ਸ਼ਾਹੀ ਜੋੜਿਆਂ ਦੀ ਤਸਵੀਰ ਨੇ ਕਿਵੇਂ ਬਦਲੀ ਫੋਟੋਗ੍ਰਾਫ਼ਰ ਮਾਂ ਦੀ ਜ਼ਿੰਦਗੀ

Duke and Duchess of Cambridge, Prince Harry and Meghan Markle on Christmas Day at Sandringham Image copyright Karen Anvil

ਕ੍ਰਿਸਮਸ ਵਾਲੇ ਦਿਨ ਦੋ ਸ਼ਾਹੀ ਜੋੜਿਆਂ ਦੇ ਮੁਸਕਰਾਉਂਦਿਆਂ ਦੀ ਤਸਵੀਰ ਲੈਣ ਵਾਲੀ ਇੱਕ ਮਾਂ ਨੇ ਕਿਹਾ ਇਸ ਨੇ ਉਨ੍ਹਾਂ ਦੀ ਅਤੇ ਉਨ੍ਹਾਂ ਦੀ ਬੇਟੀ ਰੇਚਲ ਦੀ ਜ਼ਿੰਦਗੀ ਬਦਲ ਦਿੱਤੀ ਹੈ।

ਨੌਰਫੋਕ ਦੇ ਵਾਲਿੰਗਟਨ ਦੇ ਹਸਪਤਾਲ 'ਚ ਕੰਮ ਕਰਨ ਵਾਲੀ ਕੈਰਨ ਐਨਵਿਲ ਮੁਤਾਬਕ, "ਕੰਮ 'ਤੇ ਮੇਰਾ ਫੋਨ ਵੱਜਿਆਂ ਅਤੇ ਮੈਨੂੰ ਮੇਰੇ ਸਹਿਕਰਮੀਆਂ ਨੂੰ ਦੱਸਣਾ ਪਿਆ ਕਿ ਇਹ ਮੇਰਾ ਏਜੰਟ ਹੈ।"

"ਬਿਲਕੁੱਲ ਉਹ ਖੁਸ਼ ਸਨ ਪਰ ਮੈਨੂੰ ਥੋੜੀ ਮੂਰਖ਼ਤਾਈ ਲੱਗੀ।"

ਪੰਜਾਬ ਦੀਆਂ ਸੜਕਾਂ 'ਤੇ ਕਿਉਂ ਫੂਕੇ ਦਲਿਤਾਂ ਨੇ ਪੁਤਲੇ?

'ਜਦੋਂ ਦਲਿਤਾਂ ਵਾਲੀ ਫੌਜ ਨੇ ਮਰਾਠਿਆਂ ਨੂੰ ਭਾਜੜਾਂ ਪਾਈਆਂ'

ਮਰਾਠਿਆਂ ਖਿਲਾਫ਼ ਦਲਿਤਾਂ ਦੀ ਲੜਾਈ ਬਾਰੇ ਪੂਰਾ ਸੱਚ

ਦਰਅਸਲ ਉਨ੍ਹਾਂ ਨੇ ਸੈਂਡਰਿੰਗਮ 'ਚ ਕੈਮਬ੍ਰਿਜ ਦੇ ਡਿਊਕ ਤੇ ਡਚੈਸਸ ਅਤੇ ਪ੍ਰਿੰਸ ਹੈਰੀ ਤੇ ਮੇਘਨਾ ਮਾਰਕਲ ਦੀ ਇੱਕ ਤਸਵੀਰ ਸਾਂਝੀ ਕੀਤੀ ਸੀ।

ਉਨ੍ਹਾਂ ਨੇ ਦੱਸਿਆ ਕਿ ਵਿਸ਼ਵ ਭਰ 'ਚੋਂ ਕੈਨੇਡਾ, ਸਪੇਨ, ਇਟਲੀ, ਅਮਰੀਕਾ ਅਤੇ ਜਪਾਨ ਸਣੇ 50 ਤੋਂ ਵੱਧ ਪ੍ਰਕਾਸ਼ਕਾਂ ਦੇ ਫੋਨ ਆਏ ਕਿ ਉਹ ਇਸ ਤਸਵੀਰ ਨੂੰ ਛਾਪਣਾ ਚਾਹੁੰਦੇ ਹਨ।

ਫੋਟੋ ਯੂਕੇ ਵਿੱਚ ਹੈਲੋ ਮੈਗ਼ਜ਼ੀਨ ਦੇ ਕਵਰ ਪੇਜ਼ 'ਤੇ ਵੀ ਚਮਕ ਰਹੀ ਹੈ।

ਉਨ੍ਹਾਂ ਨੇ ਕਿਹਾ, "ਮੇਰੀ ਅਤੇ ਮੇਰੀ ਬੇਟੀ ਰਿਚਲ ਦੀ ਤਸਵੀਰ ਵੀ ਹੈਲੋ ਮੈਗ਼ਜ਼ੀਨ ਵਿੱਚ ਹੈ। ਇਹ ਮੇਰੀ ਖੁਸ਼ੀ ਦਾ ਇੱਕ ਕਾਰਨ ਹੈ। ਮੈਨੂੰ ਇਸ ਤੋਂ ਵੱਧ ਹੋਰ ਕੁਝ ਨਹੀਂ ਮਿਲ ਸਕਦਾ।"

