'ਚੀਨ ਉੱਤਰੀ ਕੋਰੀਆ ਨੂੰ ਤੇਲ ਸਪਲਾਈ ਕਰਦਾ ਰੰਗੇ ਹੱਥੀ ਫੜਿਆ ਗਿਆ'

The Lighthouse Winmore, chartered by Taiwanese company Billions Bunker Group Corp., is seen at sea off South Korea"s Yeosu port on December 29, 2017. Image copyright AFP
ਫੋਟੋ ਕੈਪਸ਼ਨ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਤੇਲ ਨਾਲ ਭਰੀ ਲਾਈਟਹਾਊਸ ਵਿਨਮੋਰ ਜੋ ਤਾਈਵਾਨ ਜਾਣੀ ਸੀ, ਪਰ ਕਦੇ ਉੱਥੇ ਪਹੁੰਚੀ ਨਹੀਂ

ਦੱਖਣੀ ਕੋਰੀਆ ਨੇ ਇਹ ਖੁਲਾਸਾ ਕੀਤਾ ਹੈ ਕਿ ਉਨ੍ਹਾਂ ਨੇ ਪਿਛਲੇ ਮਹੀਨੇ ਹਾਂਗਕਾਂਗ ਦੇ ਇੱਕ ਰਜਿਸਟਰਡ ਜਹਾਜ਼ ਨੂੰ ਜ਼ਬਤ ਕੀਤਾ ਹੈ।

ਸ਼ੱਕ ਜਤਾਇਆ ਜਾ ਰਿਹਾ ਹੈ ਕਿ ਕੌਮਾਂਤਰੀ ਨਿਯਮਾਂ ਨੂੰ ਛਿੱਕੇ ਟੰਗ ਕੇ ਇਹ ਜਹਾਜ਼ ਉੱਤਰੀ ਕੋਰੀਆ ਨੂੰ ਤੇਲ ਦੀ ਸਪਲਾਈ ਕਰਨ ਜਾ ਰਿਹਾ ਸੀ।

ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਲਾਈਟਹਾਊਸ ਵਿਨਮੋਰ ਨੇ ਗੁਪਤ ਤਰੀਕੇ ਨਾਲ 600 ਟਨ ਰਿਫਾਈਂਡ ਤੇਲ ਨੂੰ ਉੱਤਰੀ ਕੋਰੀਆ ਦੇ ਸਮੁੰਦਰੀ ਜਹਾਜ਼ ਜ਼ਰੀਏ ਭੇਜਿਆ ਸੀ।

ਇਹ ਪਾਬੰਦੀਆਂ 'ਜੰਗੀ ਕਾਰਵਾਈ': ਉੱਤਰ ਕੋਰੀਆ

ਉੱਤਰੀ ਕੋਰੀਆ: ਨਵੇਂ ਪੱਧਰ 'ਤੇ ਪਹੁੰਚਿਆ ਸੰਕਟ!

ਸੰਯੁਕਤ ਰਾਸ਼ਟਰ ਸੁਰੱਖਿਆ ਕੌਂਸਲ ਦੇ ਇੱਕ ਮਤੇ ਮੁਤਾਬਕ ਪਾਓਂਗਯਾਂਗ ਲਈ ਕਿਸੇ ਵੀ ਮਾਲ ਦੀ ਕਿਸ਼ਤੀ ਬਦਲੇ ਕਿਸ਼ਤੀ ਬਦਲਣ ਦੀ ਪਾਬੰਦੀ ਹੈ।

