ਸਾਉਦੀ ਅਰਬ ਨੇ ਪਹਿਲੀ ਵਾਰ ਔਰਤਾਂ ਨੂੰ ਸਟੇਡੀਅਮ 'ਚ ਬੈਠ ਕੇ ਫੁੱਟਬਾਲ ਮੈਚ ਦੇਖਣ ਦੀ ਆਗਿਆ ਦਿੱਤੀ

ਸਾਉਦੀ ਅਰਬ ਨੇ ਪਹਿਲੀ ਵਾਰ ਔਰਤਾਂ ਨੂੰ ਫੁਟਬਾਲ ਮੈਚ ਦੇਖਣ ਦੀ ਆਗਿਆ ਦਿੱਤੀ Image copyright STRINGER/AFP/Getty Images

ਸਾਉਦੀ ਅਰਬ ਨੇ ਇਤਿਹਾਸ ਵਿੱਚ ਪਹਿਲੀ ਵਾਰ ਔਰਤਾਂ ਨੂੰ ਫੁੱਟਬਾਲ ਮੈਚ ਦੇਖਣ ਦੀ ਇਜਾਜ਼ਤ ਦਿੱਤੀ।

ਇਹ ਕਦਮ ਕੱਟੜ ਮੁਸਲਿਮ ਦੇਸ ਵਿੱਚ ਲਿੰਗ ਭੇਦ ਮੇਟਣ ਦੇ ਇਰਾਦੇ ਨਾਲ ਚੁੱਕਿਆ ਗਿਆ ਹੈ।

ਸ਼ੁੱਕਰਵਾਰ ਨੂੰ ਔਰਤਾਂ ਦਾ ਇੱਕ ਗਰੁੱਪ ਬੇਫ਼ਿਕਰ ਹੋ ਕੇ ਜਾਰਡਨ ਦੇ ਖੇਡ ਸਟੇਡੀਅਮ ਵਿੱਚ ਆਰਾਮ ਨਾਲ ਸੀਟਾਂ 'ਤੇ ਬੈਠ ਕੇ ਮੈਚ ਦੇਖਦਿਆਂ ਦੇਖਿਆ ਗਿਆ ।

ਸਾਊਦੀ ਅਰਬ 'ਚ ਹੁਣ ਔਰਤਾਂ ਵੀ ਜਾ ਸਕਣਗੀਆਂ ਸਟੇਡੀਅਮ

ਇਸਲਾਮ ਕਬੂਲ ਕਰਨ ਵਾਲੀ ਪਹਿਲੀ ਔਰਤ ਕੌਣ ਸੀ?

ਸਾਊਦੀ ਅਰਬ 'ਚ ਵੇਚੀਆਂ ਗਈਆਂ ਇਹ ਪੰਜਾਬਣਾਂ ?

ਇਸ ਫੈਸਲੇ ਨੂੰ ਯੁਵਰਾਜ ਮੋਹੰਮਦ ਬਿਨ ਸਾਲਮਨ ਦੇ ਦੇਸ ਨੂੰ ਆਧੁਨਿਕਤਾ ਵੱਲ ਲਿਜਾਉਣ ਲਈ ਚੁੱਕੇ ਜਾ ਰਹੇ ਕਦਮਾਂ ਦਾ ਹਿੱਸਾ ਮੰਨਿਆ ਜਾ ਰਿਹਾ ਹੈ।

Image copyright AFP

ਇਸ ਤੋਂ ਪਹਿਲਾਂ ਔਰਤਾਂ ਲਈ ਖ਼ਾਸ ਕਾਰ ਸ਼ੋਅਰੂਮ ਦਾ ਵੀ ਉਦਘਾਟਨ ਕੀਤਾ ਗਿਆ ਸੀ। ਜ਼ਿਕਰਯੋਗ ਹੈ ਸਤੰਬਰ ਵਿੱਚ ਔਰਤਾਂ ਨੂੰ ਡ੍ਰਾਈਵਿੰਗ ਦੀ ਆਗਿਆ ਮਿਲੀ ਸੀ। ਉੱਥੇ ਔਰਤਾਂ ਇਸ ਸਾਲ ਜੂਨ ਤੋਂ ਡ੍ਰਾਈਵਿੰਗ ਕਰ ਸਕਣਗੀਆਂ।

