"

ਐੱਸਡੀਐੱਮ ਨੇ ਬੀਬੀਸੀ ਸਹਿਯੋਗੀ ਧਰਮ ਪ੍ਰਕਾਸ਼ ਗੁਪਤਾ ਨੂੰ ਦੱਸਿਆ ਕਿ ਫਿਲਹਾਲ ਸਾਰੇ ਮ੍ਰਿਤਕਾਂ ਦੇ ਪਰਿਵਾਰਾਂ ਨੂੰ 50,000 ਰੁਪਏ ਪ੍ਰਤੀ ਪਰਿਵਾਰ ਰਾਹਤ ਵਜੋਂ ਐਲਾਨੇ ਗਏ ਹਨ ਅਤੇ ਜ਼ਖਮੀਆਂ ਦਾ ਇਲਾਜ ਚੱਲ ਰਿਹਾ ਹੈ। ਮੰਡੀ ਤੋਂ ਗੁਪਤਾ ਨੇ ਦੱਸਿਆ ਕਿ ਰਾਜਪਾਲ ਆਚਾਰਿਆ ਦੇਵਵਰਤ ਨੇ ਵੀ ਦੁੱਖ ਪ੍ਰਗਟਾਇਆ ਹੈ।

Image copyright Harish kumar

ਇਹ ਵੀ ਪੜ੍ਹੋ:

ਕਈ ਸਥਾਨਕ ਲੋਕ ਸਵਾਰੀਆਂ ਦੀ ਜਾਨ ਬਚਾਉਣ ਲਈ ਉੱਥੇ ਇਕੱਠੇ ਹੋ ਗਏ। ਪੁਲਿਸ ਦੇ ਬੁਲਾਰੇ ਨੇ ਦੱਸਿਆ, ''ਸਾਰੇ ਜ਼ਖ਼ਮੀਆਂ ਨੂੰ ਸਥਾਨਕ ਹਸਪਤਾਲਾਂ ਵਿੱਚ ਦਾਖ਼ਲ ਕਰਵਾ ਦਿੱਤਾ ਗਿਆ ਹੈ ਅਤੇ ਗੰਭੀਰ ਜ਼ਖ਼ਮੀਆਂ ਨੂੰ ਕੁੱਲੂ ਦੇ ਹਸਪਤਾਲ ਵਿੱਚ ਦਾਖ਼ਲ ਕਰਵਾਇਆ ਹੈ।''

Image copyright Harish kumar

ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਵੀ ਇਸ ਹਾਦਸੇ ਉੱਪਰ ਦੁੱਖ ਪ੍ਰਗਟਾਇਆ ਅਤੇ ਕਿਹਾ ਕਿ ਹਿਮਾਚਲ ਸਰਕਾਰ ਪੂਰਾ ਸਹਿਯੋਗ ਕਰੇਗੀ।

ਇਹ ਵੀਡੀਓਜ਼ ਵੀ ਤੁਹਾਨੂੰ ਪਸੰਦ ਆਉਣਗੇ

(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTERਅਤੇ YouTube 'ਤੇ ਜੁੜੋ।)