ਇਹ ਖੁਲਾਸਾ ਚੀਨ ਵੱਲੋਂ ਅਮਰੀਕੀ ਰਾਸ਼ਟਰਪਤੀ ਡੌਨਾਲਡ ਟਰੰਪ ਦੇ ਦਾਅਵਿਆਂ ਨੂੰ ਖਾਰਿਜ ਕਰਨ ਤੋਂ ਬਾਅਦ ਹੋਇਆ ਹੈ, ਜਿਸ ਵਿੱਚ ਉਨ੍ਹਾਂ ਕਿਹਾ ਸੀ ਕਿ ਚੀਨ ਨੇ ਤੇਲ ਦੇ ਭਰੇ ਜਹਾਜ਼ ਉੱਤਰ ਕੋਰੀਆ ਨੂੰ ਬਰਾਮਦ ਕਰਨ ਦੀ ਇਜਾਜ਼ਤ ਦਿੱਤੀ ਹੈ।

ਜਹਾਜ਼ ਦਾ ਬਦਲਿਆ ਰੂਟ

ਯੋਨਹੈਪ ਨਿਊਜ਼ ਏਜੰਸੀ ਮੁਤਾਬਕ ਇਹ ਜਹਾਜ਼ 11 ਅਕਤੂਬਰ ਨੂੰ ਦੱਖਣੀ ਕੋਰੀਆ ਵਿੱਚ ਯੂਓਸੋ ਬੰਦਰਗਾਹ ਵਿੱਚ ਦਾਖ਼ਲ ਹੋਇਆ ਸੀ, ਜਿਸ ਵਿੱਚ ਰਿਫਾਈਂਡ ਤੇਲ ਨਾਲ ਭਰਿਆ ਗਿਆ ਅਤੇ ਚਾਰ ਦਿਨ ਬਾਅਦ ਤਾਈਵਾਨ ਲਈ ਰਵਾਨਾ ਹੋ ਗਿਆ।

ਇਸ ਜਹਾਜ਼ 'ਤੇ ਹੌਂਗਕੌਂਗ ਦਾ ਝੰਡਾ ਸੀ ਪਰ ਇਸ ਨੂੰ ਤਾਈਵਾਨੀ ਕੰਪਨੀ ਨੇ ਠੇਕੇ 'ਤੇ ਲਿਆ ਸੀ।

Image copyright Chip Somodevilla/Getty Images

ਦੱਖਣੀ ਕੋਰੀਆ ਦੇ ਅਧਿਕਾਰੀਆਂ ਮੁਤਾਬਕ ਜਹਾਜ਼ ਤਾਈਵਾਨ ਨਹੀਂ ਗਿਆ ਸਗੋਂ ਉਸ ਤੋਂ 19 ਅਕਤੂਬਰ ਨੂੰ ਇੱਕ ਉੱਤਰੀ ਕੋਰੀਆ ਦੇ ਜਹਾਜ਼ ਅਤੇ ਤਿੰਨ ਹੋਰ ਜਹਾਜ਼ਾਂ ਵਿੱਚ ਤੇਲ ਭਰਿਆ ਗਿਆ ਸੀ।

ਦੱਖਣੀ ਕੋਰੀਆ ਦੇ ਅਧਿਕਾਰੀਆਂ ਮੁਤਾਬਕ ਲਾਈਟਹਾਊਸ ਵਿਨਮੋਰ ਦੱਖਣੀ ਕੋਰੀਆ ਵਿੱਚ ਹੀ ਹੈ।

ਅਮਰੀਕਾ ਨੇ ਜੰਗ ਦਾ ਐਲਾਨ ਕੀਤਾ: ਉੱਤਰੀ ਕੋਰੀਆ

ਉੱਤਰੀ ਕੋਰੀਆ ਅਤੇ ਅਮਰੀਕਾ ਦੀ ਰੰਜਿਸ਼ ਦੀ ਪੂਰੀ ਕਹਾਣੀ

ਦੱਖਣੀ ਕੋਰੀਆ ਦੇ ਅਖ਼ਬਾਰ ਚੁਸਨ ਇਬੋ ਵਿੱਚ ਛਪਿਆ ਸੀ ਕਿ ਚੀਨੀ ਟੈਂਕਰ ਗੁਪਤ ਤਰੀਕੇ ਨਾਲ ਸਮੁੰਦਰੀ ਰਸਤੇ ਤੋਂ ਉੱਤਰ ਕੋਰੀਆ ਦੇ ਜਹਾਜ਼ਾਂ ਵਿੱਚ ਤੇਲ ਭੇਜ ਰਹੇ ਹਨ।