ਔਰਤਾਂ ਨੇ ਸ਼ੋਅਰੂਮ ਵਿੱਚ ਵਾਹਨਾਂ ਦਾ ਬਾਖੂਬੀ ਜਾਇਜ਼ਾ ਲਿਆ ਸੀ।

ਸਟੇਡੀਅਮ ਵਿੱਚ ਪਰਿਵਾਰਾਂ ਦੇ ਸਵਾਗਤ ਲਈ ਮਹਿਲਾ ਮੁਲਾਜ਼ਮ ਲਾਈਆਂ ਗਈਆਂ ਸਨ। ਬੀਬੀਆਂ ਤੇ ਮਹਿਲਾ ਮੁਲਾਜ਼ਮਾਂ ਨੇ ਰਵਾਇਤੀ ਕਾਲੇ ਲਿਬਾਸ ਪਾਏ ਹੋਏ ਸਨ। ਨਵੇਂ ਦਰਸ਼ਕਾਂ ਨੇ ਇਸ ਮੌਕੇ ਦਾ ਭਰਪੂਰ ਆਨੰਦ ਮਾਣਿਆ ਅਤੇ ਸਥਾਨਕ ਟੀਮ ਨੂੰ ਹੱਲਾਸ਼ੇਰੀ ਦਿੱਤੀ।

Image copyright STRINGER/AFP/Getty Images

ਮੈਚ ਦੇ ਦੋ ਘੰਟਿਆਂ ਦੌਰਾਨ ਨਵੇਂ ਦਰਸ਼ਕਾਂ ਦਾ ਸਵਾਗਤ ਕਰਦਾ ਹੈਸ਼ਟੈਗ ਵੀ ਹਜ਼ਾਰਾਂ ਵਾਰ ਸਾਂਝਾ ਕੀਤਾ ਗਿਆ।

32 ਸਾਲਾ ਫੁਟਬਾਲ ਖਿਡਾਰਨ ਲਾਮਿਆ ਖਾਲਿਦ ਨਸਰ ਨੇ ਖ਼ਬਰ ਏਜੰਸੀ ਏਐਫਪੀ ਨੂੰ ਦੱਸਿਆ ਕਿ ਉਹ ਇਸ ਮੈਚ ਦੀ ਬੇਸਬਰੀ ਨਾਲ ਉਡੀਕ ਕਰ ਰਹੀ ਸੀ।

" ਇਹ ਮੌਕਾ ਸਾਬਤ ਕਰਦਾ ਹੈ ਕਿ ਅਸੀਂ ਇੱਕ ਖੁਸ਼ਹਾਲ ਭਵਿੱਖ ਵੱਲ ਵਧ ਰਹੇ ਹਾਂ। ਮੈਨੂੰ ਇਸ ਤਬਦੀਲੀ ਦੀ ਗਵਾਹ ਬਣਨ ਦਾ ਮਾਣ ਹੈ।"

Image copyright STRINGER/AFP/Getty Images

ਜੇਦ ਦੀ ਇੱਕ ਹੋਰ ਨਾਗਰਿਕ ਰੁਵਾਦੀਆ ਅਲੀ ਕਾਸਿਮ ਨੇ ਖ਼ਬਰ ਏਜੰਸੀ ਏਐਫਪੀ ਨੂੰ ਦੱਸਿਆ," ਇਹ ਸਲਤਨਤ ਲਈ ਇੱਕ ਇਤਿਹਾਸਕ ਦਿਨ ਹੈ, ਜਦੋਂ ਬੁਨਿਆਦੀ ਤਬਦੀਲੀਆਂ ਹੋ ਰਹੀਆਂ ਹਨ।"

ਉਨ੍ਹਾਂ ਅੱਗੇ ਕਿਹਾ," ਮੈਂ ਇਸ ਮੌਕੇ ਅਤੇ ਸਲਤਨਤ ਦੁਆਰਾ ਹੋਰ ਸੱਭਿਅਕ ਮੁਲਕਾਂ ਵੱਲੋਂ ਅਪਣਾਏ ਤਰੀਕਿਆਂ ਨਾਲ ਕਦਮ ਮੇਚਣ ਦੀ ਕੋਸ਼ਿਸ਼ ਲਈ ਬਹੁਤ ਖੁਸ਼ ਹਾਂ"

