ਅਫ਼ਗਾਨਿਸਤਾਨ 'ਚ ਬੰਬ ਧਮਾਕਿਆਂ ਵਿੱਚ ਲਗਭਗ 25 ਦੀ ਮੌਤ
Image copyright
EPA
ਅਫ਼ਗਾਨਿਸਤਾਨ ਵਿੱਚ ਵੱਖ-ਵੱਖ ਬੰਬ ਧਮਾਕਿਆਂ ਵਿੱਚ ਲਗਭਗ 25 ਵਿਅਕਤੀ ਮਾਰੇ ਗਏ ਹਨ। ਇਨ੍ਹਾਂ ਹਮਲਿਆਂ ਵਿੱਚ ਮਾਰੇ ਗਏ ਜ਼ਿਆਦਾਤਰ ਫ਼ੌਜੀ ਹਨ।
ਪੱਛਮੀਂ ਸੂਬੇ ਫਰ੍ਹਾ ਵਿੱਚ ਤਾਲਿਬਾਨੀ ਅੱਤਵਾਦੀਆਂ ਨੇ ਇੱਕ ਫੌਜੀ ਪੋਸਟ ਵਿੱਚ ਦਾਖਲ ਹੋ ਕੇ 22 ਜਵਾਨ ਮਾਰ ਦਿੱਤੇ।
ਰਾਜਧਾਨੀ ਕਾਬੁਲ ਵਿੱਚ ਇੱਕ ਖ਼ੁਦਕੁਸ਼ ਹਮਲੇ ਵਿੱਚ ਤਿੰਨ ਸੁਰੱਖਿਆ ਅਧਿਕਾਰੀਆਂ ਦੀ ਮੌਤ ਹੋਈ ਹੈ।
- 'ਤਾਲੀਬਾਨ ਨੇ ਬੇਟੀ ਮਾਰੀ, ਪਤਨੀ ਦਾ ਰੇਪ ਕੀਤਾ'
- 'ਅਮਰੀਕਾ ਨਹੀਂ ਸਾਡਾ ਮਸਲਾ ਭਾਰਤ ਨਾਲ ਹੈ'
- ਪਾਕ ਨੂੰ ਅਰਬਾਂ ਡਾਲਰ ਦੇਣੇ ਅਮਰੀਕਾ ਦੀ ਬੇਵਕੂਫ਼ੀ: ਟਰੰਪ
ਪਿਛਲੇ ਮਹੀਨਿਆਂ ਦੌਰਾਨ ਦਹਿਸ਼ਤ ਦੀਆਂ ਗਤੀਵਿਧੀਆਂ ਵਿੱਚ ਵਾਧਾ ਦੇਖਿਆ ਗਿਆ ਹੈ, ਜਿਨ੍ਹਾਂ ਵਿੱਚ ਵਧੇਰੇ ਕਰਕੇ ਸੁਰਖਿਆ ਬਲਾਂ ਨੂੰ ਨਿਸ਼ਾਨਾ ਬਣਾਇਆ ਗਿਆ।
ਵਿਸ਼ਲੇਸ਼ਕਾਂ ਦੀ ਰਾਇ ਹੈ ਕਿ ਹਮਲਿਆਂ ਵਿੱਚ ਇਹ ਤੇਜੀ ਰਾਸ਼ਟਰਪਤੀ ਟਰੰਪ ਵੱਲੋਂ ਐਲਾਨੀ ਗਈ ਵਧੇਰੇ ਹਮਲਾਵਰ ਰਣਨੀਤੀ ਦੀ ਪ੍ਰਤੀਕਿਰਿਆ ਹੈ।
ਸ਼ਨੀਵਾਰ ਤੜਕੇ ਤਾਲਿਬਾਨੀ ਲੜਾਕਿਆਂ ਨੇ ਫਰ੍ਹਾ ਦੀ ਇੱਕ ਫੌਜੀ ਪੋਸਟ 'ਤੇ ਹਮਲਾ ਕੀਤਾ।
ਹਥਿਆਰਾਂ 'ਤੇ ਕਬਜ਼ਾ ਕਰ ਲਿਆ ਤੇ ਅਫ਼ਗਾਨ ਫੌਜ ਦਾ ਕਹਿਣਾ ਹੈ ਕਿ 'ਤਾਲਿਬਨੀਆਂ ਨੇ ਕਾਫ਼ੀ ਨੁਕਸਾਨ' ਕੀਤਾ ਸੀ।
