ਕੋਰੋਨਾਵਾਇਰਸ: 12 ਸਾਲਾ ਕੁੜੀ ਚਾਰ ਦਿਨ ਤੁਰਦੀ ਰਹੀ ਪਰ ਘਰ ਨਹੀਂ ਪਹੁੰਚੀ

  • ਅਲੋਕ ਪ੍ਰਕਾਸ਼ ਪੁਤੂਲ
  • ਰਾਏਪੁਰ ਤੋਂ ਬੀਬੀਸੀ ਹਿੰਦੀ ਲਈ
ਲੌਕਡਾਊਨ

ਤਸਵੀਰ ਸਰੋਤ, cg khabar

ਤਸਵੀਰ ਕੈਪਸ਼ਨ,

ਜਮਲੋ ਦੇ ਪਿਤਾ ਆਂਦੋਰਾਮ ਮੜਕਮ ਅਤੇ ਮਾਂ ਸੁਕਮਤੀ ਦੀ ਤਸਵੀਰ

ਛੱਤੀਸਗੜ੍ਹ ਦੇ ਆਦੇੜ ਪਿੰਡ ਦੀ ਇੱਕ 12 ਸਾਲਾ ਲੜਕੀ ਜਮਲੋ ਮੜਕਮ ਜਦੋਂ ਤੇਲੰਗਾਨਾ ਤੋਂ ਵਰਕਰਾਂ ਦੇ ਕਾਫ਼ਲੇ ਨਾਲ ਆਪਣੇ ਘਰ ਲਈ ਰਵਾਨਾ ਹੋਈ, ਤਾਂ ਉਮੀਦ ਕੀਤੀ ਜਾ ਰਹੀ ਸੀ ਕਿ ਉਹ ਜਲਦੀ ਹੀ ਆਪਣੇ ਘਰ ਪਹੁੰਚੇਗੀ।

ਆਪਣੇ ਮਾਪਿਆਂ ਦੀ ਇਕਲੌਤੀ ਧੀ ਜਮਲੋ ਮੜਕਮ ਸੰਘਣੇ ਜੰਗਲਾਂ ਦੇ ਉਬੜ-ਖਾਬੜ ਰਸਤੇ ਵਿਚ ਚਾਰ ਦਿਨ ਪੈਦਲ ਚਲਦੀ ਰਹੀ।

ਪਰ ਪਿੰਡ ਪਹੁੰਚਣ ਤੋਂ ਸਿਰਫ਼ 14 ਕਿਲੋਮੀਟਰ ਪਹਿਲਾਂ ਜਮਲੋ ਦੇ ਸਾਹ ਥੰਮ ਗਏ।

ਬੀਜਾਪੁਰ ਜ਼ਿਲ੍ਹੇ ਦੇ ਚੀਫ਼ ਮੈਡੀਕਲ ਅਤੇ ਸਿਹਤ ਅਧਿਕਾਰੀ ਬੀ ਆਰ ਪੁਜਾਰੀ ਦਾ ਕਹਿਣਾ ਹੈ, "ਅਸੀਂ ਜਮਲੋ ਦਾ ਕੋਰੋਨਾ ਟੈਸਟ ਕਰਵਾਇਆ ਪਰ ਰਿਪੋਰਟ ਨੈਗੇਟਿਵ ਆਈ। ਪੋਸਟਮਾਰਟਮ ਰਿਪੋਰਟ ਵਿੱਚ ਵੀ ਕੁਝ ਖਾਸ ਨਹੀਂ ਮਿਲਿਆ। ਮੈਨੂੰ ਡਰ ਹੈ ਕਿ ਇਲੈਕਟ੍ਰੋਲਾਈਟ ਅਸੰਤੁਲਨ ਕਾਰਨ ਬੱਚੇ ਦੀ ਮੌਤ ਹੋਈ ਹੋ ਸਕਦੀ ਹੈ। ਫਿਲਹਾਲ, ਲੜਕੀ ਦਾ ਬਿਸਤਰਾ ਸੁਰੱਖਿਅਤ ਰੱਖਿਆ ਗਿਆ ਹੈ। ਉਸ ਦੀ ਪੜਤਾਲ ਕਰਨ ਤੋਂ ਬਾਅਦ ਸ਼ਾਇਦ ਕੁਝ ਪਤਾ ਲੱਗ ਸਕਦਾ ਹੈ।"

