'ਜਲਿਆਂਵਾਲਾ ਬਾਗ਼ ਕਤਲੇਆਮ 'ਤੇ ਟੈਰੀਜ਼ਾ ਮੇ ਮੰਗਣ ਮੁਆਫ਼ੀ'

ਜਲਿਆਂਵਾਲਾ ਬਾਗ਼, ਅੰਮ੍ਰਿਤਸਰ

ਤਸਵੀਰ ਸਰੋਤ, NARINDER NANU/Getty Images

ਯੂਕੇ 'ਚ ਭਾਰਤੀ ਮੂਲ ਦੇ ਸਾਂਸਦ ਵਿਰੇਂਦਰ ਸ਼ਰਮਾ ਨੇ ਜਲਿਆਂਵਾਲਾ ਬਾਗ਼ 'ਚ ਕਤਲੇਆਮ ਸਬੰਧੀ ਥਰੀਸਾ ਮੇ ਨੂੰ ਮੁਆਫੀ ਮੰਗਣ ਲਈ ਕਿਹਾ ਹੈ।

ਵਿਰੇਂਦਰ ਸ਼ਰਮਾ ਨੇ '1919 ਦਾ ਜਲਿਆਂਵਾਲਾ ਬਾਗ਼ ਕਤਲੇਆਮ' ਸਿਰਲੇਖ ਹੇਠਾਂ ਆਪਣੇ ਅਰਲੀ ਡੇਅ ਮੋਸ਼ਨ (ਈਡੀਐੱਮ) 'ਤੇ ਹੁਣ ਤੱਕ 5 ਹੋਰ ਬ੍ਰਿਟਿਸ਼ ਸੰਸਦ ਮੈਂਬਰਾਂ ਤੋਂ ਸਹਿਮਤੀ ਲੈ ਲਈ ਹੈ।

'ਥਰੀਸਾ ਮੰਗਣ ਮੁਆਫ਼ੀ'

ਤਸਵੀਰ ਸਰੋਤ, Christopher Furlong/Getty Images

ਬ੍ਰਿਟੇਨ ਦੇ ਭਾਰਤੀ ਮੂਲ ਦੇ ਸੰਸਦ ਮੈਂਬਰਾਂ ਨੇ ਸੰਸਦ ਦੀ ਕਾਰਵਾਈ ਦੌਰਾਨ ਪ੍ਰਧਾਨ ਮੰਤਰੀ ਥਰੀਸਾ ਮੇ ਨੂੰ ਸਾਲ 1919 ਵਿੱਚ ਬ੍ਰਿਟਿਸ਼ ਰਾਜ ਦੌਰਾਨ ਹੋਏ ਜਲਿਆਂਵਾਲਾ ਬਾਗ਼ ਕਤਲੇਆਮ ਸਬੰਧੀ ਮੁਆਫ਼ੀ ਮੰਗਣ ਦੀ ਮੰਗ ਕੀਤੀ ਹੈ।

ਤਸਵੀਰ ਸਰੋਤ, Virendra Sharma/Twitter

ਈਲਿੰਗ ਸਾਊਥਹਾਲ ਦੇ ਐਮਪੀ ਵਿਰੇਂਦਰ ਸ਼ਰਮਾ ਨੇ ਕਿਹਾ ਕਿ, ''ਇਹ ਭਾਰਤ ਵਿੱਚ ਬਰਤਾਨੀਆਂ ਦੇ ਇਤਿਹਾਸ 'ਚ ਜ਼ਰੂਰੀ ਪਲ ਸੀ। ਕਈਆਂ ਨੇ ਸੁਝਾਅ ਦਿੱਤਾ ਹੈ ਕਿ ਇਹ ਅੰਤ ਦਾ ਆਗਾਜ਼ ਸੀ, ਉਹ ਪਲ ਜਿਸਨੇ ਅਜ਼ਾਦੀ ਦੀ ਲਹਿਰ ਨੂੰ ਹੁੰਗਾਰਾ ਦਿੱਤਾ। ਬਰਤਾਨਵੀ ਸਰਕਾਰ ਇਸ ਨਫ਼ਰਤ ਭਰੇ ਕਾਰੇ 'ਤੇ ਆਪਣਾ ਪੱਖ ਰੱਖੇ।''