ਕਾਬੁਲ ਵਿੱਚ ਇੱਕ ਖੁਦਕੁਸ਼ ਨੇ ਸਫ਼ਾਰਤੀ ਇਮਾਰਤਾਂ ਵਾਲੇ ਇਲਾਕੇ ਵਿੱਚ ਧਮਾਕਾ ਕੀਤਾ।
ਇੱਕ ਪ੍ਰਤੱਖ-ਦਰਸ਼ੀ ਨੇ ਟੋਲੋਨਿਊਜ਼ ਟੀਵੀ ਨੂੰ ਦੱਸਿਆ, "ਮੈਂ ਨੇੜੇ ਹੀ ਡਰਾਈਵਿੰਗ ਕਰ ਰਿਹਾ ਸੀ ਜਦੋਂ ਮੈਨੂੰ ਇੱਕ ਵੱਡਾ ਧਮਾਕਾ ਸੁਣਿਆ, ਮੇਰੀ ਕਾਰ ਦੇ ਸ਼ੀਸ਼ੇ ਟੁੱਟ ਗਏ। ਮੈਂ ਦੇਖਿਆ ਕਿ ਕਈ ਜ਼ਖਮੀਂ ਲੋਕ ਮੇਰੇ ਆਸ-ਪਾਸ ਸੜਕ 'ਤੇ ਪਏ ਸਨ।"
ਖ਼ਬਰ ਏਜੰਸੀ ਰਾਇਟਰਜ਼ ਮੁਤਾਬਕ ਇਸਲਾਮਿਕ ਸਟੇਟ ਨੇ ਧਮਾਕਿਆਂ ਦੀ ਜਿੰਮੇਵਾਰੀ ਲਈ ਹੈ।
ਦੱਖਣ ਦੇ ਹੈਲਮੰਡ ਸੂਬੇ ਵਿੱਚ ਵੀ ਇੱਕ ਖ਼ੁਦਕੁਸ਼ ਹਮਲੇ ਵਿੱਚ ਦੋ ਫੌਜੀਆਂ ਸਮੇਤ ਔਰਤਾਂ ਤੇ ਬੱਚੇ ਜ਼ਖਮੀਂ ਹੋਏ ਹਨ।
- ਅਫ਼ਗਾਨਿਸਤਾਨ 'ਚ ਧਮਾਕੇ ਵਿੱਚ 41 ਲੋਕਾਂ ਦੀ ਮੌਤ
- 'ਜੰਗੀ ਮੈਦਾਨ ਵਾਂਗ ਨਜ਼ਰ ਆ ਰਹੀ ਸੀ ਮਸਜਿਦ'
- ਆਰਮੀ ਬੇਸ 'ਤੇ ਹਮਲੇ ਦੀ ਜ਼ਿੰਮੇਵਾਰੀ ਆਈਐੱਸ ਨੇ ਲਈ
ਅਫ਼ਗਾਨਿਸਤਾਨ ਦੇ ਸਵਾਤ ਇਲਾਕੇ ਵਿੱਚ ਤਾਲਿਬਾਨ ਦਾ ਦਬਦਬਾ ਹੈ ਜਦ ਕਿ ਇਸਲਾਮਿਕ ਸਟੇਟ ਦਾ ਬਹੁਤ ਥੋੜ੍ਹੇ ਜ਼ਿਲ੍ਹਿਆਂ 'ਤੇ ਦਬਦਬਾ ਹੈ।
ਇਹ ਦੋਵੇ ਇੱਕ-ਦੂਜੇ ਨਾਲ ਵੀ ਉਲਝਦੇ ਰਹਿੰਦੇ ਹਨ ਤੇ ਇਨ੍ਹਾਂ ਨੇ ਸਾਰੇ ਦੇਸ ਵਿੱਚ ਹੀ ਧਮਾਕੇ ਕਰ ਸਕਣ ਦੀ ਸਮਰੱਥਾ ਦਿਖਾਈ ਹੈ।
(ਬੀਬੀਸੀ ਪੰਜਾਬੀ ਨਾਲ FACEBOOK, INSTAGRAM, TWITTERਅਤੇ YouTube 'ਤੇ ਜੁੜੋ।)