ਤਸਵੀਰਾਂ : ਈਸਟਰ ਪੂਰੀ ਦੁਨੀਆਂ ਵਿੱਚ ਕਿਵੇਂ ਮਨਾਇਆ ਗਿਆ?
ਤਸਵੀਰ ਸਰੋਤ, EPA
ਦੁਨੀਆਂ ਭਰ ਵਿੱਚ ਈਸਾਈ ਐਤਵਾਰ ਨੂੰ ਈਸਟਰ ਦਾ ਤਿਉਹਾਰ ਮਨਾਇਆ। ਪਵਿੱਤਰ ਐਤਵਾਰ ਤੋਂ ਪਹਿਲਾਂ ਈਸਾਈ ਗਿਰਜਿਆਂ ਵਿੱਚ ਪਵਿੱਤਰ ਸ਼ਨੀਵਾਰ ਮਨਾਉਣ ਲਈ ਇਕੱਠੇ ਹੁੰਦੇ ਹਨ। ਇਹ ਤਸਵੀਰ ਪੋਲੈਂਡ ਦੇ ਵਰਸਾ ਦੀ ਹੈ ਜਿੱਥੇ ਚਰਚ ਦੇ ਪਾਦਰੀ ਈਸਟਰ ਵਿਜ਼ਲ ਸਰਵਿਸ ਲਈ ਜੁੜੇ ਸਨ।
ਤਸਵੀਰ ਸਰੋਤ, Reuters
ਬੇਲਾਰੂਸ ਦੇ ਇੱਕ ਪਿੰਡ ਵਿੱਚ ਸੂਰਜ ਡੁੱਬਣ ਤੋਂ ਬਾਅਦ ਕੈਥੋਲਿਕ ਈਸਟਰ ਫਾਇਰ ਲਈ ਇਕੱਠੇ ਹੋਏ। ਰਵਾਇਤੀ ਤੌਰ 'ਤੇ ਇਹ ਅੱਗ ਜਲਾਈ ਜਾਂਦੀ ਹੈ। ਰਵਾਇਤ ਮੁਤਾਬਕ ਚਰਚ ਦਾ ਹਨੇਰਾ ਦੂਰ ਕਰਨ ਲਈ ਪਾਦਰੀ ਬਲ਼ਦੀ ਹੋਈ ਮੋਮਬੱਤੀ ਲੈ ਕੇ ਅੰਦਰ ਜਾਂਦਾ ਹੈ।
ਤਸਵੀਰ ਸਰੋਤ, Reuters
ਵੈਟਿਕਨ ਵਿੱਚ ਪੋਪ ਫ਼ਰਾਂਸਿਸ ਨੇ ਸ਼ਨੀਵਾਰ ਨੂੰ ਸੈਂਟ ਪੀਟਰ ਦੇ ਵਿਸ਼ਾਲ ਚਰਚ (ਬੈਸਿਲਿਕਾ) ਵਿੱਚ ਲੋਕਾਂ ਨੂੰ ਸੰਬੋਧਨ ਕੀਤਾ।
ਤਸਵੀਰ ਸਰੋਤ, Reuters
ਈਸਾਈ ਧਰਮ ਨੂੰ ਅਪਨਾਉਣ ਵਾਲੇ ਨਵੇਂ ਲੋਕਾਂ ਦੇ ਸਵਾਗਤ ਲਈ ਈਸਟਰ ਸ਼ਨੀਵਾਰ ਪ੍ਰਸਿੱਧ ਹੈ। ਇਸ ਦੌਰਾਨ ਬਿਸ਼ਪ ਨੇ ਬਪਤਿਸਮਾ ਵੀ ਦਿੱਤੀ ਗਈ।
ਤਸਵੀਰ ਸਰੋਤ, EPA
ਖ਼ਰਗੋਸ਼ ਵਰਗੇ ਪਹਿਰਾਵੇ ਵਿੱਚ ਇਹ ਬੱਚੀ ਹਾਲੇ ਕੁਝ ਰੁੱਝੀ ਹੋਈ ਹੈ। ਕੈਲਿਫੋਰਨੀਆ ਦੇ ਟੋਰੇਂਸ ਵਿੱਚ ਬੱਚਿਆਂ ਨੇ ਈਸਟਰ ਦੇ ਤਿਉਹਾਰ ਵਿੱਚ ਹਿੱਸਾ ਲਿਆ। ਆਂਡੇ ਇਕੱਠੇ ਕਰਨ ਦੀ ਖੇਡ ਵਿੱਚ ਬੱਚਿਆਂ ਲਈ 75,000 ਤੋਂ ਵੱਧ ਆਂਡੇ ਰੱਖੇ ਗਏ ਸਨ।
