ਮੱਛੀ ਨੂੰ ਥੱਪੜ ਮਾਰਦਾ ਕੱਛੂਕੁੰਮਾ ਦੇਖਿਆ ਹੈ?

ਕਾਮੇਡੀ ਵਾਈਲਡਲਾਈਫ 2017 ਪ੍ਰਤੀਯੋਗਿਤਾ ਵਿੱਚ ਰੁੱਖ ਦੀ ਟਾਹਣੀ 'ਤੇ ਵਾਪਸ ਜਾਣ ਦੀ ਕੋਸ਼ਿਸ਼ ਕਰਦੇ ਹੋਏ ਇੱਕ ਉੱਲੂ ਦੀ ਤਸਵੀਰ ਨੇ ਪਹਿਲਾ ਇਨਾਮ ਜਿੱਤਿਆ ਹੈ।

ਇਸ ਨੂੰ ਇਸ ਸਾਲ ਕੁਦਰਤ ਦੀ ਸਭ ਤੋਂ ਦਿਲਚਸਪ ਤਸਵੀਰ ਮੰਨਿਆ ਗਿਆ ਹੈ।

ਕਾਮੇਡੀ ਵਾਈਲਡ ਲਾਈਫ਼ 2017 ਪ੍ਰਤੀਯੋਗਿਤਾ ਤਿੰਨ ਸਾਲ ਤੋਂ ਚੱਲ ਰਹੀ ਹੈ। ਇਸਦਾ ਮਕਸਦ ਕੁਦਰਤ ਦੇ ਪ੍ਰਤੀ ਜਾਗਰੂਕਤਾ ਵਧਾਉਣਾ ਹੈ।

ਇਸ ਸਾਲ ਮੁਕਾਬਲੇ ਵਿੱਚ 3500 ਲੋਕਾਂ ਨੇ ਹਿੱਸਾ ਲਿਆ। ਇਸ ਵਿੱਚ ਸ਼ਾਮਲ ਹੋਈਆਂ ਕੁਝ ਮਜ਼ੇਦਾਰ ਤਸਵੀਰਾਂ ਨੂੰ ਅਸੀਂ ਪੇਸ਼ ਕਰ ਰਹੇ ਹਾਂ।

Image copyright TIBOR KERCZ

ਇਸ ਪ੍ਰਤੀਯੋਗਿਤਾ ਨੂੰ ਜਿੱਤਿਆ ਰੁਖ ਦੀ ਟਾਹਣੀ ਤੋਂ ਫਿਸਲਦੇ ਅਤੇ ਵਾਪਸ ਆਪਣਾ ਪੈਰ ਜਮਾਉਣ ਦੀ ਕੋਸ਼ਿਸ਼ ਕਰਦੇ ਉੱਲੂ ਦੀ ਇਸ ਤਸਵੀਰ ਨੇ, ਜਿਸਨੂੰ ਟਿਬੋਰ ਕਰਜ਼ ਨੇ ਹੰਗਰੀ ਵਿੱਚ ਲਿਆ ਸੀ।

Image copyright Andrea Zampatti / Barcroft Images

'ਆਨ ਦਾ ਲੈਂਡ' ਵਰਗ ਦਾ ਇਨਾਮ ਮਿਲਿਆ ਐਂਡਰੀਆ ਜਾਮਪੱਟੀ ਦੀ ਇਸ ਤਸਵੀਰ ਨੂੰ ਜਿਸ ਵਿੱਚ ਇੱਕ ਡੋਰਮਾਊਸ ਮੁਸਕੁਰਾ ਰਿਹਾ ਹੈ।

Image copyright Troy Mayne/Bancroft images

ਇਹ ਕੱਛੂ ਕੁੰਮਾ ਇੰਨੀ ਜਲਦੀ ਵਿੱਚ ਹੈ ਕਿ ਆਪਣੇ ਤੋਂ ਵੱਡੀ ਮਛਲੀ ਨੂੰ ਧੱਕਾ ਦੇ ਕੇ ਅੱਗੇ ਵੱਧਣ ਵਿੱਚ ਵੀ ਉਸ ਨੂੰ ਘਬਰਾਹਟ ਨਹੀਂ ਹੋਈ। ਟ੍ਰੌਏ ਮੈਨ ਦੀ ਇਹ ਤਸਵੀਰ ਅੰਡਰ ਦ ਸੀ ਵਰਗ ਵਿੱਚ ਚੁਣੀ ਗਈ ਹੈ।

Image copyright JOHN THRELFALL

'ਅਪ ਇਨ ਦਾ ਏਅਰ' ਵਰਗ ਵਿੱਚ ਜਾਨ ਥਰੇਲਫੌਲ ਦੀ ਇਹ ਤਸਵੀਰ ਜੇਤੂ ਐਲਾਨੀ ਗਈ ਹੈ। ਇਸ ਵਿੱਚ ਚਿੜੀ ਦੀ ਪੂੰਛ ਨਾਲ ਜੋ ਭਾਫ਼ ਨਿਕਲਦੀ ਨਜ਼ਰ ਆ ਰਹੀ ਹੈ ਉਹ ਅਸਲ ਵਿੱਚ ਪਿੱਛੇ ਉੱਡਦੇ ਹਵਾਈ ਜਹਾਜ਼ ਕਰਕੇ ਹੈ।