ਅੰਮ੍ਰਿਤਸਰ ਦੇ ਜਲਿਆਵਾਲਾ ਬਾਗ਼ 'ਚ ਵਿਸਾਖੀ ਵਾਲੇ ਦਿਨ ਸਾਲ 1919 'ਚ ਕਤਲੇਆਮ ਹੋਇਆ ਸੀ।

ਇਸ ਦੌਰਾਨ ਬ੍ਰਿਟਿਸ਼ ਭਾਰਤੀ ਫ਼ੌਜ ਨੇ ਜਨਰਲ ਡਾਇਰ ਦੇ ਹੁਕਮਾਂ 'ਤੇ ਨਿਹੱਥੇ ਲੋਕਾਂ 'ਤੇ ਗੋਲੀਆਂ ਚਲਾਈਆਂ ਸਨ।

ਤਸਵੀਰ ਸਰੋਤ, NARINDER NANU/Getty Images

ਇਸ ਦੌਰਾਨ ਹਜਾਰਾਂ ਜਾਨਾਂ ਗਈਆਂ ਤੇ ਕਈ ਜ਼ਖਮੀਂ ਵੀ ਹੋਏ ਸਨ।

ਅਰਲੀ ਡੇਅ ਮੋਸ਼ਨ ਨੇ ਹਾਉਸ ਆਫ਼ ਕਾਮਨਜ਼ ਨੂੰ ਜਲਿਆਂਵਾਲਾ ਬਾਗ਼ ਕਤਲੇਆਮ ਦੇ ਮਹੱਤਵ ਨੂੰ ਭਾਰਤ 'ਚ ਬ੍ਰਿਟਿਸ਼ ਸਾਮਰਾਜ ਦੇ ਇਤਿਹਾਸ 'ਚ ਇੱਕ ਟਰਨਿੰਗ ਪੁਆਇੰਟ ਵਜੋਂ ਪਛਾਨਣ ਲਈ ਕਿਹਾ ਹੈ।

ਟਰੂਡੋ ਵੀ ਮੰਗ ਚੁੱਕੇ ਹਨ ਮੁਆਫੀ

ਕਨੇਡਾ ਦੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਕਾਮਾਗਾਟਾ ਮਾਰੂ ਕਾਂਡ ਲਈ ਹਾਊਸ ਆਫ਼ ਕਾਮਨਜ਼ ਵਿੱਚ ਮੁਆਫ਼ੀ ਮੰਗ ਚੁੱਕੇ ਹਨ।

ਤਸਵੀਰ ਸਰੋਤ, Drew Angerer/Getty Images

ਮੁਆਫ਼ੀ ਮੰਗਣ ਸਬੰਧੀ ਉਨ੍ਹਾਂ ਪੁਰਾਣੀ ਮੰਗ ਨੂੰ ਮੰਨ ਕੇ ਪੰਜਾਬੀਆਂ ਦਾ ਦਿਲ ਜਿੱਤ ਲਿਆ ਸੀ।

(ਬੀਬੀਸੀ ਪੰਜਾਬੀ ਦੇ ਫੇਸਬੁੱਕ ਪੰਨੇ ਉੱਤੇ ਜਾਣ ਲਈ ਇੱਥੇ ਕਲਿੱਕ ਕਰੋ ਇਸੇ ਤਰ੍ਹਾਂ ਲਿੰਕ ਉੱਤੇ ਕਲਿੱਕ ਕਰਕੇ ਇੰਸਟਾਗਰਾਮ ਪੰਨਾ ਦੇਖੋ।)