ਤਸਵੀਰ ਸਰੋਤ, EPA
ਨਿਊਜ਼ੀਲੈਂਡ ਵਿੱਚ ਬੱਚਿਆਂ ਆਂਡਿਆਂ ਦੀ ਕੁਝ ਵੱਖਰੀ ਵਰਤੋਂ ਕੀਤੀ ਗਈ। ਉਨ੍ਹਾਂ ਤੇ ਬੱਚਿਆਂ ਨੇ ਚਿਤਰਕਾਰੀ ਕੀਤੀ। ਈਸਾਈਆਂ ਵਿੱਚ ਆਂਡਾ ਈਸਾ ਮਸੀਹ ਦੇ ਪੁਨਰ ਜਨਮ ਦਾ ਪ੍ਰਤੀਕ ਹੈ।
ਤਸਵੀਰ ਸਰੋਤ, EPA
ਫ਼ਰਾਂਸ ਦੇ ਆਲਰਸ ਵਿੱਚ ਈਸਟਰ ਦੇ ਤਿਉਹਾਰ ਦੌਰਾਨ ਰਿੰਗ ਵਿੱਚ ਬੁੱਲ ਫਾਈਟਿੰਗ ਦਾ ਪ੍ਰੋਗਰਾਮ ਹੋਇਆ। ਹਰ ਸਾਲ ਹੋਣ ਵਾਲੇ 'ਫੈਰਿਆ ਦਿ ਪੈਕਵਸ ਈਵੈਂਟ' ਨਾਲ ਬੁੱਲ ਫਾਈਟਿੰਗ ਦੇ ਸੀਜ਼ਨ ਦੀ ਸ਼ੁਰੂਆਤ ਹੁੰਦੀ ਹੈ।
ਤਸਵੀਰ ਸਰੋਤ, Reuters
ਚੀਨ ਦੇ ਸ਼ੰਘਾਈ ਵਿੱਚ ਕੈਥੋਲਿਕ ਪੋਪ ਜੋਹਨ ਪਾਲ ਦੂਜੇ ਅਤੇ ਕੁਆਰੀ ਮਾਂ ਮੈਰੀ ਦੀ ਤਸਵੀਰ ਕੋਲ ਬੈਠੇ ਕਿਸੇ ਦੀ ਉਡੀਕ ਕਰ ਰਹੇ ਹਨ।
ਤਸਵੀਰ ਸਰੋਤ, EPA
ਕੈਪ- ਰੋਮਾਨੀਆ ਦੇ ਬੁਖਾਰੇਸਟ ਵਿੱਚ 'ਆਰਥੋਡਾਕਸ ਪਾਮ ਸੰਡੇ' ਤੋਂ ਪਹਿਲਾਂ ਪਾਦਰੀ ਇੱਕ ਚਰਚ ਕੋਲ ਇਕੱਠੇ ਹੋਏ। ਕਈ ਚਰਚ ਆਪਣੇ ਈਸਟਰ ਜੂਲੀਅਨ ਕਲੰਡਰ ਮੁਤਾਬਕ ਮਨਾਉਂਦੇ ਹਨ ਨਾ ਕਿ ਪੱਛਮੀਂ ਦੇਸਾਂ ਵਿੱਚ ਵਰਤੇ ਜਾਂਦੇ ਗ੍ਰੇਗੋਰੀਅਨ ਕਲੰਡਰ ਮੁਤਾਬਕ। ਇਸ ਸਾਲ ਇਹ 8 ਅਪ੍ਰੈਲ ਨੂੰ ਮਨਾਇਆ ਜਾਵੇਗਾ ਜਦ ਕਿ ਪੱਛਮੀਂ ਕਲੰਡਰ ਮੁਤਾਬਕ ਇਹ ਪਹਿਲੀ ਅਪ੍ਰੈਲ ਨੂੰ ਮਨਾਇਆ ਜਾ ਰਿਹਾ ਹੈ।