ਇਸ ਤੋਂ ਬਾਅਦ ਅਮਰੀਕੀ ਰਾਸ਼ਟਰਪਤੀ ਨੇ ਟਵੀਟ ਕੀਤਾ ਜਿਸ ਵਿੱਚ ਉਨ੍ਹਾਂ ਨੇ ਇਸ ਬਾਰੇ ਅਫ਼ਸੋਸ ਜ਼ਾਹਿਰ ਕੀਤਾ।

Image copyright @realDonaldTrump

ਦੱਖਣੀ ਕੋਰੀਆ ਦੇ ਸਰਕਾਰੀ ਅਧਿਕਾਰੀਆਂ ਦਾ ਹਵਾਲਾ ਦਿੰਦੇ ਹੋਏ ਕਿਹਾ ਗਿਆ ਕਿ ਅਮਰੀਕੀ ਜਾਸੂਸ ਸੈਟੇਲਾਈਟਾਂ ਨੇ ਅਕਤੂਬਰ ਤੋਂ ਬਾਅਦ 30 ਵਾਰੀ ਗੈਰ-ਕਾਨੂੰਨੀ ਜਹਾਜ਼ਾਂ ਦੀ ਅਦਲਾ-ਬਦਲੀ ਨੂੰ ਰਿਕਾਰਡ ਕੀਤਾ ਹੈ।

ਕੀ ਹੈ ਚੀਨ ਦਾ ਦਾਅਵਾ?

ਚੀਨੀ ਸਰਕਾਰ ਨੇ ਦਾਅਵਾ ਕੀਤਾ ਹੈ ਕਿ ਉਨ੍ਹਾਂ ਦੇ ਖਿਲਾਫ ਦੋਸ਼ "ਤੱਥਾਂ ਨਾਲ ਮੇਲ ਨਹੀਂ ਖਾਂਦੇ" ਹਨ।

Image copyright AFP
ਫੋਟੋ ਕੈਪਸ਼ਨ ਉੱਤਰੀ ਕੋਰੀਆ ਦੇ ਆਗੂ ਕਿਮ ਜੋਂਗ-ਉਨ ਨੇ ਕੌਮਾਂਤਰੀ ਦਬਾਅ ਹੇਠ ਝੁਕਣ ਤੋਂ ਇਨਕਾਰ ਕਰ ਦਿੱਤਾ ਹੈ।

ਵਿਦੇਸ਼ ਮੰਤਰਾਲੇ ਦੇ ਬੁਲਾਰੇ ਹੁਆ ਚੁਨੀਕਾਰੀ ਨੇ ਕਿਹਾ, "ਚੀਨ ਨੇ ਕਦੇ ਵੀ ਚੀਨੀ ਸਨਅਤਕਾਰਾਂ ਜਾਂ ਕਿਸੇ ਵੀ ਸ਼ਖਸ ਨੂੰ ਕਦੇ ਵੀ ਡੀਪੀਆਰਕੇ ਉੱਪਰ ਲਗਾਏ ਸੰਯੁਕਤ ਰਾਸ਼ਟਰ ਸੁਰੱਖਿਆ ਕੌਂਸਲ ਦੇ ਮਤੇ ਦੀ ਉਲੰਘਣਾ ਕਰਨ ਦੀ ਇਜਾਜ਼ਤ ਨਹੀਂ ਦਿੱਤੀ।"

ਚੀਨ 90% ਵਿਦੇਸ਼ੀ ਵਪਾਰ ਉੱਤਰੀ ਕੋਰੀਆ ਦਾ ਦੇਖਦਾ ਹੈ।

(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTERਅਤੇ YouTube 'ਤੇ ਜੁੜੋ।)