ਜਮਲੋ ਦਾ ਪਿਤਾ ਆਂਦੋਰਾਮ ਮੜਕਮ ਵੀ ਸਿਰਫ਼ ਅੰਦਾਜਾ ਲਗਾ ਸਕਦਾ ਹੈ ਕਿ, ਕੀ ਹੋਇਆ ਹੋਵੇਗਾ। ਮਾਂ ਸੁਕਮਤੀ ਦਾ ਰੋ-ਰੋ ਕੇ ਬੁਰਾ ਹਾਲ ਹੈ। ਉਹ ਕਿਸੇ ਵੀ ਸਥਿਤੀ ਵਿਚ ਗੱਲ ਕਰਨ ਲਾਇਕ ਨਹੀਂ ਹੈ।

Sorry, your browser cannot display this map

ਜਮਲੋ ਦੇ ਪਿਤਾ ਆਂਦੋਰਾਮ ਕਹਿੰਦੇ ਹਨ, "ਨਾਲ ਆਏ ਮਜ਼ਦੂਰ ਦੱਸ ਰਹੇ ਸਨ ਕਿ ਸਾਰੇ ਲੋਕਾਂ ਨੇ ਰਾਤ ਨੂੰ ਖਾਧਾ ਅਤੇ ਆਰਾਮ ਕੀਤਾ ਸੀ। ਸਵੇਰੇ, ਜਦੋਂ ਲੋਕ ਖਾਣਾ ਖਾਣ ਤੋਂ ਬਾਅਦ ਜਾ ਰਹੇ ਸਨ ਤਾਂ ਜਮਲੋ ਦੇ ਪੇਟ 'ਚ ਉਸੂਰ ਪਿੰਡ ਨੇੜੇ ਦਰਦ ਹੋਇਆ। ਮੈਨੂੰ ਨਹੀਂ ਪਤਾ ਕਿ ਸਾਡੀ ਜਮਲੋ ਨੂੰ ਕੀ ਹੋਇਆ ਅਤੇ ਉਸ ਨੇ ਉਸੇ ਵੇਲੇ ਦਮ ਤੋੜ ਦਿੱਤਾ।"

ਤਸਵੀਰ ਸਰੋਤ, cg khabar

ਤਸਵੀਰ ਕੈਪਸ਼ਨ,

ਜਮਲੋ ਦੇ ਆਧਾਰਕਾਰਡ ਦੀ ਸੰਪਾਦਿਤ ਤਸਵੀਰ

ਲੌਕਡਾਊਨ ਵਿੱਚ ਬੇਰੁਜ਼ਗਾਰੀ

ਇਸ ਸਾਲ ਫਰਵਰੀ ਵਿੱਚ, ਜਮਲੋ ਪਿੰਡ ਦੇ ਹੋਰ ਗੁਆਂਢੀ ਰਿਸ਼ਤੇਦਾਰਾਂ ਨਾਲ ਗੁਆਂਢੀ ਰਾਜ ਤੇਲੰਗਾਨਾ ਵਿੱਚ ਮਿਰਚਾਂ ਦੀ ਖੇਤੀ ਵਿਚ ਤੋੜਾਈ ਕਰਨ ਲਈ ਗਈ ਸੀ।

ਪਿੰਡ ਦੇ ਲੋਕਾਂ ਨੂੰ ਮੁਲੁਗੂ ਜ਼ਿਲ੍ਹੇ ਦੇ ਪੇਰੂਰ ਵਿੱਚ ਕੰਮ ਮਿਲਿਆ। ਪਰ ਸਿਰਫ਼ ਦੋ ਮਹੀਨੇ ਹੀ ਲੰਘੇ ਸਨ ਕਿ ਕੋਰੋਨਾਵਾਇਰਸ ਦੇ ਕਾਰਨ, ਮਿਰਚੀ ਦੇ ਖੇਤੀ ਦਾ ਕੰਮ ਰੁਕ ਗਿਆ ਅਤੇ ਤਾਲਾਬੰਦੀ ਕਾਰਨ ਮਜ਼ਦੂਰੀ ਮਿਲਣੀ ਵੀ ਬੰਦ ਹੋ ਗਈ।

ਬਚੇ ਹੋਏ ਪੈਸੇ ਵੀ ਖ਼ਤਮ ਹੋਣੇ ਸ਼ੁਰੂ ਹੋ ਗਏ। ਇਸ ਤੋਂ ਬਾਅਦ, ਠੇਕੇਦਾਰ ਦੀ ਸਲਾਹ 'ਤੇ, ਸਾਰਿਆਂ ਨੇ ਘਰ ਵਾਪਸ ਜਾਣ ਦਾ ਫੈਸਲਾ ਕੀਤਾ।

