ਜਾਪਾਨੀ ਟਾਪੂਆਂ ਦੇ ਨੇੜੇ ਕਿਸ ਮਿਸ਼ਨ 'ਤੇ ਸਨ ਚੀਨ ਦੇ ਬੇੜੇ?

ਵਿਵਾਦਗ੍ਰਸਤ ਟਾਪੂਆਂ Image copyright AFP

ਪੂਰਬੀ ਚੀਨ ਸਾਗਰ ਵਿੱਚ ਵਿਵਾਦਗ੍ਰਸਤ ਟਾਪੂਆਂ ਦੇ ਨੇੜੇ ਚੀਨ ਦੇ ਲੜਾਕੂ ਬੇੜੇ ਦੇ ਲੰਘਣ ਤੋਂ ਬਾਅਦ ਜਾਪਾਨ ਨੇ ਟੋਕੀਓ ਵਿੱਚ ਚੀਨ ਦੇ ਰਾਜਦੂਤ ਤਲਬ ਕੀਤਾ ਹੈ।

ਜਾਪਾਨ ਦੀ ਫ਼ੌਜ ਨੇ ਦੱਸਿਆ ਕਿ ਇਨ੍ਹਾਂ ਟਾਪੂਆਂ ਦੇ ਨੇੜਿਉਂ ਬੁੱਧਵਾਰ ਅਤੇ ਵੀਰਵਾਰ ਨੂੰ ਕਿਸੇ ਦੂਜੇ ਦੇਸ਼ ਦੀ ਪਣਡੁੱਬੀ ਵੀ ਲੰਘੀ ਸੀ। ਹਾਲਾਂਕਿ ਉਹ ਪਣਡੁੱਬੀ ਕਿਸ ਦੇਸ ਸੀ, ਇਹ ਫ਼ਿਲਹਾਲ ਪਤਾ ਨਹੀਂ ਹੈ।

ਨਿਰਜਨ ਸੇਨਕਾਕੁ ਟਾਪੂ ਉੱਤੇ ਜਾਪਾਨ ਦਾ ਕਬਜ਼ਾ ਹੈ ਪਰ ਚੀਨ ਵੀ ਇਸ ਇਲਾਕੇ ਉੱਤੇ ਦਾਅਵਾ ਕਰਦਾ ਹੈ।

ਅਮਰੀਕਾ ਨੇ ਮਦਦ ਰੋਕੀ ਤਾਂ ਪਾਕਿਸਤਾਨ ਨੇ ਸਹਿਯੋਗ

ਕਿਸ-ਕਿਸ ਨੂੰ ਮਿਲ ਸਕਦਾ ਹੈ ਚੀਨ ਵਿੱਚ 10 ਸਾਲ ਲਈ ਵੀਜ਼ਾ?

ਚੀਨ ਇਸ ਨੂੰ ਦਿਆਉ ਟਾਪੂ ਕਹਿੰਦਾ ਹੈ। ਦੋਵਾਂ ਦੇਸਾਂ ਵਿੱਚ ਇਸ ਛੋਟੇ ਜਿਹੇ ਟਾਪੂ ਸਮੂਹ ਨੂੰ ਲੈ ਕੇ ਲਗਾਤਾਰ ਤਣਾਅ ਬਣਿਆ ਹੋਇਆ ਹੈ। ਇਹ ਟਾਪੂ ਇਸ ਲਈ ਵੀ ਖ਼ਾਸ ਹੈ ਕਿਉਂਕਿ ਇਹ ਮੁੱਖ ਜਹਾਜ਼ਰਾਨੀ ਰੂਟ ਦੇ ਕੋਲ ਪੈਂਦਾ ਹੈ।

ਇੱਥੇ ਮੱਛੀ ਉਤਪਾਦਨ ਦੀ ਵੱਡੀ ਸੰਭਾਵਨਾ ਹੈ ਅਤੇ ਮੰਨਿਆ ਜਾਂਦਾ ਹੈ ਕਿ ਇਸ ਇਲਾਕੇ ਵਿੱਚ ਤੇਲ ਅਤੇ ਗੈਸ ਦੇ ਵੱਡੇ ਭੰਡਾਰ ਹਨ।

ਚੀਨ ਭੇਜਦਾ ਰਿਹੈ ਰੱਖਿਆ ਜਹਾਜ਼

ਬੀਬੀਸੀ ਦੇ ਪੂਰਬੀ ਏਸ਼ੀਆ ਮਾਮਲਿਆਂ ਦੇ ਸੰਪਾਦਕ ਮਾਈਕਲ ਬਰਿਸਟੋ ਦਾ ਕਹਿਣਾ ਹੈ ਕਿ ਚੀਨ ਇਸ ਟਾਪੂ ਦੇ ਕੋਲ ਲਗਾਤਾਰ ਰੱਖਿਆ ਜਹਾਜ਼ ਭੇਜਦਾ ਰਿਹਾ ਹੈ। ਪਰ ਲੜਾਕੂ ਬੇੜਾ ਜਾਂ ਸੰਭਵ ਤੋਰ ਪਣਡੁੱਬੀ ਭੇਜਣ ਤੋਂ ਅਜਿਹਾ ਲੱਗਦਾ ਹੈ ਕਿ ਚੀਨ ਆਪਣੇ ਦਾਅਵੇ ਉੱਤੇ ਜ਼ੋਰ ਦੇ ਰਿਹਾ ਹੈ।