"ਇਹ ਅਸਲ ਵਿੱਚ ਮੇਰੇ ਲਈ ਨਹੀਂ ਹੈ"

ਐਨਵਿਲ ਦਾ ਕਹਿਣਾ ਹੈ ਕਿ ਸਿਰਫ਼ ਉਨ੍ਹਾਂ ਦੀਆਂ ਦੋ ਨੌਕਰੀਆਂ ਦੀ ਕਮਾਈ ਨਾਲ ਹੀ ਘਰ ਚੱਲ ਰਿਹਾ ਹੈ।

"ਇਕੱਲੀ ਮਾਂ ਹੋਣ ਕਰਕੇ ਮੈਂ ਇਸ ਮੌਕੇ ਦਾ ਨਿੱਘਾ ਸਵਗਤ ਕਰਦੀ ਹਾਂ।"

"ਇਹ ਤਸਵੀਰ ਇਤਿਹਾਸ ਦਾ ਹਿੱਸਾ ਬਣੇਗੀ ਅਤੇ ਕੋਈ ਵੀ ਮਾਪੇ ਇਸ ਮੌਕੇ ਦਾ ਲਾਭ ਆਪਣੇ ਬੱਚਿਆਂ ਲਈ ਲੈਣਾ ਚਾਹੁਣਗੇ।"

Image copyright Karen Anvil
ਫੋਟੋ ਕੈਪਸ਼ਨ ਅਨਵਿਲ ਦੀ ਬੇਟੀ ਰਿਚਲ ਨਰਸਿੰਗ ਦੀ ਪਰ੍ਹਾਈ ਕਰਨਾ ਚਾਹੁੰਦੀ ਹੈ

ਕ੍ਰਿਸਮਸ ਵਾਲੇ ਦਿਨ ਐਨਵਿਲ ਨੇ ਬੀਬੀਸੀ ਨੂੰ ਦੱਸਿਆ ਸੀ ਕਿ ਉਹ ਤਸਵੀਰ ਨੂੰ ਵੇਚ ਕੇ ਆਪਣੀ ਬੇਟੀ ਦੀ ਪੜ੍ਹਾਈ ਵਿੱਚ ਲਗਾਉਣਗੇ।

ਹੁਣ ਇੱਥੇ ਇੱਕ ਸਵਾਲ ਜੋ ਹਰ ਕਿਸੇ ਦੇ ਜ਼ਹਿਨ 'ਚ ਆਉਂਦਾ ਹੈ ਕਿ ਕੀ ਉਹ ਇਹ ਕਰ ਸਕਣਗੇ?

"ਮੇਰੀ ਬੇਟੀ ਨਰਸਿੰਗ ਦੀ ਪੜ੍ਹਾਈ ਕਰਨਾ ਚਾਹੁੰਦੀ ਹੈ ਅਤੇ ਇਸ ਲਈ ਉਸ ਨੂੰ ਨੌਕਰੀ ਕਰਨੀ ਪਵੇਗੀ ਪਰ ਮੈਂ ਚਾਹੁੰਦੀ ਹਾਂ ਕਿ ਉਸ ਸਿਰਫ ਪੜ੍ਹਾਈ ਕਰੇ।"

ਹਾਲਾਂਕਿ ਐਨਵਿਲ ਨੇ ਇਹ ਨਹੀਂ ਦੱਸਿਆ ਇਸ ਤਸਵੀਰ ਨਾਲ ਉਸ ਨੂੰ ਕਿੰਨੀ ਕੁ ਮਾਲੀ ਮਦਦ ਮਿਲੇਗੀ ਪਰ ਉਸ ਦਾ ਕਹਿਣਾ ਹੈ, "ਉਹ ਬਹੁਤ ਵੱਡੀ ਮਦਦ ਹੈ।"

"ਮੈਂ ਉਸ ਦੀਆਂ ਕਿਤਾਬਾਂ ਖਰੀਦ ਸਕਾਂ ਅਤੇ ਉਸ ਦਾ ਕਿਰਾਇਆ ਭਰ ਸਕਾਂ ਬਸ ਇਹੀ ਇਸ ਤੋਂ ਚਾਹੁੰਦੀ ਹਾਂ।"