ਮੀਡੀਆ ਪਲੇਬੈਕ ਤੁਹਾਡੀ ਡਿਵਾਈਸ 'ਤੇ ਸਪੋਰਟ ਨਹੀਂ ਕਰਦਾ
ਗੱਡੀ ਚਲਾਉਣ ਦੀ ਆਜ਼ਾਦੀ ਤਾਂ ਮਿਲ ਗਈ, ਪਰ ਕਈ ਕੰਮ ਹਨ ਜੋ ਇਹ ਔਰਤਾਂ ਬਿਨਾਂ ਇਜਾਜ਼ਤ ਨਹੀਂ ਕਰ ਸਕਦੀਆਂ

ਸਾਉਦੀ ਸਰਕਾਰ ਨੇ ਇਹ ਇਜਾਜ਼ਤ ਪਿਛਲੇ ਹਫ਼ਤੇ ਦਿੱਤੀ ਸੀ ਕਿ ਔਰਤਾਂ ਸ਼ਨੀਵਾਰ ਨੂੰ ਹੋਣ ਵਾਲਾ ਦੂਜਾ ਮੈਚ ਅਤੇ ਵੀਰਵਾਰ ਨੂੰ ਹੋਣ ਵਾਲਾ ਤੀਜਾ ਮੈਚ ਵੇਖ ਸਕਣਗੀਆਂ।

ਕਈ ਫੁੱਟਬਾਲ ਕਲੱਬਾਂ ਨੇ ਟਵਿਟਰ ਰਾਹੀਂ ਬੀਬੀਆਂ ਨੂੰ ਇਸ ਮੌਕੇ ਲਈ ਉਸਸ਼ਾਹਿਤ ਕਰਨ ਖਾਤਰ ਰਵਾਇਤੀ ਪੌਸ਼ਾਕਾਂ ਦੇਣ ਦੀ ਪੇਸ਼ਕਸ਼ ਵੀ ਕੀਤੀ ਸੀ।

ਸਾਉਦੀ ਅਰਬ ਦਾ ਰਾਜ ਪਰਿਵਾਰ ਤੇ ਸਰਕਾਰ ਵਹਾਬੀ ਇਸਲਾਮਿਕ ਕਾਨੂੰਨ ਦੀ ਪਾਲਣਾ ਕਰਦੀ ਹੈ। ਜਿਸ ਕਰਕੇ ਵਿਵਹਾਰ ਤੇ ਪਹਿਰਾਵੇ ਸੰਬੰਧੀ ਰਵਾਇਤਾਂ ਦੀ ਸਖਤੀ ਨਾਲ ਪਾਲਣਾ ਕੀਤੀ ਜਾਂਦੀ ਹੈ।

Image copyright STRINGER/AFP/Getty Images

ਸਾਉਦੀ ਕਾਨੂੰਨਾਂ ਮੁਤਾਬਕ ਔਰਤਾਂ ਦੇ ਬਾਹਰ ਨਿਕਲਣ ਸਮੇਂ ਉਨ੍ਹਾਂ ਨਾਲ ਕਿਸੇ ਪਰਿਵਾਰਕ ਪੁਰਸ਼ ਦਾ ਹੋਣਾ ਜਰੂਰੀ ਹੈ। ਬਹੁਤੇ ਰੈਸਟੋਰੈਂਟਾਂ ਵਿੱਚ ਵੀ ਦੋ ਹਿੱਸੇ ਹੁੰਦੇ ਹਨ, ਇੱਕ ਸਿਰਫ ਮਰਦਾਂ ਲਈ ਤੇ ਦੂਸਰਾ ਔਰਤਾਂ ਤੇ ਉਨ੍ਹਾਂ ਦੇ ਨਾਲ ਆਏ ਪਰਿਵਾਰਕ ਮੈਂਬਰਾਂ ਲਈ।