Image copyright Getty Images

ਜਾਪਾਨ ਨੇ ਕਿਹਾ ਹੈ ਕਿ ਚੀਨ ਦਾ ਵੱਡਾ ਲੜਾਕੂ ਜਹਾਜ਼ ਟਾਪੂ ਦੇ ਨੇੜੇ ਦੇ ਪਾਣੀ ਖੇਤਰ ਤੋਂ ਸਥਾਈ ਸਮੇਂ ਮੁਤਾਬਕ 11 ਵਜੇ ਲੰਘਿਆ। ਉਸੇ ਇਲਾਕੇ ਵਿੱਚ ਇੱਕ ਪਣਡੁੱਬੀ ਦੀ ਹਾਜ਼ਰੀ ਵੀ ਦਰਜ ਕੀਤੀ ਗਈ ਪਰ ਕੋਈ ਵੀ ਜਾਪਾਨੀ ਖੇਤਰ ਵਿੱਚ ਦਾਖਲ ਨਹੀਂ ਹੋਇਆ।

ਸੰਯੁਕਤ ਰਾਸ਼ਟਰ ਦੀ ਸੰਮੇਲਨ ਮੁਤਾਬਕ ਕਿਸੇ ਦੇਸ ਦੇ ਤੱਟਵਰਤੀ ਸਮੁੰਦਰ ਲਾਗਲੇ ਪਾਣੀ ਖੇਤਰ ਉੱਤੇ ਉਸ ਦੇਸ ਦਾ ਕਬਜ਼ਾ ਹੁੰਦਾ ਹੈ। ਜਾਪਾਨ ਨੇ ਇਸ ਘਟਨਾ ਤੋਂ ਬਾਅਦ ਚੀਨ ਦੇ ਰਾਜਦੂਤ ਨੂੰ ਤਲਬ ਕਰ ਕੇ ਮਾਮਲੇ ਉੱਤੇ ਆਪਣਾ ਵਿਰੋਧ ਅਤੇ ਗੰਭੀਰ ਚਿੰਤਾ ਦਰਜ ਕਰਾਈ।

ਗਾਰੇ ਦੇ ਹੜ੍ਹ ਨਾਲ ਕੈਲੇਫੋਰਨੀਆ 'ਚ ਹਾਹਾਕਾਰ

'ਹਥਿਆਰਬੰਦਾਂ ਨੇ ਕਿਹਾ ਇਸਨੂੰ ਗੋਲੀ ਮਾਰ ਦਿਓ'

ਇਸ ਵਿੱਚ ਚੀਨ ਦੇ ਵਿਦੇਸ਼ ਮੰਤਰਾਲੇ ਦੇ ਬੁਲਾਰੇ ਲੁ ਕਾਂਗ ਨੇ ਕਿਹਾ ਹੈ ਕਿ ਚੀਨ ਜਾਪਾਨੀ ਇਲਾਕੇ ਵਿੱਚ ਚੱਲ ਰਹੀਆਂ ਗਤੀਵਿਧੀਆਂ ਦੀ ਨਿਗਰਾਨੀ ਦਾ ਕੰਮ ਕਰ ਰਿਹਾ ਸੀ। ਨਾਲ ਹੀ ਉਨ੍ਹਾਂ ਨੇ ਇਸ ਟਾਪੂ ਉੱਤੇ ਚੀਨ ਦਾ ਦਾਅਵਾ ਵੀ ਦੁਹਰਾਇਆ।

ਸਾਲ 2012 ਵਿੱਚ ਜਾਪਾਨ ਨੇ ਇੱਕ ਵਿਅਕਤੀ ਤੋਂ ਇਹ ਵਿਵਾਦਗ੍ਰਸਤ ਟਾਪੂ ਖ਼ਰੀਦਿਆ ਸੀ ਅਤੇ ਇਸ ਤੋਂ ਬਾਅਦ ਹੀ ਦੋਵਾਂ ਦੇਸਾਂ ਦੇ ਸੰਬੰਧ ਵਿਗੜਦੇ ਚਲੇ ਗਏ।

(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTERਅਤੇ YouTube 'ਤੇ ਜੁੜੋ।)

ਸਬੰਧਿਤ ਵਿਸ਼ੇ