ਧੀ ਦੇ 21ਵੇਂ ਜਨਮਦਿਨ ’ਤੇ ਮਿਲੇ ਮਰਹੂਮ ਪਿਤਾ ਵੱਲੋਂ ਆਖ਼ਰੀ ਵਾਰ ਫੁੱਲ

ਆਖ਼ਰੀ ਗੁਲਦਸਤਾ Image copyright Twitter

ਬੇਇਲੀ ਸੇਲਰਸ ਦਾ 21ਵਾਂ ਜਨਮ ਦਿਨ ਬੇਹੱਦ ਉਦਾਸੀ ਨਾਲ ਭਰਿਆ ਹੋਇਆ ਹੈ ਕਿਉਂਕਿ ਉਸ ਨੂੰ ਆਪਣੇ ਮਰਹੂਮ ਪਿਤਾ ਵੱਲੋਂ ਭੇਜਿਆ ਹੋਇਆ ਫੁੱਲਾਂ ਦਾ ਆਖ਼ਰੀ ਗੁਲਦਸਤਾ ਮਿਲਿਆ ਹੈ।

ਬੀਬੀਸੀ ਨਿਊਜ਼ਬੀਟ ਦੀ ਖ਼ਬਰ ਮੁਤਾਬਕ ਬੇਇਲੀ ਦੇ ਪਿਤਾ ਨੇ ਹਰ ਸਾਲ ਫੁੱਲਾਂ ਦੀ ਡਿਲਿਵਰੀ ਲਈ ਪਹਿਲਾਂ ਹੀ ਅਦਾਇਗੀ ਕੀਤੀ ਹੋਈ ਸੀ ਜਦੋਂ ਉਹ ਸਿਰਫ਼ 16 ਸਾਲ ਦੀ ਸੀ। ਕਰੀਬ ਉਸੇ ਸਾਲ ਉਸ ਦੇ ਪਿਤਾ ਦੀ ਕੈਂਸਰ ਨਾਲ ਮੌਤ ਹੋ ਗਈ ਸੀ।

ਪਿਛਲੇ ਪੰਜ ਸਾਲਾਂ ਤੋਂ ਫੁੱਲਾਂ ਦੇ ਗੁਲਦਸਤਿਆਂ ਦੇ ਨਾਲ ਬੇਇਲੀ ਨੂੰ ਇੱਕ ਨੋਟ ਵੀ ਮਿਲ ਰਿਹਾ ਸੀ।

'ਵਿਸਕੀ ਬਣਾਉਂਦੀ ਲੜਾਕਾ, ਬੀਅਰ ਕਰਦੀ ਬੇਫਿਕਰ'

'ਮੇਰੇ ਬੱਚੇ ਦੀਆਂ ਅੱਖਾਂ ਮੇਰੇ ਬਲਾਤਕਾਰੀ ਵਰਗੀਆਂ'

ਇਸ ਸਾਲ ਦੇ ਸੰਦੇਸ਼ 'ਚ ਪਿਤਾ ਨੇ ਕਿਹਾ: "ਮੈਂ ਹਰ ਮੁਕਾਮ ਤੇ ਤੁਹਾਡੇ ਨਾਲ-ਨਾਲ ਹਾਂ, ਆਪਣੇ ਆਲੇ-ਦੁਆਲੇ ਵੇਖੋ, ਮੈਂ ਕੋਲ ਹੀ ਹਾਂ।"

ਟਵਿੱਟਰ 'ਤੇ ਇੱਕ ਦੁਖਦਾਈ ਪੋਸਟ 'ਚ ਅਮਰੀਕਾ ਦੇ ਨੋਕਸਵਿਲੇ ਦੀ ਰਹਿਣ ਵਾਲੀ ਬੇਇਲੀ ਨੇ ਦੱਸਿਆ ਕਿ ਉਸ ਦੇ 'ਅਮੇਜ਼ਿੰਗ' (ਚਮਤਕਾਰੀ) ਪਿਤਾ ਨੇ ਹੋਰ ਕੀ ਕੀਤਾ ਸੀ: "ਡੈਡੀ ਮੈਂ ਤੁਹਾਨੂੰ ਬਹੁਤ ਮਿਸ ਕਰਦੀ ਹਾਂ।"

