ਕਾਬੁਲ ਹਮਲਾ: 'ਇਲਾਕਾ ਕਿਸੇ ਬੁੱਚੜਖਾਨੇ ਵਾਂਗ ਨਜ਼ਰ ਆ ਰਿਹਾ ਸੀ'

ਧਮਾਕੇ ਵਿੱਚ ਜ਼ਖਮੀ ਨੌਜਵਾਨ Image copyright AFP
ਫੋਟੋ ਕੈਪਸ਼ਨ ਧਮਾਕੇ ਵਿੱਚ ਜ਼ਖਮੀ ਨੌਜਵਾਨ

ਅਫ਼ਗਾਨਿਸਤਾਨ ਦੀ ਰਾਜਧਾਨੀ ਕਾਬੁਲ ਵਿੱਚ ਅਧਿਕਾਰੀਆਂ ਮੁਤਾਬਕ ਖੁਦਕੁਸ਼ ਬੰਬ ਧਮਾਕਾ ਹੋਇਆ ਹੈ।

ਹਮਲਾ ਦੇਸ ਦੇ ਗ੍ਰਹਿ ਮੰਤਰਾਲੇ, ਯੂਰਪੀਅਨ ਯੂਨੀਅਨ ਅਤੇ ਹਾਈ ਪੀਸ ਕਾਊਂਸਲ ਦੇ ਦਫ਼ਤਰਾਂ ਕੋਲ ਹੋਇਆ ਹੈ।

ਗ੍ਰਹਿ ਮੰਤਰਾਲੇ ਦੇ ਬੁਲਾਰੇ ਨੇ ਬੀਬੀਸੀ ਨੂੰ ਦੱਸਿਆ ਕਿ ਬੰਬ ਇੱਕ ਐਂਬੂਲੈਂਸ ਵਿੱਚ ਸੀ ਤੇ ਜਦੋਂ ਇਸ ਨੂੰ ਪੁਲਿਸ ਵੱਲੋਂ ਜਾਂਚ ਲਈ ਰੋਕਿਆ ਗਿਆ ਤਾਂ ਧਮਾਕਾ ਕਰ ਦਿੱਤਾ ਗਿਆ।

ਹਮਲੇ ਵਿੱਚ ਮਰਨ ਵਾਲਿਆਂ ਦੀ ਗਿਣਤੀ ਵੱਧ ਕੇ 95 ਹੋ ਗਈ ਹੈ ਤੇ ਜ਼ਖਮੀਆਂ ਦੀ ਗਿਣਤੀ ਵੀ ਸੈਂਕੜਿਆਂ ਵਿੱਚ ਹੈ।

Image copyright BBC AFGHAN

ਅਫ਼ਗਾਨਿਸਤਾਨ ਸੰਸਦ ਮੈਂਬਰ ਮਿਰਵਾਇਜ਼ ਯਾਸਿਨੀ ਨੇ ਬੀਬੀਸੀ ਨੂੰ ਮੌਕੇ ਦੇ ਹਾਲਾਤਾਂ ਬਾਰੇ ਦੱਸਿਆ।

ਉਨ੍ਹਾਂ ਕਿਹਾ, ''ਸਾਰਾ ਇਲਾਕਾ ਕਿਸੇ ਬੁੱਚੜਖਾਨੇ ਵਾਂਗ ਨਜ਼ਰ ਆ ਰਿਹਾ ਸੀ।''

ਉਨ੍ਹਾਂ ਅੱਗੇ ਕਿਹਾ ਕਿ ਅਸੀਂ ਸਾਰਾ ਪਰਿਵਾਰ ਦੁਪਹਿਰ ਦਾ ਖਾਣਾ ਖਾ ਰਹੇ ਸੀ ਕਿ ਅਚਾਨਕ ਧਮਾਕਾ ਹੋਇਆ।

ਸਾਨੂੰ ਲੱਗਾ ਕਿ ਇਹ ਸਾਡੇ ਘਰ ਅੰਦਰ ਹੋਇਆ। ਬਾਹਰ ਜਾ ਕੇ ਦੇਖਿਆ ਤਾਂ ਲਾਸ਼ਾਂ ਖਿਲਰੀਆਂ ਪਈਆਂ ਸਨ। ਇਹ ਬੇਹੱਦ ਅਣਮਨੁੱਖੀ ਹੈ।