Image copyright Daisy Gilardini

ਸਭ ਤੋਂ ਵੱਧ ਸਿਫ਼ਤ ਪਾਉਣ ਵਾਲੀਆਂ ਤਸਵੀਰਾਂ ਵਿੱਚ ਸ਼ਾਮਲ ਇਸ ਤਸਵੀਰ ਵਿੱਚ ਪੋਲਰ ਬੀਅਰ ਦਾ ਬੱਚਾ ਉਸਦੀ ਪਿੱਠ 'ਤੇ ਸਵਾਰ ਹੋਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ। ਇਸ ਤਸਵੀਰ ਨੂੰ ਡੇਜ਼ੀ ਗਿਲਾਰਡਿਨੀ ਵਿੱਚ ਕਨਾਡਾ ਵਿੱਚ ਲਿਆ ਗਿਆ।

Image copyright PENNY PALMER

ਪੇਨੀ ਪਾਮਰ ਨੇ ਇਹ ਤਸਵੀਰ ਉਸ ਵੇਲੇ ਖਿੱਚੀ ਜਦੋਂ ਊਦਬਿਲਾਵ ਅੰਗੜਾਈ ਲੈ ਰਿਹਾ ਸੀ। ਇਸ ਤਸਵੀਰ ਕੈਲੀਫੋਰਨੀਆ ਵਿੱਚ ਲਈ ਗਈ ਸੀ।

Image copyright Carl Henry

ਇਸ ਸਾਰੇ ਪੈਂਗਵਿਨ ਚਰਚ ਜਾਣ ਲਈ ਤਿਆਰ ਹਨ। ਕਾਰਲ ਹੈਨਰੀ ਨੇ ਇਹ ਤਸਵੀਰ ਦੱਖਣ ਅਟਲਾਂਟਿਕ ਦੀਪ 'ਤੇ ਲਈ ਸੀ।

Image copyright OLIVIER COLLE

ਓਲੀਵਿਅਰ ਕੋਲ ਦੀ ਬੈਲਜਿਅਮ ਵਿੱਚ ਲਈ ਗਈ ਇਸ ਤਸਵੀਰ ਵਿੱਚ ਖਰਗੋਸ਼ ਦੇ ਮੂੰਹ ਵਿੱਚ ਘਾਹ ਭਰਿਆ ਹੋਇਆ ਹੈ।

Image copyright KATY LAVECK-FOSTER

ਇੰਝ ਲੱਗ ਰਿਹਾ ਹੈ ਕਿ ਦੋ ਬਾਂਦਰ ਮੋਟਰ ਸਾਈਕਲ 'ਤੇ ਕਿਸੇ ਰੋਡ ਟ੍ਰਿਪ 'ਤੇ ਨਿਕਲਣ ਵਾਲੇ ਹਨ। ਪਿੱਛੇ ਬੈਠੇ ਬਾਂਦਰ ਦੀ ਖੁਸ਼ੀ ਤਾਂ ਦੇਖਦੇ ਹੀ ਬਣਦੀ ਹੈ। ਕੈਟੀ ਲਾਵੇਕ ਫੋਸਟਰ ਨੇ ਇਹ ਤਸਵੀਰ ਇੰਡੋਨੇਸ਼ੀਆ ਦੇ ਸੁਲਾਵੇਸੀ ਦੀਪ ਤੇ ਲਈ।

Image copyright GEORGE CATHCART

ਅਜਿਹਾ ਇਸ ਸੀਲ ਨੇ ਕੀ ਕਹਿ ਦਿੱਤਾ ਕਿ ਦੂਜਾ ਸੀਲ ਹੈਰਾਨ ਹੋ ਗਿਆ? ਜਾਰਜ ਕੈਥਾਕਾਰਟ ਦੀ ਇਸ ਤਸਵੀਰ ਨੂੰ ਬਹੁਤ ਸਿਫ਼ਤ ਮਿਲੀ। ਇਸ ਨੂੰ ਕੈਲੀਫੋਰਨੀਆ ਦੇ ਸੈਨ ਸਿਮੋਨ ਵੱਚ ਖਿਚਿਆ ਗਿਆ।

Image copyright DOUGLAS CROFT

ਇਸ ਲੂੰਬੜੀ ਨੇ ਗੋਲਫ ਕੋਰਸ ਦੇ ਹੋਲ ਨੂੰ ਹੀ ਪਖਾਣਾ ਬਣਾਇਆ। ਡਗਲਸ ਕ੍ਰੋਫਟ ਦੀ ਇਹ ਤਸਵੀਰ ਅਮਰੀਕਾ ਦੇ ਸੈਨ ਓਜ਼ੇ ਵਿੱਚ ਲਈ ਗਈ ਹੈ।

Image copyright Daniel Trim

ਦੋ ਮਡਸਕਿਪਰਸ ਦੀ ਇਹ ਤਸਵੀਰ ਡੈਨੀਅਲ ਟ੍ਰਿਮ ਨੇ ਥਾਈਲੈਂਡ ਵਿੱਚ ਲਈ ਸੀ। ਅਜਿਹਾ ਲੱਗ ਰਿਹਾ ਹੈ ਮੰਨੋ ਇਹ ਦੋਵੇਂ ਕੋਈ ਗੀਤ ਗਾ ਰਹੇ ਹੋਣ।

(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTERਅਤੇ YouTube 'ਤੇ ਜੁੜੋ।)