ਐਨਵਿਲ ਦੇ ਏਜੰਟ ਕੇਨ ਗੋਫ ਮੁਤਾਬਕ ਯੂਕੇ 'ਚ ਤਸਵੀਰ ਵਿਕਣ ਦੇ ਨਾਲ ਨਾਲ ਹੋਰਨਾਂ ਦੇਸਾਂ ਵਿੱਚ ਇਸ ਦੀ ਵਿਕਰੀ ਵੀ ਵਧੀਆ ਹੋਣ ਦੀ ਉਮੀਦ ਹੈ।

ਹਾਲਾਂਕਿ ਕੌਮਾਂਤਰੀ ਮੈਗ਼ਜ਼ੀਨਾਂ 'ਚ ਛਪੀ ਤਸਵੀਰ ਦੀ ਅਦਾਇਗੀ ਅਜੇ ਐਨਵਿਲ ਤੱਕ ਪਹੁੰਚੀ ਨਹੀਂ ਹੈ, ਪਰ ਉਨ੍ਹਾਂ ਨੂੰ ਆਸ ਹੈ ਕਿ ਇਸ ਨਾਲ ਪਰਿਵਾਰ ਬੇਹੱਦ ਖੁਸ਼ ਹੋਵੇਗਾ।

ਅਮਰੀਕੀ ਫੰਡ ਬਿਨਾਂ ਕਿੰਨੀ ਕਮਜ਼ੋਰ ਹੋਵੇਗੀ ਪਾਕ ਫ਼ੌਜ?

ਕੀ ਹੈ ਸੁਖਬੀਰ ਸਿੰਘ ਬਾਦਲ ਦਾ ਨਵਾਂ ਏਜੰਡਾ?

ਪੰਜਾਬ ਦਾ ਇੱਕ ਸਕੂਲ ਜਿੱਥੇ 10 ਸਾਲ ਤੋਂ ਅਧਿਆਪਕ ਨਹੀਂ

ਨਵਿਲ ਕੀ ਕਰੇਗੀ ਇਸ ਰਕਮ ਨਾਲ?

ਐਨਵਿਲ ਦੇ ਦੱਸਿਆ, "ਮੈਂ ਆਪਣੀ ਬੇਟੀ ਦਾ ਡਰਾਇੰਵਿੰਗ ਲਾਇਸੈਂਸ ਬੁੱਕ ਕਰਵਾ ਦਿੱਤਾ ਹੈ ਅਤੇ ਮੈਂ ਉਸ ਨੂੰ ਇੱਕ ਕਾਰ ਖਰੀਦ ਦੇ ਰਹੀ ਹਾਂ, ਜੋ ਕਿ ਇੱਕ ਨਰਸ ਵਜੋਂ ਉਸ ਦੇ ਕੰਮ ਲਈ ਜਰੂਰੀ ਹੈ। ਮੈਂ ਅਜਿਹਾ ਕਰਨ ਬਾਰੇ ਪਹਿਲਾਂ ਸੋਚ ਵੀ ਨਹੀਂ ਸਕਦੀ ਸੀ।"

ਇਸ ਦੇ ਨਾਲ ਉਹ ਆਪਣੀ ਬੇਟੀ ਨਾਲ ਅਮਰੀਕਾ ਜਾ ਕੇ ਉਸ ਦਾ ਜਨਮ ਦਿਨ ਮਨਾਉਣ ਦਾ ਵੀ ਪਲਾਨ ਬਣਾ ਰਹੇ ਹਨ।

ਇਸ ਦੇ ਨਾਲ ਐਨਵਿਲ ਆਪਣੇ ਫੋਟੋਗ੍ਰਾਫ਼ੀ ਕੈਰੀਅਰ ਨੂੰ ਛੱਡਣਾ ਨਹੀਂ ਚਾਹੁੰਦੇ ਹਨ।

ਉਨ੍ਹਾਂ ਨੇ ਕਿਹਾ, "ਅਸੀਂ ਅਗਲੇ ਸਾਲ ਕ੍ਰਿਸਮਸ 'ਤੇ ਪੱਕਾ ਸੈਂਡਰਿੰਗਮ ਜਾ ਰਹੇ ਹਾਂ ਅਤੇ ਅਸੀਂ ਸ਼ਾਹੀ ਬੱਚਿਆਂ ਨੂੰ ਦੇਖਣਾ ਚਾਹੁੰਦੇ ਹਾਂ।"

ਇਸ ਤੋਂ ਇਲਾਵਾ ਐਨਵਿਲ ਜਾਣਨਾ ਚਾਹੁੰਦੇ ਹਨ ਕਿ ਸ਼ਾਹੀ ਜੋੜੇ ਇਸ ਤਸਵੀਰ ਬਾਰੇ ਕੀ ਸੋਚਦੇ ਹਨ।

(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTERਅਤੇ YouTube 'ਤੇ ਜੁੜੋ।)