ਉੱਤਰੀ ਕੋਰੀਆ: ਕਲੰਡਰ ਤੋਂ ਕਿਮ ਜੋਂਗ ਉਨ ਦਾ ਜਨਮ ਦਿਨ ਗਾਇਬ ਕਿਉਂ?

KIM JONG UN Image copyright KCNA
ਫੋਟੋ ਕੈਪਸ਼ਨ ਕਿਮ ਜੋਂਗ-ਉਨ ਤੇ ਡੇਨਿਸ ਰੋਡਮੈਨ ਸਾਲ 2014 'ਚ ਉੱਤਰ ਕੋਰੀਆ ਦੇ ਇੱਕ ਆਗੂ ਦੀ ਕਥਿਤ ਜਨਮ ਦਿਨ ਪਾਰਟੀ ਵਿੱਚ।

ਉੱਤਰੀ ਕੋਰੀਆ ਦੇ ਸ਼ਾਸਕ ਕਿਮ ਜੋਂਗ-ਉਨ ਨੂੰ ਜਿੱਥੇ ਦੁਨੀਆਂ ਇੱਕ ਦਿਨ ਲਈ ਵੀ ਨਹੀਂ ਭੁੱਲਦੀ ਉੱਥੇ ਉਨ੍ਹਾਂ ਦੇ ਦੇਸ ਵਿੱਚ ਉਨ੍ਹਾਂ ਦਾ ਜਨਮ ਦਿਨ ਕਲੰਡਰ ਤੋਂ ਗਾਇਬ ਹੈ।

ਉੱਤਰੀ ਕੋਰੀਆ ਵਿੱਚ ਨਵੇਂ ਸਾਲ ਲਈ ਜਾਰੀ ਹੋਏ ਕਲੰਡਰ ਵਿੱਚ ਕਿਮ ਜੋਂਗ-ਉਨ ਦੇ ਜਨਮ ਦਿਨ ਦਾ ਜ਼ਿਕਰ ਹੀ ਨਹੀਂ ਹੈ।

ਮੰਨਿਆ ਜਾਂਦਾ ਹੈ ਕਿ ਕਿਮ ਜੋਂਗ ਦਾ ਜਨਮ ਦਿਨ 8 ਜਨਵਰੀ ਨੂੰ ਹੈ, ਪਰ ਉੱਤਰੀ ਕੋਰੀਆ ਵਿੱਚ ਟੋਕੀਓ ਬ੍ਰਾਡਕਾਸਟਿੰਗ ਸਿਸਟਮ (ਟੀਬੀਐੱਸ) 'ਤੇ ਦਿਖਾਏ ਗਏ ਸਾਲ 2018 ਦੇ ਕਲੰਡਰ ਵਿੱਚ ਇਸ ਦਿਨ ਨੂੰ ਆਮ ਕੰਮ ਵਾਲਾ ਦਿਹਾੜਾ ਦਿਖਾਇਆ ਗਿਆ ਹੈ।

ਕਿਮ ਜੋਂਗ ਉਨ ਨੂੰ ਸਭ ਤੋਂ ਵੱਧ ਭੈਣ ’ਤੇ ਭਰੋਸਾ ਕਿਉਂ?

70 ਸਾਲ ਪੁਰਾਣੀ ਹੈ ਉੱਤਰੀ ਕੋਰੀਆ 'ਤੇ ਅਮਰੀਕਾ ਦੀ ਦੁਸ਼ਮਣੀ

ਉੱਤਰੀ ਕੋਰੀਆ ਦੇ ਸਾਬਕਾ ਸ਼ਾਸਕਾਂ ਦੇ ਜਨਮ ਦਿਨ ਨੂੰ ਵੀ ਕਲੰਡਰ 'ਤੇ ਦਿਖਾਇਆ ਜਾਂਦਾ ਹੈ ਅਤੇ ਉਹ ਕੌਮੀ ਛੁੱਟੀ ਦੇ ਤੌਰ 'ਤੇ ਮਨਾਏ ਜਾਂਦੇ ਹਨ।

ਕਿਮ ਜੋਂਗ ਉਨ ਦੇ ਪਿਤਾ ਕਿਮ ਜੋਂਗ-ਇਲ ਦਾ ਜਨਮ ਦਿਨ ਹਰ ਸਾਲ 16 ਫਰਵਰੀ ਨੂੰ ਸ਼ਾਈਨਿੰਗ ਸਟਾਰ ਦੇ ਦਿਨ ਦੇ ਤੌਰ 'ਤੇ ਮਨਾਇਆ ਜਾਂਦਾ ਹੈ।

Image copyright TBS

ਉੱਥੇ ਹੀ ਉਨ੍ਹਾਂ ਦੇ ਦਾਦਾ ਕਿਮ ਇਲ-ਸੁੰਗ ਦਾ ਜਨਮ ਦਿਨ 11 ਅਪ੍ਰੈਲ ਨੂੰ ਸੂਰਜ ਦੇ ਦਿਨ ਦੇ ਤੌਰ 'ਤੇ ਮਨਾਇਆ ਜਾਂਦਾ ਹੈ।

