ਉੱਤਰੀ ਕੋਰੀਆ ਦੀ ਹੈਂਗਓਵਰ ਫ਼ਰੀ ਸ਼ਰਾਬ ਤੇ ਹੋਰ ਕਾਢਾਂ
Image copyright
PA
ਮੀਡੀਆ ਵਿੱਚ ਉੱਤਰੀ ਕੋਰੀਆ ਦਾ ਜ਼ਿਕਰ ਉਦੋਂ ਆਉਂਦਾ ਹੈ ਜਦੋਂ ਉਹ ਕਿਸੇ ਹਥਿਆਰ ਦਾ ਪ੍ਰੀਖਣ ਕਰਦਾ ਹੈ ਜਾਂ ਦੂਜੇ ਦੇਸਾਂ ਨਾਲ ਦੱਖਣੀ ਕੋਰੀਆ ਦੇ ਰਿਸ਼ਤੇ ਵਿਗੜਦੇ ਹਨ।
ਪਰ ਉੱਤਰੀ ਕੋਰੀਆ ਦੇ ਮੀਡੀਆ ਦੀ ਪੜਤਾਲ ਕਰੀਏ ਤਾਂ ਇੱਥੇ ਕੁਝ ਹੋਰ ਵੀ ਕਹਾਣੀਆਂ ਹਨ। ਸਥਾਨਿਕ ਮੀਡੀਆ ਵਿੱਚ ਉੱਤਰੀ ਕੋਰੀਆਈ ਵਿਗਿਆਨੀਆਂ ਦੀਆਂ ਉਪਲਬਧੀਆਂ ਦਾ ਬਹੁਤ ਜ਼ਿਕਰ ਵੀ ਹੁੰਦਾ ਹੈ।
ਆਓ, ਉੱਤਰੀ ਕੋਰੀਆ ਦੀਆਂ ਉਨ੍ਹਾਂ ਸ਼ਾਂਤੀਪੂਰਨ ਕਾਢਾਂ ਉੱਤੇ ਝਾਤੀ ਮਾਰੀਏ, ਜਿਨ੍ਹਾਂ ਦੇ ਬਾਰੇ ਵਿੱਚ ਬਾਕੀ ਦੁਨੀਆ ਨੂੰ ਘੱਟ ਪਤਾ ਹੈ।
ਕਿਸ ਨੇ ਘੜੀ ਕਿਮ ਜੋਂਗ ਨੂੰ ਮਾਰਨ ਦੀ ਸਾਜਿਸ਼
ਅਮਰੀਕਾ ਨੇ ਜੰਗ ਦਾ ਐਲਾਨ ਕੀਤਾ: ਉੱਤਰੀ ਕੋਰੀਆ
ਹੈਂਗਓਵਰ ਫ਼ਰੀ ਸ਼ਰਾਬ
ਉੱਤਰੀ ਕੋਰੀਆਈ ਅਖ਼ਬਾਰ 'ਚ ਛਪੀ ਇੱਕ ਰਿਪੋਰਟ ਮੁਤਾਬਕ ਉੱਤਰੀ ਕੋਰੀਆ ਦੇ ਵਿਗਿਆਨੀਆਂ ਨੇ ਹੈਂਗਓਵਰ ਨਾ ਕਰਨ ਵਾਲੀ ਸ਼ਰਾਬ ਤਿਆਰ ਕੀਤੀ ਹੈ।
ਇਸ ਸ਼ਰਾਬ ਵਿੱਚ 30 ਵੱਲੋਂ 40 ਫ਼ੀਸਦੀ ਅਲਕੋਹਲ ਹੁੰਦਾ ਹੈ।
ਸਿਗਰਟ ਰੋਧਕ ਦਵਾਈ
ਉੱਤਰੀ ਕੋਰੀਆਈ ਵਿਗਿਆਨੀਆਂ ਨੇ 2011 ਵਿੱਚ ਦਾਅਵਾ ਕੀਤਾ ਸੀ ਕਿ ਉਨ੍ਹਾਂ ਨੇ ਖ਼ਾਸ ਕਿਸਮ ਦੇ ਸਿਗਰਟ ਰੋਧਕ ਟੈਬਲੇਟ ਬਣਾਏ ਹਨ।
ਸਥਾਨਿਕ ਮੀਡੀਆ ਦਾ ਦਾਅਵਾ ਹੈ ਕਿ ਇਹ ਬਹੁਤ ਅਸਰਦਾਰ ਹਨ।
ਦੱਸਿਆ ਗਿਆ ਹੈ ਕਿ ਇਸ ਵਿੱਚ ਕੈਂਸਰਰੋਧੀ ਗੁਣ ਵੀ ਹਨ।
ਗੁਰਦਿਆਂ ਦੀ ਦਵਾਈ
ਇੱਕ ਸਮਾਚਾਰ ਏਜੰਸੀ ਨੇ ਉੱਤਰੀ ਕੋਰੀਆ ਵੱਲੋਂ ਗੁਰਦਿਆਂ ਦੀਆਂ ਬਿਮਾਰੀਆਂ ਲਈ ਇੱਕ ਅਸਰਦਾਰ ਦਵਾਈ ਲੱਭਣ ਦਾ ਦਾਅਵਾ ਕੀਤਾ।