ਭਾਰਤ 'ਚ ਕੋਰੋਨਾਵਾਇਰਸ ਦੇ ਮਾਮਲੇ

ਇਹ ਜਾਣਕਾਰੀ ਰੈਗੂਲਰ ਅਪਡੇਟ ਕੀਤੀ ਜਾਂਦੀ ਹੈ, ਹਾਲਾਂਕਿ ਸੰਭਵ ਹੈ ਇਨ੍ਹਾਂ 'ਚੋਂ ਕਿਸੇ ਸੂਬੇ ਜਾਂ ਕੇਂਦਰ ਸ਼ਾਸਿਤ ਪ੍ਰਦੇਸ਼ ਦੇ ਤਾਜ਼ਾ ਅੰਕੜੇ ਤੁਰੰਤ ਨਾ ਦਿਖਣ

ਸੂਬਾ ਜਾਂ ਕੇਂਦਰ ਸ਼ਾਸਿਤ ਪ੍ਰਦੇਸ਼ ਕੁੱਲ੍ਹ ਮਾਮਲੇ ਜੋ ਠੀਕ ਹੋ ਗਏ ਹਨ ਮੌਤਾਂ
ਮਹਾਰਾਸ਼ਟਰ 1351153 1049947 35751
ਆਂਧਰਾ ਪ੍ਰਦੇਸ਼ 681161 612300 5745
ਤਾਮਿਲਨਾਡੂ 586397 530708 9383
ਕਰਨਾਟਕ 582458 469750 8641
ਉੱਤਰਾਖੰਡ 390875 331270 5652
ਗੋਆ 273098 240703 5272
ਪੱਛਮ ਬੰਗਾਲ 250580 219844 4837
ਓਡੀਸ਼ਾ 212609 177585 866
ਤੇਲੰਗਾਨਾ 189283 158690 1116
ਬਿਹਾਰ 180032 166188 892
ਕੇਰਲ 179923 121264 698
ਅਸਾਮ 173629 142297 667
ਹਰਿਆਣਾ 134623 114576 3431
ਰਾਜਸਥਾਨ 130971 109472 1456
ਹਿਮਾਚਲ ਪ੍ਰਦੇਸ਼ 125412 108411 1331
ਮੱਧ ਪ੍ਰਦੇਸ਼ 124166 100012 2242
ਪੰਜਾਬ 111375 90345 3284
ਛੱਤੀਸਗੜ੍ਹ 108458 74537 877
81417 68603 688
ਉੱਤਰਾ ਪ੍ਰਦੇਸ਼ 47502 36646 580
ਗੁਜਰਾਤ 32396 27072 407
ਪੁੱਡੁਚੇਰੀ 26685 21156 515
ਜੰਮੂ ਤੇ ਕਸ਼ਮੀਰ 14457 10607 175
ਚੰਡੀਗੜ੍ਹ 11678 9325 153
ਮਣੀਪੁਰ 10477 7982 64
ਲੱਦਾਖ 4152 3064 58
ਅੰਡਮਾਨ ਤੇ ਨਿਕੋਬਾਰ 3803 3582 53
ਦਿੱਲੀ 3015 2836 2
ਮਿਜੋਰਮ 1958 1459 0

ਸਰੋਤ: ਸਿਹਤ ਤੇ ਪਰਿਵਾਰ ਭਲਾਈ ਮੰਤਰਾਲਾ

11: 30 IST ਨੂੰ ਅਪਡੇਟ ਕੀਤਾ ਗਿਆ

ਪਿੰਡ ਦੇ ਲੋਕਾਂ ਦਾ ਕਹਿਣਾ ਹੈ ਕਿ ਮੁਲੁਗੂ ਜ਼ਿਲ੍ਹਾ ਹੈੱਡਕੁਆਰਟਰ ਤੋਂ ਗੋਦਾਵਰੀ ਨਦੀ ਨੂੰ ਪਾਰ ਕਰਦਿਆਂ ਭੋਪਾਲਪਟਨਮ ਹੁੰਦੇ ਹੋਏ ਆਦੇੜ ਪਿੰਡ ਦਾ ਰਸਤਾ ਤਕਰੀਬ਼ਨ 200 ਕਿਲੋਮੀਟਰ ਹੈ। ਹਾਲਾਂਕਿ ਪੇਰੂਰ ਪਿੰਡ ਸਰਹੱਦ ਨਾਲ ਲੱਗਦਾ ਹੈ। ਪਰ ਲੌਕਡਾਊਨ ਕਾਰਨ ਕੋਈ ਬੱਸ ਨਹੀਂ ਚਲ ਰਹੀ ਸੀ। ਮਜ਼ਦੂਰਾਂ ਲਈ ਕੋਈ ਹੋਰ ਸਾਧਨ ਵੀ ਨਹੀਂ ਸੀ।