Image copyright Twitter

ਉਸ ਨੇ ਆਪਣੇ ਬਚਪਨ ਦੀ ਪੁਰਾਣੀ ਤਸਵੀਰ, ਚਿੱਠੀ ਅਤੇ ਫੁੱਲਾਂ ਦਾ ਗੁਲਦਸਤਾ ਪੋਸਟ ਕੀਤਾ।

ਉਸ ਦੇ ਪਿਤਾ ਨੇ ਨੋਟ ਵਿੱਚ ਲਿਖਿਆ: "ਇਹ ਮੇਰਾ ਆਖ਼ਰੀ ਪਿਆਰ ਪੱਤਰ (ਲਵ ਲੈਟਰ) ਹੈ ਜਦੋਂ ਤੱਕ ਅਸੀਂ ਦੁਬਾਰਾ ਨਹੀਂ ਮਿਲਦੇ।"

"ਮੇਰੀ ਬੱਚੀ, ਮੈਂ ਨਹੀਂ ਚਾਹੁੰਦਾ ਕਿ ਤੂੰ ਮੇਰੀ ਯਾਦ ਵਿੱਚ ਇੱਕ ਵੀ ਅੱਥਰੂ ਵਹਾਏ, ਕਿਉਂਕਿ ਮੈਂ ਇੱਕ ਬਿਹਤਰ ਥਾਂ 'ਤੇ ਹਾਂ."

Image copyright Twitter

ਬਹੁਤ ਸਾਰੇ ਲੋਕਾਂ ਨੇ ਜਵਾਬ ਦਿੱਤੇ, ਜਿਸ ਵਿੱਚ @thesn0wmexican ਨੇ ਲਿਖਿਆ: "ਇਹ ਦੇਖ ਕੇ ਮੈਨੂੰ ਮੇਰੀਆਂ ਅੱਖਾਂ ਵਿਚੋਂ ਪਾਣੀ ਆ ਗਿਆ, ਮੈਨੂੰ ਤੁਹਾਡੇ ਪਿਤਾ ਦੀ ਮੌਤ ਲਈ ਬਹੁਤ ਅਫ਼ਸੋਸ ਹੈ, ਇਹ ਦੋਵੇਂ ਉਦਾਸ ਅਤੇ ਦਿਲ ਹੌਲਾ ਕਰਨ ਵਾਲੇ ਹਨ ਕਿ ਉਨ੍ਹਾਂ ਨੇ ਤੁਹਾਡੇ ਲਈ ਇਹ ਕੀਤਾ ਹੈ।"

ਬੇਇਲੀ ਨੇ ਜਵਾਬ ਦਿੱਤਾ: "ਮੈਂ ਜਾਣਦੀ ਹਾਂ। ਹਰ ਸਾਲ ਮੈਂ ਆਪਣੇ ਜਨਮ ਦਿਨ ਦੀ ਉਡੀਕ ਕਰਦੀ ਸੀ ਕਿਉਂਕਿ ਮੈਂ ਮਹਿਸੂਸ ਕਰਦੀ ਸੀ ਕਿ ਉਹ ਅਜੇ ਵੀ ਮੇਰੇ ਨਾਲ ਇੱਥੇ ਹੀ ਹਨ ਪਰ ਇਸ ਸਾਲ ਇਹ ਆਖ਼ਰੀ ਵਾਰ ਹੈ, ਇਸ ਲਈ ਇਹ ਬਹੁਤ ਦਿਲ ਬੇਹੱਦ ਉਦਾਸ ਹੈ।"

(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTERਅਤੇ YouTube 'ਤੇ ਜੁੜੋ।)

ਸਬੰਧਿਤ ਵਿਸ਼ੇ