Image copyright EPA
ਫੋਟੋ ਕੈਪਸ਼ਨ ਹਮਲੇ ਮਗਰੋਂ ਬਰਬਾਦੀ ਦੀਆਂ ਤਸਵੀਰਾਂ

ਨਾਮ ਨਾ ਛਾਪਣ ਦੀ ਸ਼ਰਤ 'ਤੇ ਇੱਕ ਸਾਫਟਵੇਅਰ ਇੰਜੀਨੀਅਰ ਨੇ ਹਾਲਾਤ ਬਾਰੇ ਬਿਆਨ ਕੀਤਾ।

ਆਵਾਜ਼ ਇੱਕ ਕਿੱਲੋਮੀਟਰ ਦੂਰ ਸੁਣੀ

ਉਸਨੇ ਦੱਸਿਆ ਕਿ ਉਹ ਘਟਨਾ ਵਾਲੀ ਥਾਂ ਤੋਂ ਇੱਕ ਕਿੱਲੋਮੀਟਰ ਦੂਰ ਸੀ ਜਦੋਂ ਧਮਾਕੇ ਦੀ ਆਵਾਜ਼ ਸੁਣੀ।

ਉਸਨੇ ਅੱਗੇ ਕਿਹਾ, ''ਮੈਂ ਅੱਗ ਦੇ ਭਾਂਬੜ ਉੱਠਦੇ ਦੇਖੇ। ਧੂੰਆਂ ਬਹੁਤ ਸੰਘਣਾ ਸੀ। ਮੇਰੀਆਂ ਅੱਖਾਂ ਵੀ ਸੜਨ ਲੱਗੀਆ ਫ਼ਿਰ ਮੈਨੂੰ ਦਿਖਣਾ ਬੰਦ ਹੋ ਗਿਆ।''

ਉਸ ਮੁਤਾਬਕ ਜਦੋਂ ਨੇੜੇ ਜਾ ਕੇ ਲਾਸ਼ਾਂ ਦੇਖਿਆ ਤਾਂ ਨਜ਼ਾਰਾ ਕਿਸੇ ਕਬਰਗਾਹ ਵਰਗਾ ਸੀ। ਇਲਾਕਾ ਬਿਲਕੁਲ ਤਬਾਹ ਹੋ ਗਿਆ ਹੈ।

Image copyright Getty Images

ਤਾਲਿਬਾਨ ਨੇ ਇਸ ਦੀ ਜਿੰਮੇਵਾਰੀ ਲੈ ਲਈ ਹੈ। ਪਿਛਲੇ ਹਫ਼ਤੇ ਵੀ ਸੰਗਠਨ ਵੱਲੋਂ ਕੀਤੇ ਹਮਲੇ ਵਿੱਚ 22 ਲੋਕਾਂ ਦੀ ਮੌਤ ਹੋ ਗਈ ਸੀ।

ਪਾਕਿਸਤਾਨ ਲਗਦੇ ਅਫ਼ਗਾਨ ਇਲਾਕਿਆਂ ਵਿੱਚ ਹਾਲੇ ਵੀ ਤਾਲਿਬਾਨ ਦਾ ਕਬਜ਼ਾ ਹੈ।

ਚਸ਼ਮਦੀਦਾਂ ਦਾ ਕਹਿਣਾ ਹੈ ਕਿ ਇਸ ਇਲਾਕੇ ਵਿੱਚ ਬਹੁਤ ਸਾਰੇ ਦੇਸਾਂ ਦੇ ਸਫ਼ਰਤਖਾਨੇ ਹਨ ਪੁਲਿਸ ਦੇ ਦਫ਼ਤਰ ਹਨ। ਕਾਫ਼ੀ ਭੀੜ-ਭੜਕਾ ਰਹਿੰਦਾ ਹੈ।

ਸ਼ਨੀਵਾਰ ਦੀ ਸਵੇਰ ਜਦੋਂ ਧਮਾਕਾ ਹੋਇਆ ਉਸ ਸਮੇਂ ਵੀ ਮੌਕੇ ਤੇ ਕਾਫ਼ੀ ਗਿਣਤੀ ਵਿੱਚ ਲੋਕ ਮੌਜੂਦ ਸਨ।ਸਾਰੇ ਪਾਸੇ ਧੂੰਏਂ ਦੇ ਗੁਬਾਰ ਦੇਖੇ ਜਾ ਸਕਦੇ ਸਨ।