ਅਜਿਹੀ ਸਥਿਤੀ ਵਿਚ, ਪਿੰਡ ਦੇ ਸਾਰੇ 12 ਲੋਕਾਂ ਨੇ ਪੈਦਲ ਹੀ ਜੰਗਲ ਦੇ ਰਸਤੇ ਆਦੇੜ ਪਰਤਣ ਦਾ ਫੈਸਲਾ ਕੀਤਾ।

ਜ਼ਿਲ੍ਹਾ ਕੁਲੈਕਟਰ ਕੇ ਡੀ ਕੁੰਜਮ ਦਾ ਕਹਿਣਾ ਹੈ ਕਿ ਪਿੰਡ ਦੇ ਲੋਕ ਲੁਕ-ਛਿਪ ਕੇ ਜੰਗਲ ਦੇ ਰਸਤੇ ਵਿੱਚੋਂ ਲੰਘ ਰਹੇ ਸਨ, ਇਸੇ ਦੌਰਾਨ ਲੜਕੀ ਦੀ ਜੰਗਲ ਵਿੱਚ ਹੀ ਮੌਤ ਹੋ ਗਈ। ਖ਼ਬਰ ਮਿਲਣ ਤੋਂ ਬਾਅਦ ਸਾਰੇ 11 ਲੋਕਾਂ ਨੂੰ ਕੁਆਰੰਟੀਨ ਕਰ ਦਿੱਤਾ ਗਿਆ। ਇਸ ਤੋਂ ਇਲਾਵਾ ਲੜਕੀ ਦੀ ਕੋਰੋਨਾ ਜਾਂਚ ਵੀ ਕੀਤੀ ਗਈ ਹੈ, ਪਰ ਰਿਪੋਰਟ ਨਿਗੇਟਿਵ ਆਈ ਹੈ।

ਇਸ ਦੌਰਾਨ ਰਾਜ ਸਰਕਾਰ ਨੇ ਜਮਲੋ ਮੜਕਮ ਦੇ ਪਰਿਵਾਰਾਂ ਨੂੰ ਮੁੱਖ ਮੰਤਰੀ ਸਹਾਇਤਾ ਫੰਡ ਵਿੱਚੋਂ ਇੱਕ ਲੱਖ ਰੁਪਏ ਦੀ ਵਿੱਤੀ ਸਹਾਇਤਾ ਦੇਣ ਦਾ ਐਲਾਨ ਕੀਤਾ ਹੈ।

ਬੀਜਾਪੁਰ ਦੀ ਪੱਤਰਕਾਰ ਰਾਣੂ ਤਿਵਾੜੀ ਕਹਿੰਦੀ ਹੈ- "12 ਸਾਲਾ ਲੜਕੀ ਨੂੰ ਕੰਮ ਕਰਨ ਲਈ ਦੂਸਰੇ ਰਾਜ ਕਿਉਂ ਜਾਣਾ ਪਿਆ? ਸਕੂਲ ਦੀ ਪੜ੍ਹਾਈ ਦੀ ਉਮਰ ਵਿਚ ਉਸ ਨੂੰ ਪੈਸੇ ਕਮਾਉਣ ਦੀ ਕਿਉਂ ਲੋੜ ਪਈ? ਸਵਾਲ ਬਹੁਤ ਸਾਰੇ ਹਨ। ਜਮਲੋ ਦੀ ਮੌਤ ਦੇ ਕਾਰਨ ਬਾਅਦ ਵਿੱਚ ਸਾਹਮਣੇ ਆਉਣਗੇ। ਹੁਣ ਸਿਰਫ਼ ਇਕ ਚੀਜ਼ ਜੋ ਦਿਖਾਈ ਦੇ ਰਹੀ ਹੈ ਉਹ ਇਹ ਹੈ ਕਿ ਜਮਲੋ ਸਿਸਟਮ ਦੀ ਮੌਤ ਮਾਰੀ ਗਈ ਹੈ।"

ਤਸਵੀਰ ਸਰੋਤ, MoHFW_INDIA

ਇਹ ਵੀ ਦੇਖੋ

(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTERਅਤੇ YouTube 'ਤੇ ਜੁੜੋ।)