ਹਾਲਾਂ ਕਿ ਦੇਸ ਵਿੱਚ ਔਰਤਾਂ ਦੀ ਆਜ਼ਾਦੀ ਦਿਨੋਂ-ਦਿਨ ਵਧ ਰਹੀ ਹੈ ਪਰ ਹਾਲੇ ਵੀ ਉਹ ਬਹੁਤ ਕੁੱਝ ਨਹੀਂ ਕਰ ਸਕਦੀਆਂ। ਜਿਵੇਂ-

  • ਉਹ ਪਾਸਪੋਰਟ ਲਈ ਅਪਲਾਈ ਨਹੀਂ ਕਰ ਸਕਦੀਆਂ।
  • ਵਿਦੇਸ਼ ਯਾਤਰਾ ਨਹੀਂ ਕਰ ਸਕਦੀਆਂ।
Image copyright STRINGER/AFP/Getty Images
  • ਆਪਣੀ ਮਰਜੀ ਨਾਲ ਵਿਆਹ ਨਹੀਂ ਕਰਾ ਸਕਦੀਆਂ।
  • ਬੈਂਕ ਵਿੱਚ ਖਾਤਾ ਨਹੀਂ ਖੁੱਲ੍ਹਵਾ ਸਕਦੀਆਂ।
  • ਵਾਪਾਰ ਨਹੀਂ ਕਰ ਸਕਦੀਆਂ।
  • ਇੱਛਾ ਮੁਤਾਬਕ ਅਪ੍ਰੇਸ਼ਨ ਨਹੀਂ ਕਰਾ ਸਕਦੀਆਂ।
  • ਉਹ ਪਰਿਵਾਰ ਦੇ ਪੁਰਸ਼ ਮੈਂਬਰ ਦੀ ਇਜਾਜ਼ਤ ਤੋਂ ਬਿਨਾਂ ਕਈ ਮਾਮਲਿਆਂ ਵਿੱਚ ਜੇਲ੍ਹ ਤੋਂ ਰਿਹਾਅ ਨਹੀਂ ਹੋ ਸਕਦੀਆਂ।
Image copyright STRINGER/AFP/Getty Images

ਦਸੰਬਰ ਵਿੱਚ ਮੋਹੰਮਦ ਬਿਨ ਸਾਲਮਨ ਨੇ ਸਿਨਮਾ ਘਰਾਂ 'ਤੇ ਦਹਾਕਿਆਂ ਤੋਂ ਚੱਲੇ ਆ ਰਹੀ ਪਾਬੰਦੀ ਨੂੰ ਹਟਾਇਆ ਸੀ ਤਾਂ ਕਿ ਦੇਸ ਦੀ ਮਨੋਰੰਜਨ ਸਨਅਤ ਵਿਕਾਸ ਕਰ ਸਕੇ। ਇਹ ਸੁਧਾਰ 32 ਸਾਲਾ ਪ੍ਰਿੰਸ ਮੁਹੰਮਦ ਵੱਲੋਂ ਐਲਾਨੀ ਇੱਕ ਮੁਹਿੰਮ ਮੁਤਾਬਕ ਹਨ ਜੋ "ਵਿਜ਼ਨ 2023" ਵਜੋਂ ਜਾਣੇ ਜਾਂਦੇ ਹਨ।

ਕੱਟੜਪੰਥੀਆਂ ਵੱਲੋਂ ਯੁਵਰਾਜ ਦੇ ਇਨ੍ਹਾਂ ਕਦਮਾਂ ਦੀ ਆਲੋਚਨਾ ਵੀ ਹੋ ਰਹੀ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਅਜਿਹੇ ਕਾਰਜਾਂ ਨਾਲ ਸਾਉਦੀ ਸਮਾਜ ਦੇ ਉੱਚੇ ਨੈਤਿਕ ਮੁੱਲਾਂ ਵਿੱਚ ਨਿਘਾਰ ਆਵੇਗਾ।

ਸਾਊਦੀ: ਰੋਬੋਟ ਨੂੰ ਔਰਤਾਂ ਨਾਲੋਂ ਜ਼ਿਆਦਾ ਹੱਕ !

ਸਾਊਦੀ ਅਰਬ 'ਚ 11 ਰਾਜਕੁਮਾਰ ਹਿਰਾਸਤ ਵਿੱਚ

(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTERਅਤੇ YouTube 'ਤੇ ਜੁੜੋ।)