ਇਸ ਦਵਾਈ ਵਿੱਚ ਪ੍ਰੋਟੋਪੋਰਫਿਰੀਨ ਬਾਇਓਕੇਮਿਕਲ ਹੈ ਜਿਸ ਨੂੰ ਜਾਨਵਰਾਂ ਦੇ ਖ਼ੂਨ ਨਾਲ ਬਣਾਇਆ ਜਾਂਦਾ ਹੈ।
ਯਾਦ ਸ਼ਕਤੀ ਵਧਾਉਣ ਵਾਲੀ ਦਵਾਈ
ਦਾਅਵਾ ਹੈ ਕਿ ਸੇਬ ਨਾਸ਼ਪਾਤੀ ਅਤੇ ਸਟਰਾਬੇਰੀ ਦੇ ਸਵਾਦ ਵਰਗੀ ਉੱਤਰੀ ਕੋਰੀਆਈ ਦਵਾਈ ਦਿਮਾਗ਼ੀ ਤਾਕਤ ਵਧਾਉਂਦੀ ਹੈ।
ਖ਼ਬਰਾਂ ਮੁਤਾਬਕ ਇਹ ਦਿਲ ਦਾ ਦੌਰਾ ਰੋਕਣ ਤੋਂ ਇਲਾਵਾ ਝੁਰੜੀਆਂ ਘੱਟ ਕਰਨ ਅਤੇ ਫਿਨਸੀਆਂ ਦੇ ਇਲਾਜ ਵਿੱਚ ਵੀ ਮਦਦਗਾਰ ਹੈ।
ਰਡਾਰ ਨੂੰ ਧੋਖਾ ਦੇਣ ਵਾਲਾ ਪੇਂਟ
ਉੱਤਰ ਕੋਰੀਆ ਦਾ ਇਹ ਪੇਂਟ ਫ਼ੌਜੀ ਵਾਹਨਾਂ ਨੂੰ ਦੁਸ਼ਮਣ ਦੇ ਰਡਾਰ ਤੋਂ ਲੁਕਾ ਦਿੰਦਾ ਹੈ।
ਸਾਫ਼ ਹੈ ਕਿ ਇਹ ਟੌਪ ਸੀਕਰੇਟ ਮਾਮਲਾ ਹੈ।ਦੱਖਣੀ ਕੋਰੀਆ ਦੀ ਮੀਡੀਆ ਦੇ ਕੋਲ ਇਸ ਤਕਨੀਕ ਦੀ ਥੋੜੀ ਜਾਣਕਾਰੀ ਪਹੁੰਚ ਗਈ ਹੈ।
ਦਾਅਵਾ ਹੈ ਕਿ ਇਹ ਪੇਂਟ ਸਿਰਫ਼ ਵਾਹਨਾਂ ਤੇ ਗੋਲਾ ਬਾਰੂਦ ਹੀ ਨਹੀਂ ਸਗੋਂ ਪੂਰੀ ਦੀ ਪੂਰੀ ਇਮਾਰਤ ਨੂੰ ਵੀ ਲੁਕਾ ਸਕਦਾ ਹੈ।
ਉੱਤਰੀ ਕੋਰੀਆ ਨੂੰ ਟਰੰਪ ਦੇ 'ਇਸ਼ਾਰੇ' ਦਾ ਕੀ ਮਤਲਬ?
ਉੱਤਰੀ ਕੋਰੀਆ ਅਤੇ ਅਮਰੀਕਾ ਦੀ ਰੰਜਿਸ਼ ਦੀ ਪੂਰੀ ਕਹਾਣੀ
ਇੰਟਰਨੈੱਟਫ਼ਰੀ ਟੈਬਲੇਟ
ਇਹ ਟੈਬਲੇਟ ਐਂਡਰਾਇਡ 4 ਓਐੱਸ 'ਤੇ ਕੰਮ ਕਰਦਾ ਹੈ ਤੇ ਸਿਰਫ਼ ਉੱਤਰੀ ਕੋਰੀਆ ਦੇ ਇੰਟਰਨੈੱਟ ਨਾਲ ਹੀ ਜੁੜ ਸਕਦਾ ਹੈ।
ਇਸ ਵਿੱਚ ਇੱਕ ਟੀਵੀ ਟਿਊਨਰ ਹੈ ਜੋ ਸਿਰਫ਼ ਸਰਕਾਰੀ ਟੀਵੀ ਚੈਨਲ ਹੀ ਫੜਦਾ ਹੈ।
(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTERਅਤੇ YouTube 'ਤੇ ਜੁੜੋ।)