ਹਾਲੀਆ ਸਮੇਂ ਦੌਰਾਨ ਸਭ ਤੋਂ ਭਿਆਨਕ ਹਮਲਾ

ਪਿਛਲੇ ਮਹੀਨਿਆਂ ਦੌਰਾਨ ਇਹ ਕਾਬਲ ਵਿੱਚ ਹੋਇਆ ਸਭ ਤੋਂ ਭਿਆਨਕ ਹਮਲਾ ਹੈ।

Image copyright Getty Images

ਦੇਸ ਵਿੱਚ ਆਪਣੀ ਪਕੜ ਮੁੜ ਮਜ਼ਬੂਤ ਕਰਨ ਲਈ ਕੋਸ਼ਿਸ਼ ਕਰ ਰਹੇ ਤਾਲਿਬਾਨਾਂ ਹੱਥੋਂ ਫ਼ੌਜ ਦਾ ਹੁਣ ਤੱਕ ਕਾਫ਼ੀ ਨੁਕਸਾਨ ਹੋਇਆ ਹੈ।

ਤਾਲਿਬਾਨ ਦੇਸ ਵਿੱਚ ਇਸਲਾਮਿਕ ਕਾਨੂੰਨ ਦੀ ਬਹਾਲੀ ਕਰਨਾ ਚਾਹੁੰਦੇ ਹਨ।

ਮਈ ਵਿੱਚ ਵੀ ਰਾਜਧਾਨੀ ਵਿੱਚਲੇ ਇੱਕ ਬੰਬ ਧਮਾਕੇ ਵਿੱਚ 176 ਲੋਕਾਂ ਨੂੰ ਆਪਣੀ ਜਾਨ ਗਵਾਉਣੀ ਪਈ ਸੀ।

ਹਾਲਾਂਕਿ ਇਸ ਤੋਂ ਤਾਲਿਬਾਨ ਨੇ ਇਨਕਾਰ ਕਰ ਦਿੱਤਾ ਸੀ ਪਰ ਅਧਿਕਾਰੀਆਂ ਮੁਤਾਬਕ ਇਸ ਹਮਲੇ ਵਿੱਚ ਇਨ੍ਹਾਂ ਦੇ ਹੀ ਪਾਕਿਸਤਾਨ ਤੋਂ ਸਹਿਯੋਗੀ ਹਕਾਨੀ ਗਰੁੱਪ ਦਾ ਹੱਥ ਸੀ।

Image copyright Getty Images

ਪਾਕਿਸਤਾਨ ਨੇ ਅਫ਼ਗਾਨਿਸਤਾਨ ਵਿੱਚ ਅੱਤਵਾਦੀ ਹਮਲਿਆਂ ਨੂੰ ਸ਼ਹਿ ਦੇਣ ਦੇ ਇਲਜ਼ਾਮਾਂ ਤੋਂ ਇਨਕਾਰ ਕੀਤਾ ਹੈ।

ਕਿਵੇਂ ਲੰਘ ਗਈ ਐਂਬੂਲੈਂਸ?

ਬੀਬੀਸੀ ਦੀ ਜ਼ਿਆ ਸ਼ਹਿਰਯਾਰ ਨੇ ਮੌਕੇ ਤੋਂ ਦੱਸਿਆ ਹੈ ਕਿ ਇਸ ਇਲਾਕੇ ਵਿੱਚ ਕਾਫ਼ੀ ਸੁਰਖਿਆ ਹੈ।

ਲੰਘਣ ਵਾਲੀਆਂ ਗੱਡੀਆਂ ਦੀ ਜਾਂਚ ਕੀਤੀ ਜਾਂਦੀ ਹੈ ਤੇ ਡਰਾਈਵਰਾਂ ਦੀ ਪਛਾਣ ਕੀਤੀ ਜਾਂਦੀ ਹੈ।

ਨਾਕਿਆਂ ਵਿੱਚੋਂ ਲੰਘਣਾ ਸੌਖਾ ਨਹੀਂ ਹੈ ਇਨ੍ਹਾਂ ਹਾਲਾਤਾਂ ਵਿੱਚ ਇਹ ਐਂਬੂਲੈਂਸ ਉੱਥੇ ਤੱਕ ਕਿਵੇਂ ਪਹੁੰਚ ਗਈ ਇਸ ਬਾਰੇ ਵੀ ਸਵਾਲ ਉੱਠਣਗੇ।

ਕੌਣ ਹਨ ਤਾਲਿਬਾਨ?

