ਅੰਡਰ-19 ਏਸ਼ੀਆ ਕੱਪ: ਅਫ਼ਗਾਨਿਸਤਾਨ ਨੇ ਪਾਕਿਸਤਾਨ ਨੂੰ ਦਿੱਤੀ ਕਰਾਰੀ ਹਾਰ

Afganistan Image copyright ICC (@ICC) Twitter

ਕੁਆਲਾ ਲੰਮਪੁਰ ਅੰਡਰ-19 ਕ੍ਰਿਕਟ ਏਸ਼ੀਆ ਕੱਪ 'ਚ ਪਹਿਲੀ ਵਾਰ ਖੇਡਦਿਆਂ ਅਫ਼ਗਾਨਿਸਤਾਨ ਦੀ ਟੀਮ ਪਾਕਿਸਤਾਨ ਨੂੰ 185 ਦੌੜਾਂ ਨਾਲ ਹਰਾ ਕੇ ਚੈਂਪੀਅਨ ਬਣ ਗਈ ਹੈ।

ਕਿਨਰਾਰਾ ਅਕਾਦਮੀ ਓਵਲ 'ਚ ਹੋਏ ਇਸ ਮੁਕਾਬਲੇ ਦੌਰਾਨ ਅਫ਼ਗਾਨਿਸਤਾਨ ਨੇ 7 ਵਿਕਟਾਂ ਗਵਾ ਕੇ 248 ਦੌੜਾਂ ਦਾ ਟੀਚਾ ਦਿੱਤਾ।

ਇਸ ਦੇ ਜਵਾਬ ਵਿੱਚ ਪਾਕਿਸਤਾਨ ਦੀ ਟੀਮ 22.1 ਓਵਰਾਂ 'ਚ ਸਿਰਫ਼ 63 ਦੌੜਾਂ ਬਣਾ ਕੇ ਹੀ ਆਲ ਆਊਟ ਹੋ ਗਈ।

ਭਗਵੰਤ ਮਾਨ ਨੇ ਕੀਤੀ ਜਗਤਾਰ ਦੇ ਕਨੂੰਨੀ ਹੱਕਾਂ ਦੀ ਗੱਲ

ਜਗਤਾਰ ਜੌਹਲ ਕੇਸ:'ਸਾਡੇ ਨਾਲ ਪੁਲਿਸ ਨੇ ਧੱਕਾ ਕੀਤਾ'

ਅਫ਼ਗਾਨਿਸਤਾਨ ਵੱਲੋਂ ਇਕਰਮ ਫ਼ੈਜ਼ੀ ਨੇ ਬੇਹਤਰੀਨ ਪ੍ਰਦਰਸ਼ਨ ਕਰਦਿਆਂ 107 ਦੌੜਾਂ ਬਣਾਈਆਂ।

ਮੁਜੀਬ ਨੇ ਜ਼ਬਰਦਸਤ ਗੇਂਦਬਾਜ਼ੀ ਕਰਦਿਆਂ ਸਿਰਫ਼ 13 ਦੌੜਾਂ ਦੇ ਕੇ ਪਾਕਿਸਤਾਨ ਦੀਆਂ 5 ਵਿਕਟਾਂ ਹਾਸਿਲ ਕੀਤੀਆਂ।

ਮੁਜੀਬ ਨੇ ਏਸ਼ੀਆ ਕੱਪ ਵਿੱਚ ਖੇਡੇ 5 ਮੈਚਾਂ ਦੌਰਾਨ 20 ਵਿਕਟਾਂ ਹਾਸਿਲ ਕੀਤੀਆਂ।

ਪਾਕਿਸਤਾਨ ਦੀ ਟੀਮ ਦਾ ਪ੍ਰਦਰਸ਼ਨ ਇੰਨ੍ਹਾਂ ਨਿਰਾਸ਼ਾਜਨਕ ਸੀ ਕਿ ਸਿਰਫ਼ ਟੀਮ ਦੇ ਕਪਤਾਨ ਹਸਨ ਖ਼ਾਨ ਅਤੇ ਬੱਲੇਬਾਜ਼ ਤਾਹਾ ਹੀ ਦਹਾਕੇ ਅੰਕੜਾ ਬਣਾ ਸਕੇ।

ਕਿਵੇਂ ਬਾਈਕ ਸਵਾਰ ਕੁੜੀਆਂ ਨੇ ਜਾਣੀਆਂ ਗੁਜਰਾਤ ਦੀਆਂ ਮੁਸ਼ਕਿਲਾਂ?

ਮੈਚ ਦੀ ਸ਼ੁਰੂਆਤ 'ਚ ਅਫ਼ਗਾਨਿਸਤਾਨ ਨੇ ਵਧੀਆ ਖੇਡ ਦਿਖਾਇਆ। ਰਹਿਮਾਨੁੱਲਾਹ ਗੁਰਬਾਜ਼ ਅਤੇ ਇਬਰਾਹਿਮ ਜ਼ਦਰਾਨ ਦੀ ਜੋੜੀ ਨੇ 108 ਗੇਂਦਾਂ 'ਤੇ 61 ਦੌੜਾਂ ਬਣਾਈਆਂ।

ਫ਼ੇਜ਼ੀ ਨੇ ਆਪਣੀ 107 ਦੌੜਾਂ ਦੀ ਪਾਰੀ ਵਿੱਚ 10 ਚੌਕੇ ਅਤੇ 2 ਛੱਕੇ ਵੀ ਮਾਰੇ।

(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTERਅਤੇ YouTube 'ਤੇ ਜੁੜੋ।)