ਕਿਮ ਜੋਂਗ ਦੇ ਪਿਤਾ ਅਤੇ ਦਾਦਾ ਦੇ ਵੇਲੇ ਤੋਂ ਇਹ ਦੋਵੇਂ ਦਿਨ ਕੌਮੀ ਛੁੱਟੀ ਮੰਨੇ ਜਾਂਦੇ ਹਨ, ਪਰ ਇਸ ਵਾਰੀ ਹੈਰਾਨੀ ਦੀ ਗੱਲ ਇਹ ਹੈ ਕਿ ਉੱਤਰੀ ਕੋਰੀਆ ਵਿੱਚ ਕਿਮ ਜੋਂਗ ਦੇ ਜਨਮ ਦਿਨ 'ਤੇ ਛੁੱਟੀ ਐਲਾਨੀ ਨਹੀਂ ਗਈ ਹੈ।

ਹਾਲਾਂਕਿ ਕਿਮ ਜੋਂਗ ਦੇ ਜਨਮ ਦਿਨ ਨੂੰ ਲੈ ਕੇ ਭਰਮ ਬਣਿਆ ਰਹਿੰਦਾ ਹੈ।

ਪਤਨੀ ਨਾਲ ਬਿਊਟੀ ਪ੍ਰੋਡਕਟ ਦੇਖਦੇ ਕਿਮ ਜੋਂਗ

ਕਿਸ ਨੇ ਘੜੀ ਕਿਮ ਜੋਂਗ ਨੂੰ ਮਾਰਨ ਦੀ ਸਾਜਿਸ਼

ਉੱਤਰੀ ਕੋਰੀਆ ਵਿੱਚ ਉਨ੍ਹਾਂ ਦੇ ਜਨਮ ਦਿਨ ਦਾ ਉਦੋਂ ਪਤਾ ਲੱਗਿਆ ਜਦੋਂ ਸਾਲ 2014 ਵਿੱਚ ਬਾਸਕੇਟਬਾਲ ਖਿਡਾਰੀ ਡੇਨਿਸ ਰੋਡਮੈਨ ਨੇ ਪਿਓਂਗਯਾਂਗ ਵਿੱਚ ਇੱਕ ਪ੍ਰਦਰਸ਼ਨੀ ਮੈਚ ਤੋਂ ਬਾਅਦ ਉਨ੍ਹਾਂ ਲਈ 'ਹੈੱਪੀ ਬਰਥਡੇ' ਗਾਣਾ ਗਾਇਆ ਸੀ।

ਫੌਜ ਤੋਂ ਲੈ ਕੇ ਬਜ਼ਾਰ ਤੱਕ

ਸਾਲ 2018 ਦਾ ਇਹ ਕਲੰਡਰ ਉੱਤਰੀ ਕੋਰੀਆ ਦੇ ਹੋਟਲ ਅਤੇ ਬੁਕਸਟੋਰਸ ਦੇ ਨਾਲ-ਨਾਲ ਵਿਦੇਸ਼ਾਂ ਦੇ ਕੁਝ ਉੱਤਰੀ ਕੋਰੀਆ ਦੇ ਰੈਸਟੋਰੈਂਟਸ ਵਿੱਚ ਵੀ ਮਿਲਦਾ ਹੈ।

ਕਿਮ ਜੋਂਗ-ਉਨ ਦੇ ਜਨਮ ਦਿਨ ਦਾ ਜ਼ਿਕਰ ਨਾ ਹੋਣ ਤੋਂ ਇਲਾਵਾ ਇਸ ਕਲੰਡਰ ਵਿੱਚ ਇੱਕ ਹੋਰ ਬਦਲਾਅ ਆਇਆ ਹੈ।

Image copyright TBS

ਉੱਤਰੀ ਕੋਰੀਆ ਦਾ ਕਲੰਡਰ ਪਹਿਲਾਂ ਫੌਜ ਅਤੇ ਕਿਮ ਜੋਂਗ ਉਨ ਦੇ ਪਰਿਵਾਰ ਦੀਆਂ ਤਸਵੀਰਾਂ ਨਾਲ ਭਰਿਆ ਹੁੰਦਾ ਸੀ।

ਸਿਓ-ਅਧਾਰਿਤ ਡੇਲੀ ਐੱਨ ਕੇ ਮੁਤਾਬਕ ਇਸ ਸਾਲ ਦੇ ਕਲੰਡਰ ਵਿੱਚ ਉੱਤਰੀ ਕੋਰੀਆ ਦੇ ਉਤਪਾਦਾਂ, ਲੈਂਡਸਕੇਪਸ ਅਤੇ ਵਿਅੰਜਨਾਂ ਨੂੰ ਜ਼ਿਆਦਾ ਦਿਖਾਇਆ ਗਿਆ ਹੈ।

ਡੇਲੀ ਐੱਨ ਕੇ ਨੇ ਕਿਹਾ ਕਿ ਇਸ ਤੋਂ ਪਤਾ ਚਲਦਾ ਹੈ ਕਿ ਪਹਿਲਾਂ ਦੇ 'ਪ੍ਰੋਪੇਗੈਂਡਾ ਕਲੰਡਰਸ' ਦੀ ਵਿਕਰੀ ਘੱਟ ਗਈ ਸੀ।

(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTERਅਤੇ YouTube 'ਤੇ ਜੁੜੋ।)