  • 1996 ਵਿੱਚ ਘਰੇਲੂ ਖਾਨਾ ਜੰਗੀ ਮਗਰੋਂ ਇਹ ਕੱਟੜ ਪੰਥੀ ਸੰਗਠਨ ਦੇਸ ਦੀ ਸੱਤਾ ਤੇ ਕਾਬਜ ਹੋ ਗਿਆ। ਪੰਜ ਸਾਲ ਮਗਰੋਂ ਅਮਰੀਕੀ ਅਗਵਾਈ ਵਾਲੀਆਂ ਫ਼ੌਜਾਂ ਨੇ ਇਸ ਨੂੰ ਖਦੇੜਿਆ।
  • ਤਾਕਤ ਵਿੱਚ ਰਹਿੰਦਿਆਂ ਇਨ੍ਹਾਂ ਨੇ ਦੇਸ ਵਿੱਚ ਇਸਲਾਮਿਕ ਸ਼ਰੀਆ ਕਾਨੂੰਨ ਸਖਤੀ ਨਾਲ ਲਾਗੂ ਕੀਤਾ ਹੋਇਆ ਸੀ। ਇਸ ਦੌਰਾਨ ਜਨਤਕ ਸਜਾਵਾਂ ਦੇਸ ਵਿੱਚ ਆਮ ਗੱਲ ਸੀ।
  • ਮਰਦਾਂ ਲਈ ਦਾੜ੍ਹੀ ਰੱਖਣਾ ਤੇ ਔਰਤਾਂ ਲਈ ਬੁਰਕਾ ਪਾਉਣਾ ਜਰੂਰੀ ਸੀ। ਟੈਲੀਵਿਜ਼ਨ ਤੇ ਸਿਨਮਾ ਘਰਾਂ ਤੇ ਪੂਰਨ ਪਾਬੰਦੀ ਸੀ।
Image copyright Getty Images
  • ਸੱਤਾ ਚੋਂ ਕੱਢੇ ਜਾਣ ਮਗਰੋਂ ਇਨ੍ਹਾਂ ਨੇ ਲਗਾਤਾਰ ਅਲ ਕਾਇਦਾ ਦੇ ਆਗੂਆਂ ਦੀ ਪਿੱਠ ਤੇ ਹੱਥ ਰੱਖਿਆ। ਉਸ ਮਗਰੋਂ ਇਨ੍ਹਾਂ ਦੀ ਬਗਾਵਤ ਹਾਲੇ ਤੱਕ ਜਾਰੀ ਹੈ।
  • 2016 ਵਿੱਚ ਅਮਰੀਕੀ ਗੱਠਜੋੜ ਨੇ ਦੇਸ ਵਿੱਚਲੇ ਜਾਨੀ ਨੁਕਸਾਨ ਦਾ ਇਲਜ਼ਾਮ ਤਾਲਿਬਾਨ ਤੇ ਲਾਏ।
  • ਸੰਯੁਕਤ ਰਾਸ਼ਟਰ ਮੁਤਾਬਕ 2017 ਦੌਰਾਨ ਵੀ ਅਫ਼ਗਾਨਿਸਤਾਨ ਵਿੱਚ ਬਹੁਤ ਜ਼ਿਆਦਾ ਮੌਤਾਂ ਹੋਈਆਂ।

ਕਾਬੁਲ ਵਿੱਚ ਟੀਵੀ ਸਟੇਸ਼ਨ ਉੱਤੇ ਹਮਲਾ

ਕਾਬੁਲ: ਆਈਐੱਸ ਦੇ ਹਮਲੇ 'ਚ ਕਈ ਪੱਤਰਕਾਰਾਂ ਦੀ ਮੌਤ

ਕਾਬੁਲ 'ਚ ਗੋਲੀਬਾਰੀ ਖ਼ਤਮ, ਸਾਰੇ ਹਮਲਾਵਰ ਢੇਰ

(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTERਅਤੇ YouTube 'ਤੇ ਜੁੜੋ