ਤਸਵੀਰਾਂ: ਕੈਲੀਫੋਰਨੀਆ 'ਚ ਗਾਰੇ ਦੇ ਹੜ੍ਹ ਨਾਲ ਭਿਆਨਕ ਤਬਾਹੀ, 17 ਮੌਤਾਂ, ਸੈਂਕੜੇ ਘਰ ਤਬਾਹ

Image copyright BBC/SANTA BARBARA NEWS VIA REUTERS

ਦੱਖਣੀ ਕੈਲੀਫੋਰਨੀਆ ਵਿੱਚ ਗਾਰੇ ਦੇ ਹੜ੍ਹ ਆਉਣ ਨਾਲ 17 ਲੋਕਾਂ ਦੀ ਮੌਤ ਹੋ ਗਈ ਹੈ ਤੇ ਦਰਜਨ ਤੋਂ ਉੱਪਰ ਵਿਅਕਤੀ ਲਾਪਤਾ ਹਨ।

ਪ੍ਰਭਾਵਿਤ ਖੇਤਰ ਸਾਨਟਾ ਬਾਰਬਰਾ ਕਾਊਂਟੀ ਵਿੱਚ 28 ਲੋਕਾਂ ਦੇ ਜ਼ਖਮੀ ਹੋਣ ਦੀ ਖ਼ਬਰ ਹੈ।

ਇਸ ਹਾਦਸੇ ਵਿੱਚ 100 ਤੋਂ ਵੱਧ ਘਰ ਬਰਬਾਦ ਹੋ ਗਏ ਹਨ ਅਤੇ 300 ਤੋਂ ਵੱਧ ਘਰ ਨੁਕਸਾਨੇ ਗਏ ਹਨ।

ਜ਼ਿਕਰਯੋਗ ਹੈ ਕਿ ਦਸੰਬਰ ਵਿੱਚ ਹੀ ਦੱਖਣੀ ਕੈਲੀਫੋਰਨੀਆ ਦੇ ਪਹਾੜਾਂ ਦੇ ਜੰਗਲਾਂ ਵਿੱਚ ਅੱਗ ਲੱਗੀ ਸੀ।

Image copyright EPA

ਪਹਾੜਾਂ ਵਿੱਚ ਪਹਾੜਾਂ ਦੇ ਜੰਗਲਾਂ ਵਿੱਚ ਅੱਗ ਲੱਗਣ ਕਰਕੇ ਜਦੋਂ ਮੀਂਹ ਪੈਂਦਾ ਹੈ ਤਾਂ ਮਿੱਟੀ ਗਾਰਾ ਬਣ ਕੇ ਹੇਠਾਂ ਵਹਿ ਆਉਂਦੀ ਹੈ ਕਿਉਂਕਿ ਸਧਾਰਣ ਹਾਲਤਾਂ ਵਿੱਚ ਰੁੱਖਾਂ ਦੀਆਂ ਜੜ੍ਹਾਂ ਮਿੱਟੀ ਨੂੰ ਰੋਕੀ ਵੀ ਰਖਦੀਆਂ ਹਨ।

Image copyright AFP

ਸੜੇ ਹੋਏ ਰੁੱਖ ਤੇ ਅੱਗ ਕਰਕੇ ਪੱਕ ਕੇ ਸਖ਼ਤ ਹੋਈ ਮਿੱਟੀ ਦੀ ਪੇਪੜੀ ਦਰਖ਼ਤਾਂ ਦੇ ਠੂਠਾਂ ਨੂੰ ਨਾਲ ਲੈ ਕੇ ਨਿਵਾਣ ਵੱਲ ਵਹਿ ਤੁਰਦੀ ਹੈ।ਪਹਿਲੀਆਂ ਬਾਰਸ਼ਾਂ ਨਾਲ ਹੀ ਜੰਗਲ ਦੀ ਅੱਗ ਕਾਰਨ ਨੰਗੇ ਹੋਏ ਪਹਾੜਾਂ ਦੀ ਮਿੱਟੀ ਗਾਰਾ ਬਣ ਕੇ ਮੈਦਾਨਾਂ ਵੱਲ ਆ ਗਈ।

