ਯੇਰੋਸ਼ਲਮ ਮਾਮਲਾ: ਹਮਾਸ ਵੱਲੋਂ ਇੰਤੀਫਾਦਾ ਦਾ ਐਲਾਨ

ਗਾਜ਼ਾ Image copyright SAID KHATIB/AFP/Getty Images
ਫੋਟੋ ਕੈਪਸ਼ਨ ਹਮਾਸ ਦੇ ਮੁਖੀ ਇਸਮਾਈਲ ਹਨੀਏਹ

ਅਮਰੀਕਾ ਵੱਲੋਂ ਯੇਰੋਸ਼ਲਮ ਨੂੰ ਇਜ਼ਰਾਈਲ ਦੀ ਰਾਜਧਾਨੀ ਐਲਾਨੇ ਜਾਣ ਤੋਂ ਬਾਅਦ ਫਿਲਿਸਤੀਨ ਦੇ ਕੱਟੜਪੰਥੀ ਸੰਗਠਨ ਹਮਾਸ ਨੇ ਨਵੇਂ ਇੰਤੀਫਾਦਾ ਜਾਂ ਬਗਾਵਤ ਦਾ ਐਲਾਨ ਕੀਤਾ ਹੈ।

ਗਾਜ਼ਾ 'ਚ ਸੰਗਠਨ ਦੇ ਮੁਖੀ ਇਸਮਾਈਲ ਹਨੀਏਹ ਨੇ ਵੀਰਵਾਰ ਨੂੰ ਪ੍ਰੈੱਸ ਕਾਨਫਰੰਸ ਕੀਤੀ। ਵੈਸਟ ਬੈਂਕ ਅਤੇ ਗਾਜ਼ਾ ਪੱਟੀ 'ਚ ਇੱਕ ਦਿਨ ਦਾ ਰੋਸ ਪ੍ਰਦਰਸ਼ਨ ਕੀਤਾ ਗਿਆ।

ਕੀ ਹੈ ਇੰਤੀਫਾਦਾ?

ਇੰਤੀਫਾਦਾ ਸ਼ਬਦ ਅਰਬੀ ਭਾਸ਼ਾ ਤੋਂ ਲਿਆ ਗਿਆ ਹੈ। ਇਸਦਾ ਸ਼ਬਦੀ ਅਰਥ ਹੈ ਕਾਂਬਾ ਜਾਂ ਝਟਕਾ। ਹਾਲਾਂਕਿ ਹਮਾਸ ਵੱਲੋਂ ਇੰਤੀਫਾਦਾ ਦੇ ਐਲਾਨ ਦਾ ਮਤਲਬ ਬਗਾਵਤ ਹੈ। ਇਜ਼ਰਾਈਲ ਦੇ ਕਬਜ਼ੇ ਤੋਂ ਬਾਅਦ ਪਹਿਲਾ ਇੰਤੀਫਾਦਾ ਸਾਲ 1987 ਤੋਂ 1993 ਤੱਕ ਚੱਲਿਆ ਅਤੇ ਦੂਜਾ ਇੰਤੀਫਾਦਾ ਸਾਲ 2000 ਵਿੱਚ ਸ਼ੁਰੂ ਹੋਇਆ।

ਯੇਰੋਸ਼ਲਮ ਇਜ਼ਰਾਈਲ ਦੀ ਰਾਜਧਾਨੀ: ਡੌਨਲਡ ਟਰੰਪ

ਕੀ ਹੈ ਯੇਰੋਸ਼ਲਮ ਦੀ ਧਾਰਮਿਕ ਮਹੱਤਤਾ?

Image copyright JAAFAR ASHTIYEH/AFP/Getty Images
ਫੋਟੋ ਕੈਪਸ਼ਨ ਵੈਸਟ ਬੈਂਕ ਸਿਟੀ 'ਚ ਅਮਰੀਕੀ ਰਾਸ਼ਟਰਪਤੀ ਖ਼ਿਲਾਫ਼ ਫਿਲਿਸਤੀਨੀਆਂ ਦਾ ਪ੍ਰਦਰਸ਼ਨ

ਇਸ ਦੇ ਉਲਟ ਇਲਜ਼ਾਰਾਈਲ ਦੇ ਪ੍ਰਧਾਨਮੰਤਰੀ ਬਿਨਿਆਮਿਨ ਨੇਤਨਯਾਹੂ ਨੇ ਅਮਰੀਕੀ ਰਾਸ਼ਟਰਪਤੀ ਡੌਨਲਡ ਟਰੰਪ ਦੇ ਐਲਾਨ ਨੂੰ ਇਤਿਹਾਸਕ ਦਿਨ ਕਿਹਾ ਹੈ।

ਹਾਲਾਂਕਿ ਅਮਰੀਕੀ ਰਾਸ਼ਟਰਪਤੀ ਦੇ ਐਲਾਨ ਦੀ ਵੱਡੇ ਪੱਧਰ 'ਤੇ ਨਿੰਖੇਧੀ ਹੋ ਰਹੀ ਹੈ। ਅਮਰੀਕਾ ਦੇ ਰਵਾਇਤੀ ਸਾਥੀ ਬ੍ਰਿਟੇਨ, ਫਰਾਂਸ ਅਤੇ ਸਾਊਦੀ ਅਰਬ ਨੇ ਵੀ ਟਰੰਪ ਦੇ ਕਦਮ ਦੀ ਨਿਖੇਧੀ ਕੀਤੀ ਹੈ।

ਸ਼ਨੀਵਾਰ ਨੂੰ ਅਰਬ ਲੀਗ ਨੇ ਐਮਰਜੰਸੀ ਮੀਟਿੰਗ ਸੱਦੀ ਹੈ। ਦੂਜੇ ਪਾਸੇ ਸ਼ੁੱਕਰਵਾਰ ਨੂੰ ਸੰਯੁਕਤ ਰਾਸ਼ਟਰ ਸੁਰੱਖਿਆ ਕੌਂਸਲ ਇੱਕ ਬੈਠਕ ਸੱਦੇਗੀ।

(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTERਅਤੇ YouTube 'ਤੇ ਜੁੜੋ।)