ਕਈ ਥਾਵਾਂ 'ਤੇ ਤਾਂ ਗਾਰਾ ਲੱਕ ਤੱਕ ਚੜ੍ਹ ਆਇਆ। ਪੁਲਿਸ ਦਾ ਕਹਿਣਾ ਹੈ ਕਿ ਇਲਾਕਾ ਵੇਖਣ ਨੂੰ ਪਹਿਲੇ ਵਿਸ਼ਵ ਯੁੱਧ ਦੇ ਮੈਦਾਨ ਵਰਗਾ ਲੱਗ ਰਿਹਾ ਸੀ।

Image copyright EPA

ਦਰਜਨਾਂ ਵਿਅਕਤੀਆਂ ਨੂੰ ਬਚਾ ਕੇ ਸੁਰਖਿਅਤ ਥਾਵਾਂ ਤੇ ਲਿਜਾਇਆ ਗਿਆ ਹੈ ਜਦ ਕਿ 163 ਦੇ ਲਗਪਗ ਨੂੰ ਹਸਪਤਾਲ ਦਾਖਲ ਕਰਨਾ ਪਿਆ।

Image copyright EPA

ਤੱਟੀ ਇਲਕਿਆਂ ਵੱਲ 48 ਕਿਲੋਮੀਟਰ ਤੋਂ ਵੱਧ ਸੜਕਾਂ ਪ੍ਰਭਾਵਿਤ ਹੋਈਆਂ ਹਨ ਤੇ ਆਵਾ-ਜਾਈ ਠੱਪ ਹੈ।

Image copyright EPA

ਸਾਨਟਾ ਬਾਰਬਰਾ ਕਾਊਂਟੀ ਦੇ ਨਾਲ ਲਗਦੇ ਇੱਕ ਹੋਰ ਇਲਾਕੇ ਵਿੱਚ 300 ਲੋਕਾਂ ਦੇ ਫਸੇ ਹੋਣ ਦੀ ਖਬਰ ਹੈ ਬਚਾਅ ਕਾਰਜ ਚੱਲ ਰਹੇ ਹਨ। ਬਚਾਅ ਕਰਮੀਂ ਫਸੇ ਹੋਏ ਲੋਕਾਂ ਨੂੰ ਬਾਹਰ ਕੱਢ ਰਹੇ ਹਨ।

Image copyright EPA

ਹਜ਼ਾਰਾਂ ਲੋਕਾਂ ਨੂੰ ਆਪਣੇ ਘਰ ਛੱਡ ਕੇ ਜਾਣਾ ਪਿਆ। ਕਈਆਂ ਨੂੰ ਤਾਂ ਦੋ ਮਹੀਨਿਆਂ ਵਿੱਚ ਜੰਗਲ ਦੀ ਅੱਗ ਤੋਂ ਬਾਅਦ ਦੂਸਰੀ ਵਾਰ ਆਪਣੇ ਘਰ ਛੱਡਣੇ ਪਏ ਹਨ ਤੇ ਕਈ ਘਰ ਆਪਣੀਆਂ ਬੁਨਿਆਦਾਂ ਤੋਂ ਖਿਸਕ ਗਏ ਹਨ।

ਪਿਛਲੇ ਸਾਲ 2017 ਵਿੱਚ ਅਮਰੀਕਾ ਵਿੱਚ ਕੁਦਰਤੀ ਆਫ਼ਤਾਂ ਕਰਕੇ 30600 ਕਰੋੜ ਡਾਲਰ ਦਾ ਨੁਕਸਾਨ ਹੋ ਚੁੱਕਿਆ ਹੈ।

(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTERਅਤੇ YouTube 'ਤੇ ਜੁੜੋ।)